星期六由北角想上常平，咪試下果條新巴士線。去到電照街四圍揾，不見有巴士站或類似跡象(以為好似灣仔碼頭去落馬洲果D甘大規模)，後來在電照街兒童遊樂場旁邊渣華道找到個站牌，話一個鐘一班(搭正開車)，於是等一陣，在差不多45分鐘左右，有個女人現身賣票，去常平只60元，算幾平。跟住有個老人家走來執問該售票女仕，點解4點鐘無巴士來(當時4時45分)，害他等了一個鐘，這時售票女仕忽然拿出一張白紙貼在站牌上說："唔好意思，
由11月開始改為每2小時一班，逢單數鐘才有車開"。所以各位師兄留意此點，免得空等。巴士座位幾舒服，好過深圳去常平果D大巴；巴士5時由北角開車，Kitty三幾個，經西隧過海，到葵興地鐵站上客，再穿城門隧道，去粉嶺火車站和上水天平村上客(其實粉嶺火車站上客大可取消，人地坐火車方便得多啦)，才直奔文錦渡過關，去到文錦渡已經是6:30分了:smile_27: 。原來巴士過了大陸仲要轉車，不過這巴士(中港牌的右呔巴士)座位好豪華、好闊落，係1+2的三排位(一般是2+2的四排位)，仲靚過同闊過和諧號的一等座
。部份乘客在文錦渡離開(票價好似40元)，豪巴出高速直奔東莞，可能司機心急收工，車速媲美和諧號，逢車過車
，好快去到樟木頭。在市內左穿右插去到中心區落客(好塞車)，花了約20多分鐘才能離開樟木頭，到達常平華泰是8時15分，比想像上快一點(在深圳上高速前很塞車，花了十多分鐘)。
雖然全程三個多小時，但如在港島出發又不趕時間，也值得搭的:smile_38:
