引用:
原帖由 一夜狂歡 於 2024-9-16 15:11 發表
終於叫做勉強搞得掂條靚妹,唔使日日担驚受怕,公司份工亦都暫時保得住,咁焦點要放返喺還債嗰度,求己不如求人,唯一解決辦法係債冚債,今個月出糧節衣縮食只得兩萬,尚欠七萬點搞,豬朋狗友門吃喝玩樂可以,借錢就千千聲,炒埋唔夠一碟 ...
張太嗰邊本來有得諗嘅,不過最近問佢借錢咁唐突,會影響佢對我嘅觀感,加上佢班手下係唔易搞啲人,做生不如做熟,冇乜大單嘢都係唔好郁住,同條靚妹叫做關係改善咗,不過佢就食住上,成個晏晝點到我陀陀擰,叫我落街買文具唔一次過買,而係諗起一件買一件,足足行咗六次咁多,搞到攰到抽筋,好嘞放工嘞諗住走得,條女又話要加班做嘢,叫我請佢飲咖啡,咁小事咪幫下佢囉,點知星記放工人多到嘔,來回結果用咗九個字,到買到返公司靚妹仲怪我,話咁耐佢已經做完晒啲嘢走得,杯咖啡留番俾我自己享用喎,頂你真係想即場吊九佢,頂住道氣唯有忍,後尾佢陰聲細氣又溫柔同我講拜拜,我已經縮晒,再見佢條短裙仔飄下飄下,大脾又白又滑,當堂乜嘢怨氣都冇晒,仲主動同佢講:唔緊要,係我唔啱咁遲先返,下次再請過你吖。唔怪之得話英雄難過美人關,我唔係英雄,更加過唔到啦!