失望
滿懷希望，抱住激動嘅心情走出7仔。直接返去酒店，返到酒店，見時間尚早，俾咗錢唔好唗，再去浸下温泉先。因為Mandy佢地食完飯仲要去行街，所以保守估計，起碼都再要1個鐘左右先會返到，時間絕對充裕。
今次浸温泉時候嘅心情同之前折然不同。前後只隔大概3個鐘，心態處境竟然有如此分別，心中不免感慨。肉體上享受住温泉熱水帶俾我舒適嘅感覺，心中將近來發生嘅所有事整理一遍。但覺人生之高低起伏，一切皆運數使然，念及此頓覺括然開朗，心生柳暗花明之感。
不覺時間慢慢過去，係時候上水返房做準備，以備招待今晚潛在嘅客人。
返到房入面換返件衫,之後開始稍為收拾一下。畢竟女仔都係鐘意整潔干淨。去到呢一刻，我已經完成沐浴更衣，準備就緒。開著部電視，等待一個短訊。
時間一分一秒咁過去，最後過咗差唔多2個鐘，由最初超級期待，興奮難當，到熱情失去，手機始終無動靜，短訊始終無出現。正當我由高峰跌落谷底，唔再期盼之際，手機綠燈著起。
Wechat用家都應該知道有message嘅時候係閃綠燈，所以當下真係又重燃希望。二話不說拎起部手機,手機果然顯示來自Mandy嘅訊息。「我們現在回去酒店，但我們去其中一個同事的房間玩，要一起玩嗎？」正如之前一樣，我唔想應酬。況且成班人一齊，又唔係玩群p，我又唔係黎交朋友，所以我都係推咗。我同Mandy講話我自己買咗d酒同野食，如果佢玩完想食少少野，佢到時可以再揾我。
間温泉酒店好大，環境好好。除咗温泉之外，有好多俾人坐嘅枱櫈，呢d休息區周圍係一d小橋流水嘅格局。我之後一個人去到其中一個休息區嘅角落，帶埋先前買嘅啤酒零食，月下獨酌。如果無Mandy嘅出現，係心境平靜下自己對住如此良辰美景飲酒，頗有「對酒當歌，人生幾何」之感。但此刻由於心有旁暮，心緒著實靜唔到落黎，坐咗半個鐘，飲咗2罐之際，手機上又出現訊息，Mandy問我做緊乜，我同佢講咗我嘅位置，佢好快就出現眼前。
我:還在玩嗎？
Mandy:對啊，都在玩點小遊戲，喝點酒吧，你又不來。一個人在這喝也不好玩啊。
我:我挺好的，一個人在這喝酒，挺舒服的。
Mandy:那你喝到什麼時候?
我:反正我沒事做，喝完這些就回去吧。
Mandy:之後呢？
我:睡覺吧，還能做點什麼。
之後大家靜咗一陣，我最討厭呢種dead air。所以我又開口。
我:你明天回家了嗎?
Mandy:是啊，你呢？
我:我沒定，反正我後天才回香港。你有什麼介紹我去的地方嗎？
Mandy:你這一路都在郊區，不然你到城裏去看看吧，我可以帶你去走走。
我:好的，就聽你的，我在台灣最後一天就去城裏吧。
Mandy:好啊，我差不多要回去了，不然他們肯定要出來找我。我跟他們完了就給你發訊吧。
就咁，我又一次目送Mandy離開我視線。自己一個人又再飲多2,3罐之後，開始覺得有d涼，再加上有d酒意，我自己都返房，呢個時候岩岩過咗12點...
返到房，開著電視，見雪櫃仲有一罐啤，又開黎飲埋。唔知係咪浸完温泉個人放鬆得滯，定係因為醉醉地，慢慢就失去意識...
再醒來嘅時候天已經光晒，一睇，朝早8點幾。再睇，有幾個Mandy send 俾我嘅message。係之前嗰晚send嘅。大致就係話佢地嗰邊完，問我仲想唔想同佢飲酒傾計如此這般咁上下。佢見我無覆，就無再send。呢一刻我真係想憾頭埋牆死咗佢，極後悔做乜咁早訓著。我諗咁多位師兄如果易地而處一定明我講緊乜。
都無計la,唔衰都衰咗，帶住沉重嘅心情去食早餐。又當我命不該絕，去到餐廳又見到佢地班人，見Mandy拎野食嘅時候，自覺機不可失，失不再來，我主動行過去。
我:早啊，不好意思，昨天太累，睡著了。今天才看到你的訊息。
Mandy:沒關係，昨天真的太晚了，本來想用微信打給你，但我猜你都睡了，所以就沒再打給你。
我:你什麼時候走?
Mandy:我們吃完早飯就回去了，還要回公司，你呢?
我:我可能中午再走吧，城裏的民宿我都訂好了，我就聽你的，最後一天去那邊走走吧。
Mandy:好啊，那邊好多好吃的。
我:一個人再遇到好吃的也吃不了多少，一個人吃飯不好點菜。
Mandy:也是...不然晚上我跟你吃飯吧，要是你願意。
我:求之不得，這是我的榮幸。
Mandy:好，那晚點微信聯繫吧
我:一言為定
就係咁，我又有second chance...心諗，今次點都唔好再走雞...
待續。
