cococaobrownie

引用:

原帖由 gunfan 於 2016-11-7 09:31 PM 發表
即時回想番自己在小樽的時候，hehe

小樽
運海，情書，啤酒，紅倉庫，雪糕，鐘樓，長腳蟹
我在小樽的時候

king_danielii

引用:

原帖由 draconlidz 於 2016-11-7 10:00 PM 發表
題外話，如果行程係咁趕就應該租車了！

Plan行程果時有諗過租車，但後尾聽frd講話如果剩係去札幌同小樽，由於大部分景點比較集中，好多都係walking distance, 所以最後無租到

lostergundam

引用:

原帖由 king_danielii 於 2016-11-7 21:00 發表

希望大家睇得過癮

當然過癮!多謝

ah_dick0626

女主角終於登場(好似係:smile_o01: ),加油! 繼續支持:smile_o12:

savisavi

引用:

原帖由 king_danielii 於 2016-11-7 08:59 PM 發表


有d中，有d唔中。

唔駛急, 但最緊要快

king_danielii

危險女郎

首先，加插一段好緊要既題外話，如果大家記得，我條女臨放人果時有叫到「影D相俾佢睇」，所以我當然唔可以忘記呢個任務。一路都有影下相，貫徹香港人「相機食先」既文化，所有食物飲品全部逃不出相機既法眼，一有空檔就SEND2張交差。除左交差，仲有一個更重要既作用，就係「報到」，呢個時候當然我仲未諗到咁遠拉，但正正因為影左呢D相，先可以令我係之後發生既事「買」到時間。

上文講到熱烈既屋台氣氛持續，各人都享受其中時。果對男女中既男人突然行左出去之後就無左影，唔知係去左講電話，定係飲大左唔舒服去左洗手間。反正就走左，但係佢係冇拎野，即係話佢應該係會返黎，最少我當時影為點都會返黎接返佢個女伴/老婆/女朋友一齊走。

男人走左之後，個女人冇野做，開始時都只係自己食煙飲酒。我同隔離2個西裝友加老闆就繼續談天說地。傾傾下西裝友又問到我做乜一個人黎小樽，話我又唔識日文都敢一個人黎，話我好勇。我就同佢地講話其實我同我朋友一齊黎，但係佢唔舒服所以冇同我一齊出黎食野。

再傾傾下又問我幾多歲，我就答佢我30。聽都之後唔知係真心定客套說話，發出一聲日本人果種扮晒驚訝既聲音咁「唉~~~~」左一聲，之後2個西裝友同老闆講左一揪日文，我相信係討論我既年紀。之後轉頭同我講話以為我岩岩讀完書諸如此類….(我唔反對我生得比較後生，但岩岩畢業咁既講法好似又有D太過)

傾到呢到，坐另一邊廂既女人唔知係咪開始有D「不甘寂寞」，定係都對我年齡既話題感興趣，突然同我地搭嗲。

說明一下，呢位女士其實差唔多都冇乜點同我直接對話過，因為佢係唔識講英文既，所以當佢有野要同我講或者我要同佢講野果陣，都要老闆同西裝友充當翻譯。跟住佢又話唔信我有咁大，話我專登講成熟D為左揾女人。我都無佢咁好氣，拎張身份証出黎比佢睇。

佢無話可說之餘就同我乾杯，之後又叫我估返佢幾多歲。女人叫得你估幾多歲，你可以答既答案只有一個---「18歲」。咁我咁答完當然大家又都非常爆笑拉，又將現場氣氛推上一層。我再落D藥，扮晒野咁話我好奇怪老闆點解可以賣酒俾未成年人士，逗得全部人笑到仆街。

又約莫過左一段時間，有另外2個客入黎。年齡應該三十零歲，坐係我隔離2個空位。呢個時候座位情況如下:

食台後: 老闆
左方: 2個西裝友
正中: 我 + 2 個新加入客人
右方: 女人 + 1 個空位

2個新食客為人都係好豪爽，一黎就好自然咁入左局，英文都係有限公司。由於現場日本人又多左，所以佢地好多時都會用返日文去傾。但佢地都會過一陣講返個SUMMARY俾我聽佢地傾D緊乜。其中佢地有講到個女人同個男人點點點，我其實都唔係好明，但總之新果2個食客就不停同我講佢係CRAZY WOMAN…由於佢人就係現場，我都唔好意思講D乜。

又一盞茶工夫，個男人返返黎，同我地班人傾左幾句之後就俾錢埋單，之後就個男人率先出去，女人就跟住佢後面，個女人走之前好似一直都望住我又同我握手，握手果陣好似來回咁摸我隻手咁。

之後2個西裝友過左冇幾耐都埋單，走之前當然我地影返張合照先拉。至此，食堂得返我同2個新食客同老闆。氣氛都冷淡返落黎，睇一睇時間，去到10點半左右，即係話已經食左個半鐘。我呢個時候都諗住飲埋最後半樽啤酒就返去「交人」。坐多5分鐘，正當準備埋單之際，後面趙門又打開，回頭一望，果個女人又一個人返返入黎……

savisavi

戲肉了, come on

巡此王

勁。快入戲肉啦。。。。正常呢幾位版主一定會警告