最近的混亂事#1,#9,#41
各位 , 同大家報告o下另一件事 :
前日(26/11/08)我男朋友係唯一一日唔得閒,佢放工後要同老闆 & 同事去應酬
咁我其實中午已經知道,所以同個 fd 傾開 msn 已經想出下街,
最終都決定左出去,不過男朋友去親應酬都總會打俾我,所以都唔可以去到好夜
咁收工之後就同個朋友(女仔)去左食飯..
食到8點零9點想打電話報到話而家食完走人之制,
男朋友仔電話到,
佢話而家同老闆&同事上大陸繼續應酬,聽日會同同事們一齊直接返工,
我對男朋友從來信心十足,
佢去邊我都無乜所謂,(所以各網友不用說我男朋友都去左曳曳)
HAHA, 我可以繼續下場, 我心中不知幾高興,
同BF仔收線後, 就同我個朋友仔(以後叫佢 Zoe) 單聲唔駛走後,
Zoe就即 call friend 出泥….
佢o係電話say:『喂, steven,今晚呀 yo (即係我)出關呀,你叫聽日要返工果D 都快D蒲頭…上大利XX樓』(唔講幾樓喇..haha)
俾佢笑死… 好似講到我放監咁 !!
之後我同 Zoe 就兩女孖住過左大利行先,
不過大家都知唔係星期5,6,日,再加上得9點… 間bar 真係無乜人,
不過唔緊要,
我都只係難得出得泥一晚,純粹感受o下久違左既氣氛算了(即係自由既感覺)
好喇,同 zoe傾左陣計, 飲左兩三杯到, (我諗唔夠半粒鐘)
3個 fd 到左, 3個都係仔, 兩個以前一向勁熟(一個name叫Roy,一個name叫Ten Ten), 再另外果個就年幾兩年前我仲有去玩果陣都見過幾次既..叫 Dickson
我好耐無自由咁同朋友去玩過,所以尋晚都幾開心,可能太耐無蒲,又疏於練習,都輸左好多, Zoe 又不嬲唔飲野, 玩左一個鐘唔夠已經要幫埋 Zoe 飲,而 Zoe 已經開始同梗隔離 table 既男仔搭訕,我同佢以前一向都係咁,所以我都由得佢,而我就獨自面對3個男仔,佢地題意轉玩 partner,我就同左呀Roy 一組, 其實佢以前同我都算拍過下拖, 係由飲醉左之後上埋床 then一齊既, 後尾我覺得同佢性格不合散左喇, 不過佢都仲中意我, 尋晚佢都仲好關心我,大家都仲係好朋友~
一齊玩既時候飲多左自自然又多左D 身體接觸,
玩到咁上下呀Roy一隻手已經攬住左我條腰,我都無咩野,由得佢,我仲放左一隻手o係佢大脾到,(HAHA,我又係咁),之後仲打左幾個車輪,後尾Zoe 叫我陪佢去toilet, o係toilet 佢同我講做咩同呀 roy 咁,佢已經係過去式,我心諗,你個衰妹唔係咁講野呀,難道玩返晚都唔俾我放肆下..?
原來唔係,佢意思係佢識左隔離台幾個男仔,想叫我過去玩…
返左出去之後,我同 Zoe 一齊返埋呀 roy 佢地張台, 同佢地講同隔離台一齊玩好唔好… 果邊都有2個女仔,都係好似我地咁唔係有什麼男女朋友關係,所以,可以佢地都可以識下女仔呀MA,我地又可以識下男仔,haha~
果邊另外2個男仔,一個叫呀昌,(Zoe 已經 mark 實左) ,另外一個叫 Oscar,樣子唔錯wow,
另外兩個女仔我真係唔記得咩名,樣都係好記得,
真係撞鬼, 玩左唔夠一陣, Oscar 已經開始手多,已經摸梗我背脊,又哄到個頭好埋我塊面道,
佢對眼好鬼正,差D俾佢電親,今勻真係老貓燒鬚,竟然係我俾男仔引到,
佢哄左埋泥真係車左埋我道, 果個一刻我又尷尬,因為呀ROY 就o係我另一邊,所以我無迎接Oscar 個咀,佢都無再夾硬泥,今次到我叫 Zoe 陪我去 toilet,就緊係話唔掂wow,呢個情況有D尷尬wow,佢就話照玩唔好理呀 roy, 不過我真係覺得唔係咁好,不過都無計,唔通叫佢地3個走先咩,所以就出返去坐,點知坐多10分鐘左右,呀roy 話聽日一早要返工,走先……
我就送佢出lift口,等lift果陣俾佢捉住泥車左一陣,走左2班lift 佢先落樓…
返番入去我都係坐返o係 Zoe 隔離算喇..點知 Oscar 即刻拉我坐o係佢隔離,一拉過去就坐左上佢大脾,成班FD即望住我係咁笑,我仲清醒,快手坐返落 sofa, 但果陣 Zoe 已經繼續同呀昌係咁打車輪,激死,我知佢已勁醉,我心知一陣有咩事都唔駛旨意佢會睇得住我, Oscar 見我唔係咁 show 佢就無啦啦走去同返佢果兩個女仔FD玩,我就好無奈地自己一個坐,因為Dickson 同 Ten Ten 兩個私片梗,呀昌同 Zoe 就纏綿梗, Oscar 就同果兩件女玩, 我就自隊算數,都諗住再係咁早D走...
點知........
[ 本帖最後由 mini-yoyo 於 2008-11-28 02:41 PM 編輯 ]
