Part #10
好記得呢一晚同M小姐響條街度攬住左好耐，大家都唔願放手。
呢晚同M小姐又用左二千八百蚊…
第二朝起身，見到無化妝既M小姐真係好靚。當愛上一個人，每一刻見到既M小姐，都覺得係最美麗既，樣貌響呢一刻已經唔重要。呢一刻，大家都未親口承認係男女朋友關係，但大家心裡面都有個答案。只差一步，就只差這一步。
我同M小姐都好清楚，已經為對方預留了一個位置，已經準備對方隨時進入自己既世界。我決定唔會再一次去表白，我將自己既命運作為賭注。我已經向M小姐行出了九十九步，餘下既一步，我希望留番畀M小姐行。我想知道，究竟M小姐既想法，會唔會同我一樣。如果想法唔一樣，關係都一樣唔會長久。
而呢一場賭局，就只有我同M小姐。同一般既賭博唔同，我賭既係自己既幸福同未來。我唔知結果將會係點，但覺得係時候將自己抽遠一點，留返一D空間畀對方。將對方迫得太緊，結果只會大家都辛苦。
有時我咁諗，既然知道大家對對方都有感覺，又何必迫對方講出答案。開口表白耐要極大既勇氣，始終M小姐都係女仔。男仔開口表白難，由女仔開口，更難。而且由於M小姐既經歷，如果要佢再次接受一個男仔進入自己既世界，相比普通人，佢需要更大既勇氣。
要解開心結，我只可以做一個輔助既角色，尋找根原，開解M小姐，但最後一步始終要由M小姐自己解開。
M小姐對愛情既態度開始好轉，自我保護亦都減輕左，開始願意打開自己既內心世界，開始對對方信任。
如果M小姐願意向我表白，即是對愛情重拾信心，走出以往既陰霾。因此我今次好堅持，就算幾愛M小姐，都唔會表白。我會等待，由M小姐講出口。
呢個早上，值得回味，我由M小姐眼中，見到自己。感覺到佢心中，有一個可以放我入去既位置。從佢既說話中，感覺到佢著緊我既感受。
M小姐同我講，佢呢個朝早約左佢既EX ，EX會畀返哂D野佢，作為一個了結。我心裡面有D唔好受，但想深一層，我而家都未正式係佢既男朋友，唔應該去問咁多野。但呢一刻，M小姐好似睇穿左我個心咁，佢咁我唔好諗咁多，呢次係佢最後一次見佢呢個EX。個傻女之後仲要不斷咁同我解釋，但係，我根本打算要問佢。呢一刻，我感覺到，M小姐已經愛上我。
我完全對M小姐信任，因為我愛佢。我覺得只要我肯等待，最終我都可以同M小姐一齊。對所愛既人，應該用相信黎代替猜疑。不要問，只要信x
之後，同M小姐去食早餐，同之前一樣，總有傾唔完既話題。但今次唔同既係，我感覺到M小姐既溫柔同愛意。
食完野之後，我送M小姐去搭車去見佢既EX。同之前一樣，唔捨得對方走，今次唔同既係，行果時，M小姐會主動拖住我。
待續...
愛一個人，唔需要每日對佢講「我愛你」。
而係即使唔講野，對方每一刻都感覺到被愛同埋有安全感。
有興趣睇落去既，請唔好吝嗇留個言，讓我知道你地既存在。
