要大家久等（當有
），辛苦喇。
今日發現雪櫃唔凍、電視唔着，原來係屋企跳fuse，研究咗一輪卒之搞返掂。
小小插曲分享（走甜）：
小妹啱先下晝去做物理治療（事關上年年尾整親右手），都係做啲壓沙包同磁力熱敷去拉直拉鬆返條筋咁嘅；平時睇開我嗰個哥哥今日如常幫我準備毛巾同沙包啦，因為姑娘話要「加碼」、aggressive啲，就要求佢攞個10磅重嘅。
上兩個星期做開7磅，加多3磅其實都幾係㗎，但係要快啲好返晒，唯有忍痛啦。
哥哥今日帶咗我去角落頭坐，唔畀我出去大枱同啲物理治療同學一齊。「點解今次要響度做呀？」我問。 佢話角落頭我可以挨住壁牆，膊頭無得縮埋，會好啲。 咁我就嗯一聲無異議啦。 佢捲好兩條毛巾之後，就幫我放隻手上去，墊住手踭，然後響手腕位置落個沙包，接住又伸手扶住我兩邊膊頭，幫我貼近幅牆。
「呀....... 好痛呀」突如其來嘅重量引致半下閃電式拉扯，令我不期然咁縮一縮，隱忍曖昧地叫咗句痛，同時眼泛淚光可憐兮兮咁抬頭望一望哥哥。 嗰一下，唔知點解咁啱我哋好近，鼻尖對鼻尖得大約一把間尺仔嘅距離—哥哥一時反應唔切呆咗，隻手跣咗落去摸到我心口軟綿綿一下；我秒間面紅，亦都見到佢由耳根開始塊面紅晒。
大家好快若無其事咁冷靜返，然後我聽到佢行返出去嗰時，我主診姑娘半帶笑意咁同佢講：「（名），你唔好心軟"又"(強調)偷雞放過伊欣噃，隻手要枕高啲、沙包壓落啲呀！」
哈哈，就係咁。 我諗如果我話畀我男朋友知，佢實會勁呷醋話要打人喇。
好啦，夜少少寫埋說好的第二回～～
