大家好！
過往心水分析在 p.10, p.12, p.16, p.19
30/6 星期二 2 美國女足[0/+0.5] 對 德國女足[0/-0.5]
女子世界盃 四強，由世界排名第一嘅 德國 對世界排名第二嘅 美國，戲碼非常之精彩。喺投注角度又點睇呢？睇吓兩隊嘅近況，嘩！兩對最近八場都係不敗，一樣都係6勝2和。再睇下個盤，咦？德國 要讓 美國 平半喎！德國 雖然係排名第一啫，但係今場讓唔讓得起 美國 呀？話哂人哋都係世界排名第二喎.....仲有上一場 德國 辛辛苦苦先靠 互射十二碼 淘汰 法國，而 美國 雖然好似好驚險咁，但係都叫做90分鐘入面以一比零贏左中國吖。咁呢隊 德國女足 狀態究竟有得唔得架？最後睇吓對賽往績。原來 美國 對上六次對住 德國 都可以保持不敗，取得3勝3和，可以話完全係食住 德國！講到呢度，仲有邊個會覺得 德國 會讓得起 美國 啊？無論點睇都應該要捧 美國 受平半 啦！
正所謂"人棄我取,人取我棄", 今日當然要捧 德國 上盤！
推介:
德國女足[0/-0.5]......
29/6 星期一 1 札幌岡薩多[0/-0.5] 對 大分三神[0/+0.5]
一於照抄琴晚 華斯高 果場個分析.....
相信大家嘅焦點都會放喺 札幌岡薩多 今場贏唔贏到，因為話哂 大分三神 已經兩個月無贏過波，而 札幌岡薩多 近6場不敗，近14場僅1負。我哋個莊都似乎驚大家諗得太辛苦，所以走去開咗個 平半盤 超低水而唔開 半一盤。咁又係嘅，話哂 札幌岡薩多 今季贏果8場有6場都係小勝1球咁大把，如果開 半一盤 大家可能驚 札幌岡薩多 贏唔到兩球而考慮要 下盤。宜家開 平半盤，相信大家諗都唔使諗就可以去買 札幌岡薩多 上盤吧？既然我哋個莊對我哋咁好，呢個時候梗係捧 下盤 啦！
要 大分三神[0/+0.5].....中半
星期六 20 費城聯 對 蒙特利爾衝擊
簡單問一句，大家有咩理由會買 蒙特利爾衝擊？
蒙特利爾衝擊 對上20場 作客 賽事錄得 2勝5和13負，不勝率90%，敗率65%。而 蒙特利爾衝擊 作客 費城聯 嘅往績為 3和2負，從未贏過。
論近況，費城聯 上仗 主場啱啱贏咗位於 聯賽榜 前列嘅 西雅圖海灣者，蒙特利爾衝擊 則 作客 以1:3輸咗俾 FC多倫多。更糟糕嘅係 費城聯 只需守株待兔接連喺 主場 出撃，免卻舟車勞頓之苦；蒙特利衝擊 則事隔三日就要由 加拿大 走到 美國 連踢兩場 作客 比賽，可以話係疲於奔命。
最後論 聯賽排名，費城聯 排 東岸第7， 蒙特利爾衝擊 就排 東岸第9。因此，表面數據 費城聯 基本上係完勝 蒙特利爾衝擊！
咁買邊隊？既然"人棄我取，人取我棄"，今場當然要捧 蒙特利爾衝擊！唯一隱憂係呢場無 亞洲盤 買，不過喺咁嘅表面條件下，費城聯 個主W仲有1.92, 似乎吸引得嚟又無乜阻嚇力吧？
推介:
蒙特利爾衝擊[+1].....中
20/6 星期六 1 巴西 U20 [0/-0.5] 對 塞爾維亞 U20 [0/+0.5]
歷史果然係不斷重複。上場先話 巴西 太惹飛叫大家小心有伏，結果 巴西 真係爆冷輸埋波，點知聽日又嚟多場 巴西，又係 平半盤。雖然今次係U20青年軍，但上仗四強大勝5:0，難道今仗決賽不惹飛乎？
或許大家會認為兩場波根本不應混為一談；又或許大家會認為我地個莊只係地區小公司一間，不會神通廣大到連 世青盃 都能睇得通透；又或許大家會認為我地個莊 初盤 巴西主W 做1.95倍 比起 外圍平均值 高，只不過係微調 主客和 賠率 去吸引人投注嘅小動作；又或許大家會認為 巴西 平半 做1.7幾 低水係壓低賠率怕輸嘅表現。如果大家認同以上幾點，歡迎下注 巴西U20，反正小弟嘅心水唔一定中。不過，我地個莊怕輸嘅話，其實大可以唔開 讓球盤，反正獨市生意，怕甚麼？再者，如果 巴西 主W 壓低咗，局住要開 半一盤，咁 塞爾維亞U20 對上11場 未輸過兩球或以上 嘅賽績，應該會成為搏 半一下盤 嘅誘因。宜家開 平半盤，搏 下盤 嘅誘因又有多大？
既然莊家唔介意賠多d俾惹飛嘅 巴西U20 主W，繼而又唔開 半一盤 免去買 下盤 嘅誘惑，小弟只好堅持"人棄我取，人取我棄"嘅宗旨，推介:
塞爾維亞 U20 [0/+0.5].....中半
17/6 星期三 14 巴西[0/-0.5] 對 哥倫比亞[0/+0.5]
世界排名第五嘅 巴西 對 世界排名第四嘅 哥倫比亞。就咁講兩隊應該勢均力敵，所以今場開 平半盤 也不算太過份。
然而，上仗兩隊分途出擊對住同組弱旅，結果則命運迴異: 巴西 以 2:1 僅勝 秘魯，哥倫比亞 則爆冷以 0:1 輸咗俾 委內瑞拉！睇吓"名家分析", 佢就話 巴西 個"巴塞隆拿球星尼馬在首戰表現可人，貢獻一入球一助攻，是上場球隊贏波的功臣", 而 哥倫比亞 則"上場表現乏善足陳"。
因此，以 巴西 嘅近況同名氣，今場一定會有較多捧場客。而 哥倫比亞 上場差劣嘅表現，相信會嚇怕唔少人。要捧 哥倫比亞 嘅，今場可能選擇避，睇多場先出手。喺咁嘅情況下，平半盤 以半搏全咁好買，睇怕一定唔止十個有六個人買 巴西吧？正確d講，如有超過六成嘅 注碼 買落 巴西 度，絕對唔係奇怪事。但咁嘅話，莊家又點可以平衡到 注碼？60%嘅飛要賠1.7倍以上，莊家咪要蝕錢？難道莊家預計唔到呢個風險？
當然，投注額 確實數字小弟無從掌握。但小弟則堅信莊家睇好今場 巴西 唔會贏波。原因會係咩？攞小組次名走線避開B組嘅 阿根廷 掛.....
推介:
哥倫比亞[0/+0.5].....中
(進取者可直接買 和波.....炒)
12/6 星期五 5 冰島[0] 對 捷克[0]
歐洲國家盃外圍賽 A組 榜首大戰。
冰島 先後喺 主場 以 3:0 及 2:0 不失一球嘅姿態撃敗非魚腩嘅 土耳其 及 荷蘭，非常惹人注目。今仗 主場 出擊對住 4勝1和 嘅榜首球隊 捷克，平手盤 好難揀？
睇真d， 土耳其 世界排名其實比 冰島 還要低，而 荷蘭 則明顯今屆表現失準。咁 冰島 表面上優秀嘅賽績，可能並不是建基於球隊自身實力上嘅進步，而只是對手表現不濟而已。分組賽前仗 冰島 作客 被 捷克 打破不敗身及不失球紀錄，正好反映 冰島 對住 近況硬淨兼有實力嘅球隊，可能很難會嘗得甜頭。
今日推介:
捷克[0].....炒
[
本帖最後由 5957 於 2015-6-30 06:26 PM 使用
編輯 ]
