剛剛過去的聖誕節本來諗住二十三號嗰日返香港同佢哋一齊過， 點知月中S打電話比我話同W過來新加坡問我好唔好？ 但係佢話無得唔好， 機票同酒店已經訂咗， 二十三號朝頭早九點機， 咁我話下晏一點到機場接佢哋！
好彩未叫同事幫我出機票返香港， 話咁快到咗二十三號公司安排我住喺西岸離機場都幾遠， 所以要早啲出門口， 費是佢哋倆個第一次來新加坡就要等......
等到佢哋倆個出閘都差唔多點半鐘， S一見到我即刻驚死無人知咁飛撲過來 攬住我錫咗啖， W從後推住行李慢慢行過來， 我拖住W隻手同佢再錫咗啖， 可能人在外地無咁多顧慮， 係香港我哋三個係公眾場所點都有所避忌..........
本來諗住同公司借咗部車用， 早知唔比老闆知， 一比佢知就出事， 開頭本來諗住假期借公司用來接客部七人車， 點知口多多同佢講咗話女朋友過來玩想同公司借部車用幾日， 老闆話咁唔係好啱規矩點都係公司車........借就借佢自己部車比我用， 問我想要邊部過幾日揾司機揸比我...........夜晚七點幾司機打電話比我問點交車， 我話仲係公司不如樓下等， 落到街等咗陣， 突然有人開燈閃咗我兩吓， 行過去見到部車心知不妙........
駛唔駛呀老闆......求其借你工人出去巴刹買餸嗰部咪得囉！ 你借部Benz比我有乜事點賠呀.......？ 司機交咗車匙油卡比我問駛唔駛試吓？ 要就車佢返屋企一路行一路教我點揸， 事到如今你話點就點啦！ 依家諗返起先覺得個司機都幾醒， 揾個咁好嘅理由點我車佢返屋企
