cx829

support for update!!!

太極廿四味

好心急:smile_13: :smile_13:

kisshing

已LIKE

賈子story

多謝大家支持，新一回已經寫緊一半，俾D時間小弟........

AlpharddrahplA

引用:

原帖由 賈子story 於 2014-1-7 02:38 AM 發表
多謝大家支持，新一回已經寫緊一半，俾D時間小弟........

No Problem~ 慢功出細貨 hehe:smile_40:

kit19861

加到我的最愛.........................................
不得了................

矣Msorry

急不及待喺面書偷睇左最新一回添:p

賈子story

七不思議食女事件 Vol 23

「喂，今個星期六，我係御龍山間屋搞Party，叫左一堆o靚模，個個Instagram都幾千人Follow，都叫做拍過下雜誌廣告，有幾個我同野狼同食過架喇。讀書辛苦，整番個開Sem飯都要既，係兄弟就唔好推呀拿，屌你地個咀。」

「唉，屌，我哥日約左我第三條女過澳門玩，你地玩撚飽佢啦，下次先預我。」野狼風流，更勝於我，要是佢出手，寫既會係《十五不思議畀女食事件》。

「星期日係我同牧子既拍拖紀念日。我驚同你班撚樣玩到天昏地暗，唉你畀我諗下，乖。」

我面對淫亂派對呢個毒蘋果，諗起痴心既牧子，實在唔知道，應唔應該一野咬落去。

「
I

L
O
V
E

Y
O
U

M
A
R
V
I
N
.
」

另一邊廂，牧子將一個原本只有十四個字母的短訊，分開十四次，逐粒逐粒字母咁樣Send俾我。呢十四隻字母，從Iphone內爬出黎，變成食鬼追趕住我，要將我吞噬。電話震動，令檯面「喀喀」之聲不絕於耳。

損友淫心不收，電話震動不止。

「開Party，出身汗姐，去就去囉。」猶豫之間，我Send左whatspp過去「HKU Wolfback」呢個Group到。

星期六，派對日。

Raymond位於火炭御龍山既淫宮極盡奢華，地板放滿土豪金為主既傢俱；金黃吊燈映照，令巨廳彷如白晝。佢打起煲呔，著起豔紅色西褲，襯白暗紋恤衫，唔睇個樣同埋大肚腩，群狐擁簇烘托佢主人家既氣勢，倒有幾分《大亨小傳》入面Gatsby既影子。

只要Raymond呢D級數既公子哥兒一吹雞，雞，唔係，o靚模就好似魚塘既錦鯉見到麵包一樣，自自然然游埋黎。長腿、大波，厚妝、大眼仔同假眼睫毛，係Raymond既淫宮拎住酒，恰如沙圈既馬一樣反覆兜圈。長腿o靚模拎個電話出黎自拍，左照右照，好似用倒後鏡偷望我一樣，同我眼神相觸，又擰轉頭去。我諗古時皇帝選妃，大紅燈籠高高掛，心情同我而家都差唔多。

但係今晚，我心入面，始終都係有牧子。我真係諗住黎飲下酒，聽下音樂，出身汗，如果唔係，以我搶疆既性格，一早抄好牌，Mark一兩件囡囡，來忘掉過去，來淫亂派對。

當Raymond同佢既朋友已經飲到Wing晒，一邊灌緊個o靚模飲酒，一邊掀起佢短無可短既迷你裙，恣意抽水既時候，我行去發水露台，望住一彎新月，手握啤酒，憑倚欄杆，思念牧子。我打開電話，見到佢最後上線時間停左係三個鐘頭之前，忍唔住嗟嘆左一聲。

驀地，我聞風辨影，聽到我身後傳出腳步聲。我未及擰轉頭一望，有個女仔係我後面「嘩」左一聲，我嚇到將四分一枝啤酒倒左落地，另外四分一枝，倒左落我褲檔，正式一褲都係。

「喂，同你玩下咋，等我幫你抹番。」o靚模有些許酒意，彎腰露出北半球，並用佢玉蔥般既手指，試圖去抹乾我大脾內側。

「唔駛喇，自己黎得喇。」我一見佢直到好似整過容咁既鼻樑，自自然然咁掃開左佢隻手。

「大家玩得咁開心，你做咩係一邊做自閉仔唉聲嘆氣？我係野狼個女朋友，叫阿Yan呀。」條條o靚模個樣都差唔多，再加上佢地影相，永遠Focus自己對波，難怪我一時三刻，無法認得出呢位阿Yan係野狼既阿二。

阿Yan，呢個九十年代末，千禧年代初MK妹必備既英文名，估唔到係2013年既香港，仲有囡囡用緊。我從來都唔會笑人地改咩英文名，正如《大亨小傳》入面有一句，係咁講既：「"Whenever you feel like criticizing anyone, just remember that all the people in this world haven't had the advantages that you've had.”」(註一)，受良好教育，能分辨美醜，並唔係理所當然。故此，我絕對唔會睇唔起呢個 o靚模阿Yan，就好似我唔會睇唔起視本文為尋常咸故既讀者一樣。

「Hi，我係Marvin，我係野狼D大學同學。」

「即係Kong U？你好叻呀！野狼唔係到，不如你陪我玩丫！」跟手，阿Yan捉住左我，去酒櫃開左枝白蘭地，話要同我猜枚對飲。我心裡掛住牧子，再加上佢係野狼條女，開頭諗住敷衍飲一兩杯，點知飲多兩杯，手腳遲緩，越輸越多，酒入愁腸，難以自拔，靈魂飄蕩，不知所蹤。

我見到醉醺醺既中年男子，拎住雞毛掃，施展起黃沙萬里鞭法，好似開左無雙咁，大鞭大鞭打落牧子同佢個妹哥到。牧子走啊走，走啊走，彷如我以前成日發夢見到易拎咁大叫：「阿邦！阿邦！」。

驟然，牧子個樣變左韓妹允雅，走到去港大文學院荷花池，拎住左臨上機之前既相架，話要再係番埋一齊，問我好唔好，我話我有女朋友，允雅唔理我，仲一野轟落黎。轟下轟下，允雅個樣變左賓妹，我好嬲，叫賓妹俾番牧子同允雅我，一野推左賓妹落荷花池邊，掀起佢條裙，一路抽插，一路鬧柒佢。

恰鳩我，恰鳩我......

砌砌下，荷花池邊，我見到我阿媽拖住山大，同我講，唔好再屌賓妹喇，今個月你洗左好多錢喇，再屌你就要俾錢人地架喇，你今個月無乜錢淨架喇，補左習未呀，你畢業未呀，搵左工未呀，見左邊份工呀，份工幾多人爭呀，考試考成點呀。

一堆工蜂從我既前腦飛去後腦。頭痛欲裂。我酒醒了。

(註一：”Whenever you feel like criticizing anyone, just remember that all the people in this world haven't had the advantages that you've had”之中譯為「每當你想批評某某之時，只要記住，世上並非人人都有你所擁之優勢。」)

邪惡魔鬼

你又唔記得打(未完待續)

AlpharddrahplA

賈兄當刻內心定飽受煎熬....