【原來係慣犯】潘頓鬧禮儀小姐被罰10萬
每逢盃賽場合,騎師覆磅之後要去捧盃,時間非常緊逼,禮儀小姐呢個時候就會催促騎師行快兩步。
今晚第五場馬拉華度賽馬會盃由潘頓「晚風」勝出,潘頓覆磅後行去捧盃被禮儀小姐催促,佢竟然忍唔住氣向禮儀小姐說出「威脅性字句」。董事解釋,潘頓之前已有多次同類紀錄,所以罰款10萬元。潘頓贏呢場馬嘅收入大約為7萬元,家陣被罰10萬,真係名副其實倒貼喇!潘頓因對禮儀小姐講出「威脅性」字句,由於佢係「慣犯」,因而被重罰10萬元。究竟潘頓講咗啲乜,馬會罰到咁重手呢?根據被鬧嘅禮儀小姐透露,頒獎時全世界等潘頓,但潘頓卻慢慢行,佢嘅職責必須叫潘頓行快兩步,但潘頓唔合作之餘,仲講粗口鬧佢,真係好無禮貌。