各位經常北上師兄真系要小心....
本人經常要北上深圳工作,尋日過關到羅湖坐地鐵到老街站,到站起身企系車門口準備落車.後面有條友跌左個地鐵車飛(綠色膠個只)系我右腳鞋邊,跟住條友茂低系我身邊不停撩起我褲腳,我當時轉身望住拒......:smile_27: 跟住感覺左邊牛仔褲前袋有人伸手偷錢
(當時左邊前袋袋住5000人仔,左後袋袋住2部手提電話,右後袋袋住銀包)
我即刻轉身按住褲袋,見另外一條友站系我左邊,我即刻前後左右褲袋逐一摸下有無唔見野,突然感覺(緊張)前袋錢唔見左..當時真系腦一片空白,摸落好似平暨:smile_39: 跟手左邊推開偷我錢條友,右腳踢開搞我褲腳條友,跟住大喊一聲----畏,把錢拿出來..,當時真系以為唔見左,.再摸下牛仔褲前袋,疊錢仲系都,不過有無少左就唔知.車門打開,我再大力推開左邊條友落地,當時個心真系又驚又怒...我衝出車廂,回頭怒望兩條友,:smile_22: 車門仲未珊,兩條友無落車但都怒望住我,我見有保安系都,本來想話比保安仔知,但想想...算啦,講都無用:smile_42: ,又夠鍾約左客.....等車門珊左我先搭電梯上去:smile_38:
後來發現錢無少到:smile_40:
前傳...系羅湖站上車坐低,一路有個香港阿姐坐系我旁邊,不停問我去福田關口(落馬洲)要系邊都轉車,去都有無車去天水圍,我都不停解釋比拒聽,拒都系重覆同樣問題...個阿姐系香港人,一聽口音同外表都知,正宗香港C9...跟住有個肥佬行過不停望住我(唔系偷我也兩條友),仲專登回頭望,好似揾緊目標...回想返都覺得兩個可疑:smile_41: :smile_45:
