等待驗證會員
|
1134#
大 中
小
簡
繁
發表於 2008-11-6 只看該作者
如果早兩日睇到呢個post, 我肯定喊到唔識收聲
第一次o係度留言, 同大家打個招呼
我諗, 我都應該係沉船遇難者之一,
個幾星期前, 我鼓起勇氣同佢分手,
各位巴打你地所講所遇過o既事, 都曾經發生o係我身上,
呃你話有左啦,
話同你一齊, 但會問你每個月比幾錢佢用啦,
話爭老闆娘錢要佢還等等......
當自己仲係好沉迷o既時候, 都會相信佢講o既野,
唔係冇懷疑, 而係選擇相信,
的確, 好多時候大家只係去食餐好普通o既飯,
食吓燒烤飲吓啤酒, 冇問過我要半個仙,
但始終, 佢都冇真心問過我關心過我,
我做野唔開心, 我病, 佢都冇比過半個電話我,
到我打比佢, 佢都只係好求其講兩句就算,
不過呢, 我都係對佢寬容,
會o係心裡面構築佢o既處境, 幫佢諗千萬個解釋
結果呢, 當然係自己負荷唔到,
就o係個幾星期前, 同佢分手
開頭, 我都會覺得後悔,
自己會諗 : "其實佢對自己可能係真呢!"
佢send比我o既留言, 由初時好傷心, 到後尾好冷漠:
"當他不再愛妳的時候, 你的說話只會討他的厭"
令我更加想到, 我可能真係誤會左佢, 我可能真係hurt到佢
不過, 頭先一個電話, 令我想通左,
頭先佢個妹打比我, 話叫我出黎請佢飲酒,
我話唔舒服唔出黎, 咁佢就話 :
"咁下次出黎我請你啦, 不過同埋我姊一齊出黎好唔好?"
比著其他人, 一定會話係佢投降認錯,
但偏偏有一個巧合:
咁多日以黎, 佢從來冇直接或間接搵過我,
但咁o岩我尋日出糧, 而佢亦知道我幾號出糧o既......
到底係真定係假, 我唔會下定論, 因為我亦唔會再去想,
我冇怪佢, 講到尾一開始就已經知道佢係做邊行,
再者, 一如有位ching話,
大家生活方式, 文化及信念都唔同, 何必勉強呢!
我知係打到好長編, 但真係好想身處在沉船中o既巴打知道,
o係大陸想搵一個好o既可以相處到o既女仔, 唔係想像中咁簡單,
我唔係話大陸冇好女仔, 只係, o係深圳想搵個好女仔係好難,
試諗吓, 一個人身無分文離鄉別井,
黎到呢個...好聽就五光十色, 難聽就金錢掛帥o既深圳,
仲可以有高尚o既情操, 仲會講純真o既愛情咩?
要講o既實在太多, 都係留番比大家自己諗諗......
|