引用:
原帖由 krteddy 於 2011-8-15 08:25 PM 發表 
暫時性者, 暫時無人欣賞你唔緊要...
現在時代變了好多, 思想個個不同,
香港係自由社會, 自由思想,
我想你只是想做個調查, 看看別人的想法.
上述果位無禮貌的人兄不要亂講啦, 你又知人地日日坐屋企,
你睇下人地 ...
你又唔好低能, 無啦啦講咩freedom?
我無話唔俾佢講, 我只係叫佢唔好成日自怨自艾.
唔通你認為佢剩係係度諗,
自己點好點好, 點解d女仔會唔鍾意佢,
然後又話d女仔鍾意其他人, 上天好唔公平, 唔通你覺得佢咁樣係岩?
究竟你地知唔知咩叫愛情?
喂, 話俾你知, 愛情係基本法入面係無架,
唔好成日亂諗野, 諗埋d無關係既野啦,
如果愛情下下講條件, 又剩係怨女仔唔會走埋黎同你講野既, 唔會同你做朋友,
咁點解你唔檢討下自己有咩問題, 反而走去怨個天唔公平,
或者只係認為呢個問題只係暫時性呢?
如果個個好似你咁, 有問題就剩係坐係度話暫時性,
而唔去檢討, 咁樣有用咩? 等到幾時個所謂暫時性先會消失?
仲有, 佢做咩調查? 你夾硬屈佢係做調查既話,
咁你話, 佢調查d乜?
調查佢自己有咩問題? 調查點解無女仔同佢講野? 無女仔同佢做朋友?
其他男仔又係咪努力上進, 有正常家庭, 樣唔差, 無汗味? (你唔覺佢講呢d野出黎, 根本就已經係一個問題咩?)
定係調查個天有幾唔公平?
唉, 有時你要幫人, 都要用下腦, 唔好亂咁講, 無啦啦話人做調查先得.
再講, 如果佢真係做調查, 我亦都答左佢,
話俾佢知愛情唔係咁樣計, 亦都叫左佢應該主動,
亦好客觀咁話佢知, 呢個世界無所謂絕對公平.
你可以話我講得坦白, 唔客氣, 但我無講錯喎,
除非你同佢都係同一類人啦, 哈哈, 咁就希望你成熟d, 唔好諗野再咁天真,
再成日怨咁多野喇. (都唔知你係咪睇基本法睇到傻左, 好似樓主咁, 以為睇左基本法, d女仔就應該鍾意你?
)
[
本帖最後由 pspdl 於 2011-8-16 12:43 AM 編輯 ]
