上面提到外國人，今次就講U先生啦，因為佢係美國人。
上年有一段時間，我每個星期都有一兩日閒日（假期就咪搞）入去南丫島hea。我中意去一間小店坐係海邊飲下野，去海灘吹下風。
有一日係海灘坐時，有個人過黎同我say hi，佢就係U。
U係公司派黎香港做野，佢就住係南丫島，佢話成日都見到我，但我又唔似係住係度，所以好奇過黎問下。傾落至知原來佢都預備要返美國，因為公司調佢返去。
佢外型係吸引我個類啦，sporty，陽光，成熟，仲有對藍色眼珠添。
之後幾次入南丫島都有見到U，我地亦傾多計，有一次佢問我點解成日見到我坐係沙灘，但從無見過我游水？其實我游水好唔掂，游游下就會自己向下沉，所以我唔會自己去游水，又唔會游到腳離地既深水，加上細個時又試過游水浸親，所以驚驚。佢聽到就話可以教我游。
我講笑咁話：咁咪要比你睇我著泳衣囉？
U：I’m looking forward to your sexy body with a bikini.
我就話佢都幾坦白喎。
U：No, the truth is, without a bikini.
依類既黃色幽默係我buy既，亦減少好多大家既尷尬（或者尷尬既只係我囉），就係咁，我地約好左幾日之後。
