引用:
原帖由 729pf6 於 2018-8-4 08:46 PM 發表 
請問樓主誡 打飛機 系 完全不打 抑或 係 適當地打 ？誡左之後有乜好處 ? Thx
戒打飛機，nofab，係一種治療方法嚟嘅。
理論係，有啲人長期刺激細佬，令大腦同性興奮相關嘅多巴胺受體適應咗呢啲刺激，於是變得麻木，細佬嘅反應就差咗，甚至會唔起頭。
於是有啲人根據呢個原理提出呢個療法，就係唔單止戒打飛機，亦戒接觸鹹濕嘢（例如睇四仔），等多巴胺受體回復對刺激嘅敏感，咁細佬就會有番反應。
有好多人試過得嘅，不過都要睇埋好多情況，例如一啲生理因素，好似心血管疾病令細佬嘅海棉體嘅血管內壁增生，就難以用戒打飛機訓練番反應去令細佬恢復扯旗，咁就要用其它治療方法。
Nofab嘅作用除咗可以訓練番個腦對性刺激嘅反應，令個腦發出動情指令去啟動一氧化氮合成，令細佬血管擴張，等血液流到細佬嘅海棉體，於是細佬會扯旗之外，亦有好多其它好處，例如令頭腦清晰啲、集中力好啲。
對於扯旗方面未有問題嘅一般人，唔使戒打飛機，但係節制打飛機亦有好處（幾耐打一次為之合理係有數計嘅），總之，盡量少打、盡量冇需要就避免接觸鹹濕嘢，對生理同神經系統都有好多好處。
但對於扯旗方面而經出現有問題嘅人，假如排除咗生理原因（例如心血管毛病）導致的話，咁有可能係同神經系統對性刺激適應咗而變得冇反應有關，咁就可以試吓用nofab去治療，咁的話，就要喺一段時間內完全戒哂，亦要戒哂所有鹹濕嘢，包括睇四仔、睇女，清心寡欲一段時期。
先戒3個月（最起碼），如果未有效，或者有效而想再鞏固，就再戒3個月，直到反應返番嚟。
[
本帖最後由 dcat20 於 2018-8-5 11:02 AM 編輯 ]
