另類賽後評:我今日另類感覺:
賭馬要中已經唔容易,而在賽事進行途中,如果有d人係真心想幫人,又或者想分享自己對某場賽事既意見,有時講野或打字唔須要太隱晦,最好直接張自己所想話比人g,始終靠字面傳達意思係唔足夠,因為冇左平時說話既語氣,高低音附助,好易產生不必要既誤會.
而且在賽事進行中,各位馬迷,網友都係用真金白銀(血汗錢)去認真賭搏,投注落任何一隻馬都係自己既選擇,而選擇投注咩馬,事前用咩方法去預測又或用何種策略,都係個人自己既決定.而一場賽事未開跑前,我相信冇人夠膽話自己實中,大家都係用一種搏搏下,有期望有希望既心情去面對一場賽事,希望自己在賽前既分析和研究有回報,估中到既唔單止嬴錢,仲嬴埋滿足感.輸既就一定(請記住係一定)心情麻麻,跟著又要收拾心情迎戰下一場賽事.而我在這裡認識既馬迷和網友,都好慶幸大部份係屬於理智型既(我自問我唔夠理智,而且有時仲好情緒化),各位都知道賭博呢樣活動,基本上係運氣行先,就算中與唔中,都唔會太影響心情.
但..如果有人係當你輸左某一場賽事後,仲要嘲笑你(可能同你玩,但玩都要睇場合,時間),又或馬後炮,話你點樣選錯馬點樣唔應該選呢隻馬應該選個隻呀嘛之類既野,各位既心情會係點呢?坦白講,我就好(慶)而且仲覺得有小小煩.講真,如果真係咁叻,唔該一早話比我知個場頭3名係咩馬,唔駛我度左2日仲要得個吉......今次我寫呢段賽後評我考慮左好耐,我考慮係咪自己小氣呢?會唔會係我睇唔開呢?又或我係唔係小題大做呢?....答案.係,我係有d小氣(因為我輸左錢),我係有d睇唔開(又係因為我輸左錢),我什至唔覺得自己小題大做,我開始明白點解小左咁多人出post講貼士,有可能(可能咋)係因為有d網友好似我咁(面皮薄)頂唔住有d人賽事前後係到扮到好似知道賽果,但佢事前又唔分享,但會突然走出黎話你,又可能用一些好隱晦既字眼嘲笑你,但又唔講佢點睇,到跑完先講佢點樣點樣睇到場馬,事前都知道乜乜物物等等.
出呢段psot我除左想發洩一下之外,最希望大家多d顧及別人感受...如果呢個post有引起任何人不安,請原諒(請各位不要對號入座,但又請一d人自我反省一下)....出埋呢個post我睇怕都要消失囉..
[ 本帖最後由 aanunes 於 2007-6-3 11:01 PM 編輯 ]