俾人捉黃腳雞?
年頭認識左條深圳Q女, 初初佢怕怕醜醜, 傾得唔算多同深入, 但係傾左幾次後終於打動左佢"喜歡"上我, 仲肯出來同我見面. 出來第二次時我己同佢爆房發生左關係. 點知爆完房之后先知道原來佢有老公同生左個女, 個女好似一歲倒. 我原本諗住都係唔玩喇, 點知佢話好中意我, 佢同佢老公已經無晒感情仲分緊居添, 佢話如果我真係愛佢, 佢可以為左我同佢老公離婚. 我考慮之時繼續同佢保持聯絡同見面, 但前後總共夾埋見左三四次倒, 主要都係靠QQ同手機聯絡. 點知佢老公唔知點解知道佢老婆同我一齊(佢話無同佢老公講過), 仲知埋我大陸的聯通號碼, 仲發個訊息來叫我厚道點, 不要再搞佢老婆, 並試圖打過幾次電話俾我, 但我一係收唔到或無聽到. 之後同條人妻見完最後, 佢隔左一排就同我講話有左我的骨肉, 我當然唔相信, 點會咁容易有左. 佢叫我上去見佢, 見完我之後打算同佢老公離婚, 跟我到香港生活. 我就更加懷疑了, 我點都唔肯上深圳搵佢, 避免中伏. 我話叫佢一係離左婚先, 一係就落左佢所謂的"骨肉"先, 佢就同我拖拖拉拉, 猶豫不決, 係都要我上去見左佢先. 我就當佢吹水無理佢, 點知又隔左一排, 最近佢同我講話佢老公親自陪佢去落左所謂的"骨肉", 跟住好嬲, 話要落來伏我, 又話佢老公識晒黑白兩道的人, 起晒我的底, 又試過殺左人坐監, 坐幾年又出番來. 佢話佢老公會落來香港伏我, 佢叫我小心身邊的大陸人. 我知道條人妻的地址及姓名全名的, 我好唔好報警呢?
可能講得唔夠詳細, 但絶對真人真事, 各位師兄可唔可以救救我呢? 早知條女背景咁就一早唔玩了!