行左一段路先去到KFC ...入到去竟然撞到同事同佢老婆係入面二人世界緊...佢見到我都好驚訝..可能因為今晚個K PARTY都有佢份既...佢知道我地係會一大班人食完飯先起行..而唔係同個女仔食KFC囉...最後大家一齊坐四個人一開始D氣氛好尷尬囉..因為發覺當我想介紹佢既時候...竟然都只係知道佢個NUMBER而唔係佢個名(好失敗..
)..好彩佢都好醒目即刻自我介紹....我個八卦同事就一直係度問長問短好似查家宅甘..真係頂佢唔順....餐飯亦都好快食完..因為我同個同事都準備鋪排定一間一齊歸隊去唱K
同事就先急急腳送老婆返屋企之後再搵藉口偷跳出黎..而我就見時間尚多..同佢走左去行街...無錯..係去行街買衫...因為發覺件衫已經兩日無洗仲放過係D骨場既LOCKER入面焗住好鬼大陣味...其實都唔知係我陪佢行街買衫..定係佢陪我....佢既收獲仲多過我..不過最難得既係..我一蚊都無出過連我件衫既錢都係佢比埋....佢話當係我請佢食飯喎....呢點係我最估唔到既...亦係甘O個刻令我好似忘記左之前對佢所有既懷疑...(一件衫就令自己對人改觀...諗返起自己都有D CHEAP)...之後去左附近食糖水飲下野傾下計....唔經唔覺已經十點..甘就埋單走人...一直沿住返骨場方向行...即係佢宿舍附近...之後佢停低左問我今晚係咪返香港...我話唔係聽日先返....正當諗住講完再見...之後去搵番D朋友唱K..點知佢突然叫我等佢一陣..佢就一支箭甘跑左返宿舍.....而我就真係傻仔甘企係度食風........又唔知佢攪乜....15分鐘之後佢走返落黎換左件新衫....話今晚陪我:smile_47: 點知...原來係..陪我去之前佢話成日去個間正骨場度按摩過夜...(與此同時其實我個電話亦都一直係甘震無停過....當然我無聽啦...因為我相信聽左既話一定比人鬧到PK.....朋友...對唔住啦....下次再唱K啦)
**O個晚算係我同佢一齊過夜既第一晚..而O個晚.....真係清純如水...只不過兩張床拍埋一齊訓....只係手拖手甘訓覺....一點色情都無...連水都無抽過..
..到依家為止我都唔敢想像.....對住一個完全係我杯茶既女仔成晚訓係我側邊而我竟然可以忍到手...就連朋友聽完都開始對我既健康感到擔心....問我其實係咪已經唔得添. 都唔知點解釋比佢地聽......O個一朝早一齊起身我趕落香港返工..佢就要返去上早班...雖然好辛苦..奈何我覺得O個種感覺..真係比我之前去唱K過夜..黎得充實同開心.......**
(就係呢一晚之後.....覺得自己好似有D野甘.....不過幾經朋友既開解同責罵...我好成功甘制止左自己再上去搵佢....幾日甘多...因為O個刻心入面真係有都有好多疑問....更加好想了解呢個究竟係咩人...亦都知道可能我從佢口中得到既答案只有小部分係真實..不過就算係甘我都好想聽下........)(係呢度再次多謝甘多位師兄既回覆...不論係支持定反對既意見都好.....多謝!!!)
