licklickson

引用:

原帖由 star_platina 於 2023-2-14 09:28 發表


咁大膽？😬

你講邊個？😉

star_platina

引用:

原帖由 licklickson 於 14/2/2023 09:30 發表
你講邊個？😉

阿星囉，不嬲都冇乜膽😬

star_platina

又係星期一，又更新下先～～～～


那些年，星星同學會 第78話

阿星拖住Grace入廁所，然後就擰轉頭等佢完事，尋日有過一次，今日即刻係第二次，兩次嘅心情有啲唔一樣。尋日係阿星被逼要帶佢返嚟瞓，今次係阿星同佢一齊入屋食宵夜再一齊上床瞓，兩次嘅感覺好唔同，一次係好唔情願，一次就好自然咁帶佢入屋。尋日仍然覺得佢有啲煩，唔知點解今日會有心機去照顧佢。

等Grace用完廁所，又到阿星去喇，之但係要阿星喺Grace面前除褲，又好似唔係幾好意思喎，阿星望住Grace，Grace又望住阿星，然後佢慢慢擰轉身，話：「我唔睇你，你快啲小便啦。」唏，阿星又冇話過你睇，要睇上次你落嚟睇到阿星同Joyce做愛都睇到啦下話？不過呢啲咁急嘅時候，都係唔好講咁多嘢，企喺度疴埋篤尿先講。平時疴尿有滴水聲唔多覺有咩問題，今次企喺度疴尿可能因為Grace喺後面，有啲唔習慣。

阿星疴完尿，Grace就要刷牙洗面喇。咁阿星就要坐喺廁板上面睇住Grace刷牙洗面。個衰妹早有準備，帶埋牙刷同洗面嘢嚟，哼哼，然後你話唔好意思落樓下見阿星啲屋企人？

望住Grace刷牙搖搖晃晃，阿星留意到Grace心口都有啲嘢喺度搖晃，唔知Grace自己有冇發現，阿星就睇得一清二楚。不過都係唔好太明目張膽，一陣俾Grace發現阿星望住佢搖晃嘅地方就肉酸。不過阿星講過你知，女仔係一種好醒目嘅生物，尤其是當佢好留意你嘅時候，你嘅一舉手一投足都走唔甩佢嘅雙眼。阿星由望住佢哋搖晃到擰轉頭去望住Grace身後嘅連身鏡望住佢個俾睡裙遮住約隱約現嘅小屁股嘅時候，Grace停止咗刷牙，望住阿星話：「好好睇呀？望咗咁耐？」你叫阿星點答佢好？

待續😬

1995-24-90_img_750_h.jpg (54.84 KB)

2023-2-20 18:59

Lucky1530

啊Star C-Hing....Grace 真心係正! 佢同相中人有幾分似？
根據你嘅描述，Grace應該比家姐思想簡單D，無咁複雜，Joyce明明like你但又要用另類方法去表達佢嘅情感。雖然打者愛也但都唔係動不動就醒你兩嘢。太複雜嘅女真係唔識點去handle. 等你下集Update.  Cheers!

引用:

原帖由 star_platina 於 2023-2-20 18:58 發表
又係星期一，又更新下先～～～～


那些年，星星同學會 第78話

阿星拖住Grace入廁所，然後就擰轉頭等佢完事，尋日有過一次，今日即刻係第二次，兩次嘅心情有啲唔一樣。尋日係阿星被逼要帶佢返嚟瞓，今次係阿星同佢一齊入屋食宵夜再一齊上 ...

[ 本帖最後由 Lucky1530 於 2023-2-21 01:57 編輯 ]

licklickson

引用:

原帖由 star_platina 於 2023-2-20 18:58 發表
又係星期一，又更新下先～～～～


那些年，星星同學會 第78話

阿星拖住Grace入廁所，然後就擰轉頭等佢完事，尋日有過一次，今日即刻係第二次，兩次嘅心情有啲唔一樣。尋日係阿星被逼要帶佢返嚟瞓，今次係阿星同佢一齊入屋食宵夜再一齊上 ...

梗係好睇啦！😬

star_platina

引用:

原帖由 Lucky1530 於 21/2/2023 01:47 發表
啊Star C-Hing....Grace 真心係正! 佢同相中人有幾分似？
根據你嘅描述，Grace應該比家姐思想簡單D，無咁複雜，Joyce明明like你但又要用另類方法去表達佢嘅情感。雖然打者愛也但都唔係動不動就醒你兩嘢。太複雜嘅女真係唔識 ...

相中人當然唔係Grace啦，係感覺俏皮就係呢種喇。Grace依家40零歲，幾個月前好偶然嘅機會下撞到佢，傾咗幾句，不過相信應該唔會再見啦。人生就係咁，總會有有緣同無緣嘅相遇，剩低嘅，就係份，有緣有份，定係有緣無份呢？😬

[ 本帖最後由 star_platina 於 2023-2-21 08:50 編輯 ]

star_platina

引用:

原帖由 licklickson 於 21/2/2023 08:30 發表
梗係好睇啦！😬

好睇，睇完囉喎，要停囉喎😬

star_platina

星期二，見未開工，又更新下先～～～～

那些年，星星同學會 第79話

阿星呢啲賴皮慣嘅，當然即時用啲賴皮嘅態度講啲賴皮嘅說話：「好唔好睇就真係唔知，今朝都冇睇到，咁梗係要望多兩眼啦，唔係一陣唔知幾時先再有得望啦嘛！」你睇，阿星係咪好賴皮呢？查實阿星都唔多覺，只不過講出咗阿星嘅心底話啫。Grace望住阿星嘅雙眼慢慢避開咗阿星嘅目光，然後繼續刷牙，刷完牙之後，佢細細聲話：「今晚唔得呀，我咁多晚唔返屋企哥哥會鬧㗎。不如聽晚先啦？」

你講到咁，唔通阿星咁唔識趣話唔好咩？況且俾大家有一晚冷靜時間，或者你會諗清諗楚，然後同阿星講叫阿星收埋啲賴皮佢呢。阿星唔係咁猴禽嘅，等大家冷靜下都係好事嚟。你問阿星有冇失望？咁有個靚女差唔多要同你上床，依家話今晚唔得，你會唔會失望呢？

阿星著好套返工衫，同Grace落樓下向屋企人打個招呼，老豆同大細媽都好歡迎Grace喎，阿星個姪仔先得歲零，令到Grace母性大發，玩到好開心。阿星望住Grace，諗下佢咁為得阿星，或者都係時候諗下要唔要同佢開始。

同Grace一齊出門口去阿星屋企出面高街（high street）度一間好出名嘅土耳其式茶餐廳（英國人叫greasy spoon）度食咗個好味道嘅all day breakfast，Grace就揸車車咗阿星去唐人街附近打機，佢就自己返咗屋企喇。臨走仲同阿星講，星期日一定會嚟揾阿星，叫阿星記得。你話啦，有個女仔講到咁，你仲想點？

待續😬

star_platina

星期五出多段過週末先～～～


那些年，星星同學會 第80話

星期六晚做中餐館係好忙嘅，尤其是阿星做果間係一間幾高級嘅中餐館，嚟親食飯嘅都非富則貴，間唔中都有見到好多藝人㗎。阿星見過搖滾歌手Rod Stewart，又見過老蝙蝠俠Michael Keaton，香港歌神張學友兩公婆，阿蘇嘅好朋友金燕玲阿星都見過。熱鬧過後，多少帶嚟一丁點嘅唏噓。返餐館雖然係忙，但總會有忙完嘅時候。靜返落嚟，阿星就會擔住支煙，靜靜咁喺度洗煙灰缸，一路洗，往日嘅回憶就慢慢浮現……………

……………………………………………………………………

攬住Joyce喺巴士度瞓多一陣，又係時候落車喇。同阿星屋企一樣，night bus落車之後，仲要行多一段路先返到屋企嘅。阿星拖住Joyce，兩個人半夜3點幾喺條冇人嘅住宅區大街上面漫步。Joyce都算好老脾，今日都冇發脾四打阿星，真係要劏豬還神，拖住佢兩個人行，查實阿星唔多熟路，行到去路口就要問下Joyce之後點行。然後行行下，阿星慢慢感覺Joyce嘅手掌開始有啲凍，知道夜晚嘅氣温點都係比較涼，就擰轉頭問佢係咪凍。Joyce保持一貫作風只係搖搖頭並冇出聲，不過阿星憑佢隻手仔都知道佢真係凍。

阿星喺微弱嘅燈光底下睇見佢塊面仔有少少紅，知道佢真係凍，係死頂唔出聲，喺咁嘅情況下，作為一個拖住佢手仔嘅男仔，點都要做返啲嘢嘅。阿星拖住Joyce嘅左手輕輕一拉，將Joyce拉近，Joyce亦都冇反抗，踏前一步靠近阿星，然後阿星嘅右手都伸出，攬住佢，輕輕掃佢背脊，然後話：「你凍開聲嘛，搞到好似阿星唔理你咁。」

Joyce並冇答阿星呢個問題，反而作出另一個回應：「仲以為你對我冇興趣，唔會攬我添！」講完亦都伸出雙手攬住阿星。

阿星試過太多表錯情嘅時候，所以都係睇定啲先好，況且你下下出盡力咁嚟到星阿星，唔講啲人真係以為阿星曾幾何時得罪咗你，你唔放棄任何機會嚟向阿星報復啫，邊樹會有人咁精靈知道你啲打者愛也，愛者打多幾下咁精妙絕倫嘅高招呢？

待續😬

star_platina

趁食飯又出多一話先～


那些年，星星同學會 第81話

既然攬得，當然唔會放過機會，阿星耷低頭乘機向Joyce索吻。唔知會唔會又俾佢星巴大嘅呢？Joyce今次抬起頭，接住阿星個咀，再冇反抗或者星多阿星一巴掌。今次咁順攤，阿星當然要好好把握，錫咀當然分開好多唔同嘅層次，有啲好似蜻蜓點水咁，點到即止；有啲就會飛擒大咬，開章明義伸哂條脷出嚟；阿星中意温柔啲，任由四片咀唇貼上一段時間先慢慢撐開對方嘅咀，條脷伸過去對方嘅咀入面肆意探索。對方唔抗拒先玩下嘛，如果對方一路都小心翼翼，又唔肯開咀又唔肯俾你做主動咁，就千祈唔好夾硬嚟，落得個惹人討厭嘅收場喇。

Joyce嘅反應係一般女仔會有嘅反應，當錫到佢肉緊嘅時候佢就會呼吸急速，而且佢條脷都好識得配合，四圍挑逗阿星，等阿星忍唔住要去還擊，大家互有攻守，搞到阿星都呼吸急速埋一份。阿星同Joyce就喺夜半無人嘅大街上演一場攻防戰喇，正所謂唇槍舌劍真係唔少得，搞搞下小星星都忍唔住想出嚟加入戰陣，喂喂阿小星星，你唔好咁多事好喎，咁心急走出嚟，一陣Joyce唔中意，又星一巴阿星，受果個係阿星唔係你喎！

然後阿星感覺到Joyce攬住阿星嘅雙手鬆開咗，死火，都叫咗你聽話㗎啦，家下阿星要受靶喇！Joyce嘅手離開咗阿星嘅腰，去到一個阿星估唔到，小星好想佢到嘅地方。Joyce嘅小手若有若無咁摸落去，令到小星星不自覺咁繼續怒舉。殊一聲，阿星條西褲嘅褲鍊就俾Joyce拉開咗，順手同純熟程度簡直係嚇阿星一跳。喺阿星仲未嚟得切反應嘅時候，Joyce已經由缺口闖入同小星星短兵相接。隔住一層薄薄嘅布，連阿星都感覺到Joyce嘅小手嘅冰冷。

正所謂：cold hand warm heart，Joyce嘅熱情令到小星星好熱烈咁樣回應。之但係就算係夜闌人靜，呢度始終係大街喎，而且阿星真係冇預計Joyce會有此一著，搞到阿星真係亂哂陣腳。

待續😬