(溫馨提示) 轉貼 : 七招 大陸坐白牌車(或的士)以防被掉包假人仔
轉貼 : 大陸坐白牌車(或的士)以防被掉包假人仔
網友親身經歷::smile_27:
禮拜六北上食飯兼揼骨,因羅湖關的士人龍太身長又約左人遲左,咁就貪方便走去坐白牌. 跟左個拉客仔去的士站外面等. 不久, 一台私家車到, 個拉客仔跟埋上車(當時不察覺有什麼異樣)上車後個拉客仔話收車費先, 反正路程不太遠,俾兩條人仔佢.佢收完後又話廿蚊紙唔收怕假,ok!俾兩張十蚊佢又話有問題. 跟住話收一百蚊找九十蚊港紙俾我(佢話有d港紙難兌換). 俾左第一張一百蚊佢,佢捽兩捽話係假,跟住叫我俾第二張又阿支阿左, 捽黎捽去.咁就叫我俾多張佢睇下. 跟手退番兩張一百俾我. 一睇!屌呀, 發覺係跟排個HD, H乜既no. ,我馬上叫佢停車,然後屌鳩佢,叫佢唔好玩野換番兩張真鈔俾我. 初初佢仲係話無掉換又乜又物. 我好堅持咁同佢講我記得d人仔no. 如是者,糾纏五分鐘,跟手我話打俾個friend報公安,佢開始有d驚 , 跟住個司機(同黨)想息事寧人,個拉客仔終於肯俾番d真鈔我. 跟手落車走仔. 仆街,搞到我係幾度之下行左大段路.
事後檢討: 1. 發覺羅湖同皇崗關多左好多拉客 (有古怪). 遇著話佢有港仔唔想兌,話俾discount你,俾一百蚊佢找俾你要拒絕.
2. 以後兌換後(或找換後)馬上當面睇人仔no.(一有唔妥馬上對質)及俾錢前記住張銀紙號碼
3. 坐白牌要到目的地先俾錢,最好預備有關散紙 (佢話唔收都唔好理鳩佢,落車走!)
4. 坐白牌遇著拉客仔都上埋車就要小心或馬上落車
5. 最好不要一個人坐白牌
6. 如遇到上述情況,幾大都要同佢嘈,跟住打去報警. (通常d白牌都會驚你黎真,因為佢地好多都係公司車,偷偷出黎秘撈,出左事佢仲大鑊,而的士佬就更加唔駛講,大大個的士證係車頭俾你記底)
7. 我估計前排已有不少的士佬同白牌收左假鈔,佢地想盡快找真鈔掉包. 雖則我都同情佢, 但係我都要屌鳩佢地, 呃人錢,嘥人時間.
此致各位北上大哥 (可以的話,請轉告其他會北上的家人及朋友)
另回應之前有個大哥話有萬試萬靈驗真鈔辦法, 好坦白我真係唔識,捽極都唔之有咩防偽特徵,而家最實際就係記住d H乜H物既假鈔no.
後來SN完後同部長跟收銀講開此事,佢都話早排有客俾人坐車後換左假人仔. 年近歲晚,d人為左錢,偷呃柺騙乜都出齊,唯有自求多福
:smile_38:
[ 本帖最後由 潮爆王 於 2009-1-12 12:38 AM 編輯 ]
