英超初步心水
今晚小弟有約,尋晚又執到少少,而家提早度波,希望幫到大家贏錢啦..唔講廢話喇,入正題...
英超今晚首場係查爾頓對阿士東維拉,查爾頓剛換教頭,首場欠少少運氣臨尾被富咸逼和,今場一定有唔少支持者,而維拉就跌watt...連輸幾場,呢個時候仲要作客添...澳彩開個平手盤俾大家..咁呢個時候唔駛講就梗係大把人諗住查爾頓坐和望贏,買佢實無死啦...個庄都係想你地咁諗o者...呢場一於買維拉啦,平手仲有中高水,認真超值,皆因上場對熱刺其實佢地都踢得唔差架..馬會可以諗埋主客和,客勝,我會攞黎過關!:098:
第二場講返車仔,今晚對住作客好差o既富咸,開盤係讓球半兩球低水,車仔都好耐無試過大勝咯,上場仲俾個烏龍球搞到失分添,你話唔發火就勢係假,庄家開呢個盤我覺得都係制做緊個車仔不穩o既假像....個人認為呢場車仔至少都會贏到兩粒,分分鐘會大勝而歸...所以呢場揀車路士上盤!
第三場係曼聯,呢期氣勢如虹,都幫我贏唔少錢,今場對住雷丁,一隊沈寂左o既波,曼聯上場先大勝3:1,主場贏兩三球亦係閒事,不過我就覺得呢場開始有隱憂喇,雷丁作客甚少大敗,就算輸,多數都係一球超兩球止,而澳彩開曼聯讓球半兩球高水,我就覺得可以輸半搏全,買返個雷丁下盤!:071:
第四場係屈福特對韋根,兩隊由英冠打到上英超,真係難兄難弟,屈福特呢排好似有返少少起色,而往績對住韋根亦係稍有優勢,今次我睇兩隊和波機會高d,平手盤,大家水位亦差不多,買盤我就會搏主隊,過關係買和!
第五場係阿仙奴,錫菲聯主場好少輸兩球而阿仙奴近期贏波或者作客亦好少贏兩球,兩隊對賽阿仙奴作客亦無明顥優勢...不過今斯英超開快車,大球會一定著數d,而且阿仙奴要坐穩第三,一定出盡全力搶分,澳彩開到一球盤明顯係對阿仙奴好有信心,而錫菲聯受讓一球有高水亦有少少誘盤之嫌...呢場睇好阿仙奴順利以兩球以上贏出,買阿仙奴上盤,波膽介紹2:0,3:0!:096:
[ 本帖最後由 cjeremy 於 2006-12-30 12:09 PM 編輯 ]
