我老婆差d俾個o靚仔偷左部ipod
今日同老婆傾電話 佢同我講係回家途中
發現個外套個拉鏈比人拉開左小小
個時部ipod係個袋入面 佢以為係部ipod重 所以條拉鏈就開左
之後佢發覺唔對路 於是轉身一睇
原來係個小朋友想偷野 得十幾歲
佢一巴打埋去個小朋友度 最終力保不失
我問佢有冇伸多一腳落去....
佢竟然同我講:冇呀,我見佢好似好可憐!
我老婆仲同佢(賊)講:而家經濟差,你唔好偷我錢呀,我都唔係好夠用咖!
o矣,我呢個老婆,有時真係好天真好傻,唔伸多一野都算啦,同個賊講經濟.......
在此,我真係想提一提各位師兄,年尾又黎喇,今年經濟特別差!
好多人冇飯開,就自然會出黎搵食同過年!
唱人仔記得留係香港唱,而家好多假錢!
財物,貴重物跟身,個袋揹係前面最隱陣!
唔好太夜出街,真係非必要,就行d多人d 既路 同埋 行快d 多d留意身後有冇人跟!
等車或行路時,唔好太近路邊,!
