Bingo007

有去開沙灣"金XX景"玩既Brother真係要留意，件事發生系上星期4月7日，果日我同班老友去呢間場玩，間場我地都平均一個星期去一次，所以同其中一個姓雲叫亞娟既女經理好熟，每次我地都係搵佢book房，今次都唔例外！
        長話短說，果日玩到差不多尾聲既時候，個姓雲既經理同我講話借我個電話用一用，佢話自已個電話爛左，仲拎埋條屍俾我睇，講真，大家咁熟，借個電話俾妳用一用有乜所謂丫，咁我就借俾佢用，跟住佢就拎左我個電話出去用，就係咁，連人影都無埋。佢借電話既時候，有另外一個姓曾既經理系度，咁佢就話幫我搵佢番來，足足搵左好耐都搵唔到佢(途中我d老友不停打我電話，但已關機)，跟住姓曾呢個經理又搵左另外一個姓曾既經理入來，呢個姓曾既經理話知佢住邊，話幫我上佢家巢佢，事隔又一個鐘，返來個答案又係搵唔到！咁跟住我問佢點辦，佢地又搵左一個自稱係"金XX景"老闆既男人入來，呢個男人都好友善咁同我講，話不如俾兩日時間佢去幫我搵番個電話出來，仲話既然我地既同事都睇到佢拎左我個電話，唔通我地咁大間場會為呢少少野攪寸自已咩！咁我同班老友商量過，信佢啦！

       4月9日，姓曾既經理打電話俾我個老友，話真係搵唔到姓雲果個經理，咁我老友即時問佢咁即係點，佢話老闆未有指示，唔知點答我好。

      4月15日，我同班老友系無預先訂房之下walk-in入去開房玩，講真，去玩都係打算摷條八婆出來，結果皇天不負有心人，真係系二樓收銀處見到佢，當時我即刻捉住佢啦，跟住佢死口都話無拎過我個電話走，嘈左好耐，無結果。最後，我老友同我講，再嘈落去都無結果，咪當個電話捐左俾四川囉，我都唯有係咁想啦，講真，再嘈落去，我都驚出唔到個沙灣啦！！最後係埋單果時，個姓曾既經理同我地講，話老闆已經知道左頭先件事，所以佢吩咐左我呢張單免DJ費和簽多半打啤酒俾我地，合共可以扣番5百幾蚊，當係少少心意喎！

講真，間場幫襯左咁多年，個姓雲既經理又識左咁多年(之前系"東XX"已經識佢)，都唔明點解會咁，真係失望！！:smile_39: :smile_39:
希望呢件事可以令到其它Brother提高警覺，唔好以為相熟就一定無問題啦！:smile_39: :smile_39:

常平葉問

我地上去玩會小心, 唔亂借嘢比人:smile_35:

哥‧斯‧拉

唔熟唔食！:smile_27::smile_27::smile_27:

garfun64

咁都得！:smile_27:

你真係唔好彩！:smile_30:

Moussa

有D內情可能我地吾知......

szesze1025

咁都得:smile_27::smile_27:

wctong08

當晚就應報ko搞大佢..老板聽到報ko一定立即扣數

ilovecp2007

咁都得, 唔熟唔食

愛自由2009

了哥雲.....唔熟唔食:smile_14: :smile_14: :smile_14:

愛自由2009

引用:

原帖由 Bingo007 於 2009-4-17 07:46 AM 發表
有去開沙灣"金XX景"玩既Brother真係要留意，件事發生系上星期4月7日，果日我同班老友去呢間場玩，間場我地都平均一個星期去一次，所以同其中一個姓雲叫亞娟既女經理好熟，每次我地都係搵佢book房，今次都唔例外！
  ...

我朋友個單就話唔可以報公安者ching呢單点解唔報公安攪大佢