等待驗證會員
|
1180#
大 中
小
簡
繁
發表於 2007-6-5 只看該作者
6月3日賽後老點你+6月6日賽前老點你
好小何張2日賽事一齊講,但因為6月3日可以話冇咩好講,要講就講時房,佢d馬上次都好多人睇好(包括我),但跑場3場後我已經發覺唔對路,最後時房只係得隻馬王入p,其餘全數冇影,就算泥地個場隻全德勝臨場我都唔睇佢,決定飛埋.
6月6日星期三時房又有好多馬出,而且仲係有幾隻牌面馬添,第1場 3高達, 第2場 3大喜訊, 第3場 4駿冠, 第4場 12好爽, 第6場 6去馬, 第7場 7多津美, 第8場3盈感.而且仲有好多隻馬配左騎師榜頭3名高手, 我估除左第7場多津美外,其餘隻隻都唔會有人夠膽當佢冇料到,但睇番排位,除左 第3場 4駿冠, 第6場 6去馬係排好位外,其他隻隻最小都9檔以外,又咁岩4駿冠,6去馬都係韋達騎,唔配韋達個d就全部外父咁外,睇黎個天都可能想幫韋達做冠軍騎師..但其他馬又唔係真係冇機會,而且大喜訊,好爽,盈感剛剛都有好表現,今次就算排檔唔好,都唔會有人敢睇小掛.
但我自己,聽晚就除左第1場 3高達,第3場 4駿冠,第6場 6去馬,之外,其他隻隻都當佢死既,剩係睇排位最好應該係 4駿冠,6去馬.而點解我會睇高達呢,主要係呢隻馬在4班田草時時都近,個時仲只係配徐君禮,鄭雨滇,杜鵬志,今次竟然用柏寶,我就唔信會玩玩下,如果係都冇計.而且5班馬有時跑質多過跑形勢, 雖然佢排12檔,但呢班馬有好多隻真係跑唔番,只要佢對呢班馬蝕得起,佢就有權入到黎,入到黎就一定好分.暫時講住咁多先...
|