(是咁的, 之前打到唔係太想打, 但近日同A又有新經歷, 又再打下先....)
就係咁的, 小弟番咗香港之後, A就約咗我出去食飯, 咁我就話淨係食飯好似悶啲wor, 於是我就問佢睇唔睇戲? A就話無所謂, 於是呢, 無咩特別, 咪睇戲食飯囉... 身為一名成熟體貼嘅男士, 加之知道問A睇咩都係多餘, 因為佢都係答, "無所謂啦!", 於是我一早訂好飛睇LUCY, 向我嘅女神致敬
半年無見A, 佢都係遲到同之前一樣, 好鍾意遲到, 不過呢次就15分鐘啫, 香港人標準好似係代表無遲到, 半年無見, 當然就攬一攬先啦, hmmmm... 身材都係老樣子, 無變到, 哈哈, 而A就好似叫鴨咁不斷摸我, 聲稱話我好似大隻咗wor, 雖然我唔太介意俾靚女摸, 但係呢, 係銅鑼灣街頭咁摸就始終唔太好嘅... 咁之後, A就橋住我隻手, 好似情侶咁走咗去戲院
到咗戲院之後, A就都係老樣子, 衝去買爆谷之類, 其實A雖然年紀大我幾年, 但佢都幾可愛下, 入場坐定之後, 就等開場啦, 其實睇戲途中就無咩特別嘢發生, 因為呢, 我哋都幾認真欣賞套戲, A係我熏陶之下都成為咗Scarlett Johansson嘅fans~~~~ A就好鍾意一見到啲女明星之類就問我佢靚啲定係個女明星靚啲, 我好多時都會講話個女明星靚啲, 因為, 我鍾意睇佢黑面, 哈哈
睇完戲之後, A就問我等陣想去邊到食飯? 我就話我呢次係以遊客身份嚟香港喎, 係咪應該你決定呢? 於是A就話, 不如煮飯仔呢? 我就多口講...
我: 唔係嘛... 我驚又肚痛喎 (之前我試過食完A煮嘅嘢之後肚痛咗幾日...)
A: 呢層唔需要擔心, 我廚藝係不斷進步嘅
我: 去你嗰到? 你係咪搬番番屋企啦?
A: 之前係呀, 上個星期又搬番走, 一個人住始終自由同過癮啲
我: 帶人上去同收埋男人方便咋?
A: 唉... 守咗齋半年啦..
我: 為咗我呀?
A: 你唔好講到你咁重要啦... 忙咗半年, 覺都無時間訓, 最近先得閒番咋...
我: 唓, 講下好話等我開心唔得咩... 咁有無人追你?
A: 咁一定有啦, 不過都唔太鍾意
我: 我真係咁完美咩? 係咪太掛住我呢?
A: 妖, 收皮啦你個didi (附送一拳) 不過, 今晚你一定開心嘅~
我: 我唔肚痛已經好開心啦...
於是我哋就去咗某百貨公司嘅超級市場買嘢...
(to be continued... 盡量)
