網絡女作家的網戀 (二十八) 回美前與閨蜜的聚會
五臟六腑滿佈了旁人無法看透難以癒合還滲著血的傷痕，確實由自己親手遂寸遂寸地爪挖而留下的。
那不為人道的內傷痛楚恐怕只能隨著時間讓自己慢慢地克服癒合，避免哀傷刻劃在臉上，調整悲痛愁緒強迫把它抑壓著。
除了倆位閨蜜，拒絕接觸及回覆在港的所有人，離港前晚上跟蜜友一聚，還沒正式告知她們我的去向，到達餐廳。
Sabrina 笑容滿面地說：「點呀，我哋一個月一次嘅閨蜜聚會又嚟喇，唔係m到，唔會痛唔會攰架，哈哈哈…..」
或許我眼眸透著憂鬱仍流露出少許哀愁，觀察細微的Raina 郤說：「Ling，你今次精神好唔同喎，發生咩事呀？」
我錯愕地說：「Raina 你真係勁，咁都比你睇得出。」苦笑著「係呀，我聽日返美國喇….」
Sabrina 已終斷了我的說話：「好地地做乜又走呀？公司做得唔開心咩，你上次仲講就嚟攞 award 添，計落都應該攞咗架喎，咁有前途，點解要走呀？唔好話比我聽係……」
Raina 以手輕力按著 Sabrina 的大腿阻止她繼續，再跟我說：「Ling，你已經決定咗，我哋一定會支持你，但你好似唔當我哋係死黨喎，咩都唔同我哋講，比你發洩下都好吖嘛。」
我繼續那被終斷了的說話：「其實我對上一次返嚟一個星期，同今次返香港發展都係為咗佢，一個已經結咗婚嘅男人。依家無事喇，已經明朗晒架喇，佢都講得好啱，美國嘅生活先至適合我，因為我所有屋企人親戚都响美國。」
Raina 像早早已看透般：「你柬錯咗啫，唔關地區國家事，香港或者美國都好，只要你搵到個啱嘅，就係一個適合你嘅地方，點都好你終於清醒就好喇，我哋就係等你幾時肯講比我哋聽啫。」
Sabrina 有點憤怒地說：「其實我好想一早問清楚你架，Raina 話要等你自己講之嘛。嗰個男人咁衰，你做咩唔比Ｄ教訓佢呀？一係等我幫你去佢屋企淋紅油吖或者噴字數臭個賤男都好喎。」
聽到 Sabrina 責罵嘉永，吊詭地存在著別人無法認同的信念, 嘉永並沒有過大的錯誤，只是抵受不到誘惑而犯下至少我能理解的錯。
目光因此呆滯地回答她：「佢只係好少錯啫，最錯係我呀，明知佢有家室我都要愛佢，雖然佢而家已經表明唔會同我一齊，但我個心仲係愛佢架，你叫我可以比Ｄ咩教訓佢呢？話比全世界知我同佢嘅關係？佢可能因為咁連份工都無埋架；定係搵人打佢一身呀？佢痛我咪仲痛；定係用盡網媒唱衰佢？有人有興趣知千千萬萬婚外情嘅其中一對咩？我哋又唔係咩名人！再講我都唔知佢屋企同公司地址架啦，佢好保護佢自己架，佢唔肯講，我都唔會迫佢，所以無必要為咗知佢住邊同响邊度做嘢而跟蹤佢囉。不過佢都有講過响邊區做嘢嘅，所以我哋一定唔會响佢同我做嘢嗰區食飯架。」
Sabrina 隨即激昂地說：「你話比我知邊區，比埋佢個樣我睇，等我得閒走去嗰頭留意下個賤男，搵人去佢公司噴漆。」她彷彿誓要為我一雪前恥般，眼睛閃爍著憤怒的神情。
我安撫她情緒說：「你搵人噴漆，佢公司有 CCTV 架，警察最後會查到係你架，刑事罪行嚟架，唔好傻啦。」再帶點委屈輕聲地說：「仲有我唔想佢比人叫賤男囉。」
Raina為了平復Sabrina的激動亦緊隨著說：「Sabrina，我知你依家好嬲，我其實都好嬲，真係好想為阿 Ling 出一口氣，但我哋又可以做Ｄ咩呢？報到仇，傷到個男人，阿Ling又唔會因為咁多咗忽肉，佢只會唔開心，倆個都變咗輸家，依家阿 Ling 會開心嘅相信只要個男人係幸福平安就得架喇。」
再轉向我安慰我說：「 Ling忘記佢啦，佢唔配，當放過自己，你值得擁有個更好嘅男人，我祝你返美國快啲搵番份工，最好快啲遇到個 Mr. Right啦 。」
任憑倆位閨蜜怎樣的安慰，我這種不知廉恥的人不值得擁有她們真摰的友情才對啊！
～～待續～～
[ 本帖最後由 大文細佬 於 2017-9-19 08:29 AM 編輯 ]
