leronhkhk

阿哥羅湖商業城搭車比人綁架

睇post及新聞睇得多.估唔到親人比人綁架事件居然發生係阿哥身上.哩件事都係由阿爸阿媽度聽番黎.現時仍未同佢親自傾過.不過不幸之中既大幸就係佢已經無事啦.佢點解比人綁架會無事?係因為............
.
    2月7日早上10點左右阿哥過完羅湖海關就去搭商業城下面d大巴去佢女朋友屋企~布吉,估5到佢臨上車時有2條友突然走向佢後面用疑似利器物體(可能刀仔掛)輕輕甘篤佢背脊.寒住佢命令佢立即跟佢地上了一部私家車,當時可能佢真係好驚及唔知點算好.甘就比人夾左上車向2線果邊出發.而進發既目的地~未明.

    出到2線時我阿哥唔知點解突然甘勇.架車停係燈位時立即開門衝左出去,直奔向某酒店,好彩果2條友無追出去.因當時一個駕駛而令一個就寒住佢.甘樣就令到佢有機會開令一度車門逃脫出去,(如果當時後面多一條友甘佢就變左三文治中間果塊火雞肉,莫講話~逃.可能連講多句野都比人狂炳及捅2刀未定).

   當阿哥衝左入某間酒店入面確定無人追入黎後,就安心先同佢女朋友報平安及叫佢儘快去接佢,因阿哥身上果d錢係車上面都比人搶晒.個身仙都唔仙下.而佢當時身處位置就在~常平某間酒店入面.依地點我跟阿爸推測果d綁匪一般犯案做法係先綁人再車去2線常平方向,話知你有錢定無錢.綁左人之後先睇下~歐得幾多得幾多~錢.
   
  今日阿媽上左深圳去睇佢,見佢都無事就回來跟我地報平安.甘我地都鬆左口氣.

這post除左講述親人比人綁架外同時希望在羅湖商業城下面搭大巴d兄弟要萬分小心.

-------------------------------------------------------------------------------------------------------------
阿哥當時情況及本人經歷:

-.因未同佢本人傾過未肯定遇事正確位置.如有再~報告出來.等各位兄弟要提高警覺小心某d位置

-.當時佢位置係車站範圍及臨上車前.

-.佢著得好普通及有d寒酸下.更莫講話帶d金器及名牌啦.不過當時得佢一個人.可能獨行人仕就最易埋手掛.

-.羅湖商業城入面眼見都有人聯手向d師奶既手袋偷野之類及在火車站外圍有d扮比人搶左錢既博同情黨.

-.地鐵入面既自助售票機一條帶藝術家帽既既中年男子博人多排隊係後面撞埋黎偷野都見過.果條友係個阿伯後面摷佢西裝袋後又衝埋去我同女友中間.當時忍5住用手批佢一野及吊9佢.

[ 本帖最後由 leronhkhk 於 2009-2-8 11:36 PM 編輯 ]

ktvmtv

多謝c hing 提醒:smile_38:

好色男

好驚喎~~ 一個人都係4唔好四圍走~

roland-moon

唔係咁恐怖呀

cornpop

thx for your advice

happyeveryday

俾人綁架...咁大濟...:smile_29:

leronhkhk

引用:

原帖由 好色男 於 2009-2-8 10:49 PM 發表
好驚喎~~ 一個人都係4唔好四圍走~

佢都無周圍走,係臨上車前先比d大陸西寒佢果下先恐怖.

ktvmtv

佢係米著到身光頸靚咁呀

sunny228

:smile_27: :smile_27: :smile_27:

leronhkhk

以前羅湖商業城入面都親眼見過4至5條友係d師奶後面打開手袋偷野之類及在火車站外圍遇過扮比人搶左錢既博同情黨.至於係車站綁架哩d野以前真係未聽過.仲要發生係自己親人身上.今次都幾震驚下.