個晚嘅氣溫同今日差不多, 唔算太凍! 食完晚飯後都差不多22:00, man亦差不多到了廣東道接我!
我見到架黃色電單車(好似係suzuki), 都未望清楚佢個樣, 只確認身份, 佢幫我戴好頭盔就上咗車! 由於咁大個女第一次坐電單車(亦都係唯一次), 所以心情緊張又興奮!
Man問我有冇諗過去邊, 我話我未試過坐電單車, 去遊下車河啦! 其實無我心目中諗嘅咁危險, 原本最初太緊張攬到佢實, 之後都放心只係扶住架車! 以man揸嘅路線, 應該係去緊清水灣! 去到第一泳灘嘅停車場就落車傾下計!
原以為靜英英, 但都有啲人揸車去個到, 可能好多人第日仲放緊假! 可憐嘅我第日要返工喇!
兩條友仔企係架電單車隔離吹咗好耐水, 原本諗住無事發生嘅我, 想叫佢車我返屋企架喇! 點知未諗完就突然聽到“”一聲好大聲! 嚇到我成個人嘩咗一聲就攬過去......