等S攞好衫行得， 我問佢又去旅行呀？ 佢用買鞋送嗰個環保袋， 裝到滿一滿......
返到屋企， W正在換床單， S又話要幫手， 見佢哋倆個一人一邊好快手已經換好床單、枕頭套、被套........
之後S從袋中攞出好多支野出來問W可以放係邊？ 原來佢一袋都係護膚品.......
大家輪流沖完涼， 好似有啲唔對路？ 佢哋倆個不斷咁研究大家啲護膚品有乜唔同， 我變咗透明人咁係間屋度行來行去都無人理......
到咗一點幾S話有啲肚餓， 問W有無嘢食？ 我足之變返個正常人， 因為W叫我煮個出前一丁比S食， S話一個麵佢又食唔哂， W話佢都有啲餓一個倆份食咪得囉！
我問咁倆位公主駛唔駛加隻蛋呢？ S話都好喎， 唔該燶邊呀......
煮好個麵分兩碗， 加裡兩隻半生熟燶邊蛋， 簡直係人間美食........
望著兩碗麵， 我突然覺得自己變咗個出前一丁， 比佢哋一個倆份食........
佢哋倆個食飽飽後， 就繼續研究大事， W仲要攞哂呢幾日係日本買啲戰利品出來， 灘到一梳化都係.......
點知S仲痴線， 要我陪佢返屋企攞個喼過來.......女人呢方面嘅表現簡直係神級......
同S返去攞個喼， 夜麻麻天寒地凍， 條街人都唔多個， 好彩無警察行過， 如果唔係咁夜咁嘅鐘數見倆個人拖著喼， 一定有排煩.........
返到屋企佢哋倆個就爆喼慢慢玩， 我見未洗碗幫手洗裡， 洗完碗都有啲眼瞓刷牙後我話返房瞓覺先， 點知佢哋無理到我繼續.........
返到上床， 我將三個枕頭平排睇吓夠唔夠位瞓， 睇落應該都可以........
躺下床我諗我唔駛三分鐘就瞓著咗.........
