Part 8
[回憶]
Suki : 老公，你鍾意生仔定生女呀？
我 : 生仔生女都無所謂，最緊要係我同妳生，生出黎健康就可以
Suki : 我鍾意生女多D，咁叫乜名好呀？
我 : 不如叫嘉欣
Suki : 咁咪同李嘉欣同名，諗過另一個啦
我 : 咁不如我地宜家即刻生番個先諗啦
Suki : 你就想啦 !!
之後我地每人想左一個字 , 打算將來的女兒叫 "海藍"
我曾經以為我會同Suki結婚生仔,但因我過去的失誤
導致今天兩難既局面
[回憶完]
當年我追Suki時,大部份同事都唔睇好我
覺得我一定衰梗,結果就跌哂眼鏡....
自從Suki知道Doris生左BB後,佢就開始迴避我
即使每天係公司相見,但已經再無交流
而Doris方面,雖然沒有同Doris結婚,佢亦有父母照顧
但仍然選擇自己一個人住,即使生左BB,坐月期間,
佢亦沒有返去父母身邊,繼續一個人住
而我就每朝早放工就會過去同佢一齊照顧BB
我 : 妳放產假放到幾時?
Doris : 我辭左職,以後專心係屋企湊女
我 : 咁以後有乜打算
Doris : 你放心,我唔會打算要你養,而且你都養唔起我同個女啦
我 : 就算妳唔食,但屋租同奶粉錢都要啦
Doris : 層樓係我個名架,唔駛俾租架,而且我爸爸有錢供養我同個女
我 : 妳爸爸?
Doris : 之前同你一齊做野間公司係我爸爸架
我 : 下,乜妳原來係太子女黎架?
Doris : 只係你以前一直無問過我屋企既野
以前同Doris拍拖,我地從來都無提過雙方屋企既事
亦沒有一齊生活過,我只係好自私咁想要得到佢既身體
根本唔知道佢心裡面想緊什麼,亦沒有想過同佢既將來
即使分手後,我都只係快D溝過第二個....
但今日我同Doris面對既問題就複雜好多
其實我真係無諗過以後既生活點算
只係本著見步行步既心態過每一日
相反,Doris就已經好有計劃咁打點一切
一早已買齊照顧BB既用品,怎至連幼稚園/小學已經著手跟進
除左一樣野 ....
我 : BB打算叫乜野名?
Doris : 我未諗到,你有無乜野意見?
我 : ...... (其實我都有諗過BB改名既事,只係唔知道點開口問佢會唔會跟我姓?)
Doris : 我有諗過叫芷蔚,但都係想再諗多一陣
我 : 不如叫嘉欣 (我就是這樣...完全沒有想像)
之後我曾提出過幾個名,但都被否決
最後我腦海中只浮現出一個名字 "海藍"
Doris : 李海藍? 都幾好聽,如果再諗唔到其他更好既名,就用這個啦
我 : BB跟我姓氏?
Doris : 你係佢爸爸,當然跟你姓啦,你係唔係好唔想跟你姓?
我 : 唔係,當然係要跟我姓啦
(我一直以為Doris會將BB的姓氏跟佢一樣,甚至會係出世紙上填寫"私生子")
最後Doris將女兒改名為 "李海藍" , 係出世紙上面,父親一欄亦寫上了我的名字
我沒有同Doris講過,這個名字其實係我同Suki一齊諗出來
直至十年後既今日,我都仍然保守住這個秘密
每晚通宵工作,放工就去Doris屋企照顧女兒,基本上,我每星期只得兩晚休息
但望著女身的成長,再辛苦我都覺得值得
看著第一次識得轉身,第一次懂得坐起身,甚至之後識行識走說話等
由初出世時,好似舊麵粉咁,見著佢既成長,我亦覺得我都需要改變,
始終call台唔可能做一世,科技既進步,call台只會式微
係偶然既一個機會,我承接了一間網吧的電腦工程
我覺得係時候出去發展自己既事業,於是就辭去call台既工作
同Doris相處,時常有好多爭吵
我總係唔知道佢既想法,又或者係我太唔細心
成日都激嬲佢,但又唔會講番俾我聽係乜野原因激嬲佢?
日子一天一天地過去,同Doris相處既半年間
雖然有好多不如意既事,Doris亦沒有當我是男朋友/老公般看待
但態度已容恰好多
我 : 我已經幫海藍換左尿片,奶樽已經消毒,我走啦
Doris : 你今晚有無野做呀?
我 : 今晚去網吧,有D電腦資料要update
Doris : 哦
我 : 有事?
Doris : 無野呀
我 : 不如我今晚係度陪妳
Doris沒有比任何回應給我,而我就第一次係Doris屋企過夜
[ = 續 = ]
