|
等待驗證會員
|
104#
大 中
小
簡
繁
發表於 2006-4-5 只看該作者
承蒙湯馬士版主錯愛,小弟呢篇故仔得以成為精華,事前真係冇諗過,thank you~~
小弟在此再次向湯馬士版主及各位睇過我篇故仔嘅巴打,致以萬二分嘅感謝!
講故事之前我想回應一下,有巴打問我有冇Niki嘅照片呀?答案當然係有啦.今集會講到我同佢影貼紙相,之後仲會講佢同我喺酒店影合照(唔好諗邪野呀,我地喺Lobby影咋 ).呢幾張相一直保存到宜家,放喺我屋企櫃桶裡面.
雖然我呢幾年交往過幾個女仔,甚至乎我女友最近落黎香港無意中睇到張貼紙相,但小弟一直都冇tum左佢.點解?之後我會解釋.
至於會唔會post上黎?唔好意思,暫時我唔想住.第一,因為張貼紙相好細,當初仲有一張大d嘅,不過唔見左,宜家淨係得番兩張細張嘅.如果我要夾硬用film scanner掃上黎,再放大upload post張相,效果一定好差.我六年前搵專業嘅朋友,用專業的器材scan,放大再print成照片時,發現人物面部模糊不清.人地用專業的器材尚且如此,更何況係小弟部cheap cheap film scanner?
考慮到呢個問題,所以暫時我唔想post照片住.不過一切睇情況,小弟盡量試下scan,如果情況唔太差先post上黎,ok?
第十章 一影定情
上集講到我同Niki影貼紙相,談到彼此年齡的時侯,Niki竟然自爆佢係67年出生.
原本小弟想賣下關子嘅,但discuss的巴打真聰明,冇錯,Niki係民國67年出生,即係公元1978年,當時佢22歲.
繼續去番2000年7月台北西門町的現場.
當我聽到Niki的“實際年齡”後,真係呆若木雞,良久不能出聲.當時我眼定定咁望住Niki塊面.冇理由架,Niki嘅皮膚咁幼嫩,眼尾額頭都冇一絲鄒紋,邊似33歲呀?我知有d女人可以保養得好好,但少女嘅氣質係好難扮出黎嘅,所以當時我好傻咁問佢一句:
“你33歲了?不像啊.”
當我講完之後我己經知道自己失儀啦,但Niki冇介意,仲笑得好甜咁講:
“呵呵,傻瓜,我是67年次的啦,就是1978年的,跟你同年.”
Cher,講清楚d嘛,“年次”同“年”邊同呀?我地邊有民國元年呢種概念呀?原來你只係比我大一個月,睇唔出喎,我以為你頂多20歲添.
當然我冇咁講啦,我只係同佢一齊笑,以笑遮醜嘛.
跟住我地就一齊影貼紙相,入到去,搞好個帳篷,就投幣準備影啦.
同女朋友影貼紙相我就試過啫,同女性朋友我未試過喎.我同她擺咩post好呢?正諗緊之際…..
“阿簡,靠近一點嘛,你害羞啊.”Niki笑說.甜美的聲音配上甜美的笑容.
我當時諗,人地女仔都咁大方啦,我男人老狗怕咩醜呀.男人要大方d,有主見d.我諗到點擺post啦.
此時我一拍埋Niki到,即手搭她的香肩,Niki冇抗拒,她的身體輕靠我身,跟住“擦擦擦 ”就影左幾張啦.
影完之後我地喺相度寫上大家個名:Niki & Jack
影完貼紙相後,下一站行程就係去食野.
在我們逛街食野的時間裡,我地傾左好多野.亦因為Niki講左好多曖昧嘅說話,令當時嘅戇男-----小弟我,沉左艘台灣船啦.
下集預告 情留半天
|
