不諱言, 我係從港女vs台灣女vs大陸妹呢個post, 係從阿登勤王兄o既觀點分析何謂港男
http://www.188channel.com/viewthread.php?tid=2694990&extra=page%3D1&page=1
因為十幾頁, 要回得有條理再好難啦
當然, 我都係一個"香港男仔/人", 但係, 我唔會認自己係而家文中講o既"港男", 詳情你地可以自己睇下諗諗
1.首先, 我先推斷下阿勤王兄o既動機, 一按佢個名再按搜索帖子, ha~ 笑爆~ 睇下佢出o既post 都係休閒聊天~ 講港女~
你話無偏見? what the hell! 我就唔明勤王兄係為左勤王丫, 定係對港女有陰影
佢出post 懶正義o既廢話
男會員: 學好普通話，放眼大中華!
女會員: 有則改之、無則加勉!
我只係回應, oh! 屎! 唔好向度懶正義! 呢d 無風度o既粉人說話我唔會學! 影衰晒香港d 男仔
大男人主義無限擴張加上自大心作崇
無論男女會員都應該學好普通話, 同埋"有則改之無則加勉"呀?
呢個就係我要引出黎o既第一點港男特質...
2.好啦, 從行為上分析該post 樓主o既動機只係開場白, 雖然我都好佩服勤王兄咁留意所謂"港女"
但我想反問, 所謂"大陸妹" o既負面新聞都唔少wo
色誘司機打劫, 為左要單程證同個阿伯結婚, 呢d 就係所謂"大陸妹"
我相信勤王兄呢個時候會走出黎話"唔係個個大陸妹都係咁"
咁我又想問, 阿勤王兄! 你post 出黎o既, 又何嘗唔係個個港女都唔係咁呢?
咩叫雙重標準o既垃圾理論? 就係唔經大腦o既主觀理論lo, 根本就唔會邏輯
將你o個套放向"大陸妹"身上work, "港女"身上唔work? what the hell! x2!
呢d 咪叫謬論lo, 仲有人想支持佢? 究竟有幾多人係無思考過呀? 其實俗d 講句, 到底有無用腦諗下勤王兄o個套岩唔岩o架?
港男第二特質, 主觀到無論, 離譜! 基本上講句, 又係大男人主義所產生o既產物...
3.愛情謬論兼庸淺? ha~ 好好笑wo 呢個真係
阿勤王兄一d 名句我真係要post 下~
引用:
:024:喺香港, 係人揀我! 喺大陸, 係我揀人, 仲有大把選揀!
ha~ 好好笑~ 結婚係兩個人o既事, 有咩理由你揀人之餘, 唔係人地揀你o架?
仲有, 庸淺d 講句, 從勤王兄o既post 只係從"打扮"同"相貌"去揀人, 真係攪笑wo~ 而家咩年代
似乎勤王兄真係想返返去可以勤王o既年代~ 盲婚啞嫁岩晒~ 叫屋企人揀個樣靚身材正o既咪得lo~
原來勤王o既o既自由戀愛係單向性, 仲要只係要個殼~ 不如勤王兄買個mary 啦~
你睇返人地你眼中o既"大陸妹"點講啦
引用:
發表自iris_ad 於 2006-9-15 10:08 AM
我係個深圳MM，其實，我身邊D SZ MM 一般都係唔會中意HK gege~~因爲巨地比我地深圳D gaga 比較串，覺得自己係香港的，就覺得我地D大陸MM 一聼到係HK就會受界囖。其實唔嘎~！！我就5中意~~！！雖然HK D boy 比起大陸D人大多數都有禮貌，但係我都係中意深圳d boy 囖！因爲有親切感~！！當然大陸偏遠D MM （湖南、四川、湖北 ~~多數都5係好MM，比較中意做HK情婦，二奶吖等等）搞到，我地D 大陸人，好鬼無面~！！
你睇下啦, 而家係你將d 你口中o既"大陸妹"睇低wo!
你又話d"港女"眼角高, 其實你咪就係同你眼中o既"港女"一樣ja ma
又一個雙重標準理論? what the hell! x3...
你自己唔憎自己o既點解? 你屎啦...
學上面iris ad 小姐話齋,
當然香港窮困中年d o既粉人(拎公援、無本事、麻甩一世~~多數都唔係好男人, 比較鐘意包大陸情婦, 二奶丫等等)攪到, 我地d 香港人, 好鬼無面!!!!
4.最好笑係呢段
引用:
港男娶大陸女人, 無論在比例上甚至在數字上都有上升之勢。以前香港男人返大陸娶老婆, 好多係四五六十歲既低學歷低收入港男到大陸鄉間娶妻, 但時代變了, 現在越來越多高學歷高收入的港男娶國內高學歷的女仔
你話我知係邊個report 呀? 我上過統計處無呢d 數據lo, 邊年邊份?
最好笑係所謂"高學歷高收入"! 好笑呀, 我身邊d friend 個個大學生, 無一個想向大陸娶老婆wo!
我所知都係中港兩邊走, 你估申請個證唔煩呀? 好人好姐向香港點會搵唔到老婆? 你自己諗下啦
有好多因為工作需要多左向大陸先咁做, 但係呢個趨勢唔係因為所謂"港女"差左!
而係環境變左ja! 你無野呀? 呢點都唔識分析? 同埋你所講o既數字, 一年升左幾多個% 呀? 你講就係o架啦?
無實數我唔會聽你老吹, 至少我去統計處搵唔到
5.該post 樓主對於港女o既定義都無講過, 係咪存心挑釁所有香港o既女仕?
作為男仕, 無風度, 都算, 我唔怪你
但你因為大男人主義而踩女性, 士可忍孰不可忍!
唔單止影衰香港女仕, 仲影衰晒香港有風度o既男仕!
最後, 我想講係我唔係想挑起罵戰, 但想請大家問心一句
你地鐘意o既人入面有無香港o既女仔? 佢地係咪俾人一竹篙一打落去變左港女? 有女朋友o既更加請佢地表明一下
人總有缺點, 我係男生都會鐘意著名牌, 但係只係鐘意唔會追, 名牌料係好d design 係好d, 鐘意好野有壞咩?
仲有, 好多所謂港女特質, 根本就廢話, 有本事勤王兄列晒所有佢話港女o既特質, 我一個個point 回佢
到時我想睇下佢仲可唔可以勤到王
我只係想作為一個男仕, 可以為香港o既男仕展示返小小風度
同埋為香港o既女仕拎返應有o既尊重
真正唔尊重別人, 想挑起罵戰o既, 我只係想用事實證明俾佢地睇, 呢度仲有人有眼有心有腦o架lo!
亦請各位男仕唔好再忍受呢d 大男人主義啦! 拎返d 紳士風度出黎得嘛? 呢點我相信係我對向香港男仔最大o既優點黎o架?
打到呢度, 隨時加野! 大家對於港女同港男o既意見不妨出post
我會整理再慢慢加d 好point 落去
