第1場 第五班 1200米 (草地) 評分(0-40)
今場馬膽吼下冷門
「3.喜盈盈」- 大前仗剛落五班積極做功夫,但騎者稍稍走蝕位得季軍,但該仗頭二馬季內都再能交出成績。上仗排中外檔跟跑一場。賽後繼續做功夫無間斷,只是沒有適合路程而已。今仗小休七十多天賺體力。做了咁耐功夫,相信今場戰意唔會無! 變化地牠亦曾贏馬,因檔位換來賠率不妨一吼。
「5.快樂火龍」- 曾在4班上名,對手也不是毫無水準。雖然今季表現未如理想,但亦有百多天的休息,近期馬房表現比季初有所提升,埋門此駒單試也見馬身飽滿,有良好作戰狀態,排好檔可守好位跑,亦有權爭勝。
「11.福之寶」- 轉廄後上仗表現唔曳,復課見拍跳主動,馬身收好。馬匹亦得十七分亦需救亡,相信戰意加零一。輕磅排好檔希望早段慳埋,末段慳腳程衝刺。
「8.天狼星」- 小休復出,晨課表現對版。雖然同程五戰未入三甲,但有三仗是頭一季跑的,當時在三班兼可能未服水土,敗績可不理。今季始終識贏,田草千四及千六都可上名,相信田草應會適應。夠前速擺前可預一位。
「7.樂有盈」- 上仗轉倉初出,末段追趕不俗,復課更見輕身上力。四歲馬自購馬無乜用過,體力及評分相對有利,配腳可選。
第7場 第三班 1600米 (草地) 評分(60-80)
今場馬膽揀
「1.共創更好」- 雖然季內硬淨賽績唔算多,但相對評分減幅及體力無甚消耗呢兩點會有利。大前仗落三班跑此程已入位,雖然僅僅入位,但以當時之狀態水準,已絕對收貨。最近兩仗谷草一場初到谷草及千八或許會難跑。輾轉減去一分重回三班,埋門落草地及大圈單試都見狀態有所提升;加上未交代戰意更濃,馬房明天佈陣亦似連場出撃,有分頭可博。
「6.紅海威」- 三歲仔上仗一加眼罩跟前些少已露出真面目,幸好亦能一箸夾中。今場狀態比上仗有過之而無不及。唯成明牌馬加潘頓唔騎有點費解。論馬今仗都可以守好位跑,如馬房要留有後著,也無話可說。
「10.環保動力」- 此駒外地表現準繩,近兩仗表現絕不差。雖然早課見馬匹狀態仍有進步空間,但外地跑法牠是可跟前。而今場步速相信會較慢,如突改跑法小心突然變身。
「8.豈等閒」- 季內國際賽日跑同程入位之水準在此絕對夠用。近仗多跑泥地及短途未必合腳法。今場排好檔有權採取主動跑法殺敵。
「5.勢必跑」- 季內就是贏同程,當時87分,如今兜轉一大輪減夠有突,係近來跑得密體力會成疑。希望佢近仗無乜用力抵償,用柏寶似來者不善,保險腳。
