[其他] 小弟今晚對歐聯既睇法和解答巴打早前問既問題!

收藏 | 訂閱

335 13.7k

扮西晒野

等待驗證會員

扮西晒野

1^# 大中小簡繁發表於 2006-9-26 只看該作者

小弟今晚對歐聯既睇法和解答巴打早前問既問題!

巴打好，係未分析今晚各場歐聯球賽前，小弟就做了幾樣數據，巴打可以參考下！
歐聯第２圈賽事係搏命賽，因為大多數球隊都會係第２圈賽事盡量贏波來爭取分數盡早上岸，所以小弟就做了幾樣數據，近１０年第２圈賽事有幾個巧合之處，第１點，就係平均入球數偏向大，因為小弟都講了，每一隊波都知道今圈賽事重要，爭取入球來贏波，引至到入球數字偏向大，所以唔出奇，近１０年第２圈賽事入球大細百份比率，大６２％：細３８％！第２點，普遍來說，主場贏波機會高，因為踢完了一圈賽事，所有球隊都會利用剩餘的主場之利來贏波取得分數，所以反映到有主場之利球隊贏波機會率較高，近１０年第２圈賽事主場贏波，輸波，和波百份比率，贏波５４％，輸波２２％，和波２４％！第３點，就係分組賽領先球無論主場或者作客，為保持盡早出線提早拿３分避免夜場夢多，會主動攻擊，爭取入球來增加贏波本錢，睇返數據可反映到，領先球隊為左早點上岸爭取１０分出線機會，係第２圈賽事主場贏波機率達到７４％，相反作客都有接近５６％會贏波回來，反映到一樣野，主場和作客都唔太有影響到隊波要贏波既決心，鬥志一流！
開始每一場波簡單分析下小弟睇法，意見，希望幫到巴打落注前有一個參考價值！
莫斯科中央陸軍對漢堡
呢場波好明顯睇落係一場看似五五波，其實是一場好簡單賽事，睇返２隊近績都係麻麻，不分上下，實力亦都差唔多，唔算得上一線波，所以２隊波都有好同唔處，小弟睇好主隊贏波機會高小小，理由有２，第１，就係早場，因為今晚另一個小數據就係歐聯分組賽有６圈賽事，除了頭尾圈要同一時間進行之外，其餘都有機會出現有頭場之賽事，小弟就做了簡單數據，係頭場真事主隊贏波回來機會高達６８％，相反和波１９％，而贏波只有１３％，贏波又贏盤有５３％，贏波輸盤有３２％，所以一場咁平均賽事，睇埋咁多數據，捧主隊會較好，第２就係小弟早２日都睇住漢堡呢場波，睇到呢場波狀態真係麻麻，踢落去攻擊多而欠利，仲要係主場，今次要來到作客，打低半班波，睇返盤口方面，呢場波都冇乜唔合理，亦都未睇到有咩大户向呢場波落手，所以綜合左咁多野，小弟覺得主勝比起亞洲盤更為扺搏，捧主勝機會值搏率高好多！
AEK雅典對安德列治
呢場波都係一場唔好睇又唔值得投注既賽事，因為睇返２隊最近賽績，主隊明顯麻麻，客隊近幾場波雖未至於輸波，但係２場主場只能取得１勝，２場作客都可保不敗，可睇得到，一隊有主場之利，一隊近態保持，所以呢場波係明付其實一場五五波，睇返各地盤路，小弟都未睇到有咩大户動食指，初盤盤路又好合理，呢場波要開主客和機會都存在，所以都唔知有咩好講，因為主隊熱唔透，反映到都冇給人信心去捧佢，如果睇唔通透，只可以講呢場波唔係好適宜用作過關投注，所以小弟係投注角度黎講都會避左佢，極其量都係一搏和波，因為小弟都綜合左好多數據，覺得呢場咁平均賽事，和波合理，但唔穩，因為３個盤口都有機會開到！
阿仙奴對波圖
呢場波普遍都認為主隊阿仙奴贏波係冇難度，小弟就從呢方面入手，睇返最近狀態的確唔錯，相反作到亦都唔弱，因為近５場賽事入球數字有７球，失球只得１球，能攻能守，不過最大隱憂都係佢最近既對手都係屬於較低一線既波，今次面對實力比自己高半班加上作客，要贏只怕難左小小，但係要守和亦都唔排除有咁既機會做到，睇返盤口方面，各地公司初盤一致認為主隊阿仙奴贏冇問題，問題就係過份偏熱，原因只有一個，就係覺得贏緊既賽事怕賠得多所以開飛偏熱唔難理解，所以小弟就冇打算係呢度埋手，小弟就集中睇馬會個讓球主客和盤口，發現到讓一球就２．３倍的確唔錯，問題就係能否平平安安贏２球以上回來，睇返亞洲盤，多間公司分別做讓一球中水或者讓一球，球半高水，由此用來比較睇返馬會讓一球有２．３倍係算好分，反映到馬會開盤既人都唔睇好會贏到２球，所以綜合咁多資料小弟就會覺得要贏２球機會唔係冇，相對地機會只係小，面對一對作客死守既波贏波唔難，問題係贏唔贏到２球以上就要賽後先知！
賓菲加對曼聯
呢場波好多人都集中討論曼聯會唔會再輸一次比賓菲加，從最近２隊賽績睇到，真係不分上下，有好亦都唔好，睇返賓菲加近幾場波入球數字來說係偏低，反映到主隊狀態真係麻麻地，相反曼聯上場好多人以為佢留力迎戰歐聯，小弟就唔係咁睇，因為小弟成場波都跟到足，睇到佢地冇保留咁去踢，因為除左歐聯，對於曼聯來說對今年聯賽冠軍一樣咁重要，所以小弟睇到上場佢地真係搏命，無奈地都係和波而回，２隊對賽過既賽績都係各有贏輸，睇返盤路，多間公司開盤前由初盤睇得出，佢地都睇唔好曼聯，雖然作客，但睇返個盤，係屬於偏冷，主隊明顯地好多飛落，由此反映到外界一致睇好主隊再贏一次應該唔難，但係小弟就唔係咁睇，無可否認，從２隊近期狀態，賽績，以及外界睇好主隊加上種種不利因素之下，小弟今次睇到一個絕對支持曼聯贏波返來既一點，就係中午時間，外國多間公司係同一時間有大量資金落注係曼聯身上，小弟再從呢度入手，發現到其中有不小大户都係果後時間出擊，由此可見，係同步時間出擊只有一樣野，就係要搵食，如果真係比小弟估中，呢場波曼聯羸波回來係有咁既可能，所以小弟綜合左好多樣野，覺得曼聯坐和望贏真係做得到！

扮西晒野

等待驗證會員

扮西晒野

2^# 大中小簡繁發表於 2006-9-26 只看該作者

些路迪對哥本哈根
從狀態，近績，以及球隊實力都可以睇得到，呢場波主隊贏波機會高，所以小弟都冇好詳細咁研究，只簡單咁睇過小小資料，覺得些路迪上次輸比曼聯只係輸在作客加上欠運，今次返回主場出戰，呢隊主場王會打高半班波，要贏波應該冇乜難度，睇返初盤好合理，冇古惑，主隊有１．６倍又未至於偏熱，用來過關亦都不錯，所以小弟都唔多講解呢場波，因為好多巴打都睇得到些路迪贏波回來應該安安全全！
里爾對 AC米蘭
呢場波小弟今晚心水之一，因為研究左好耐，就咁睇落去AC米蘭明顯地高一班波，睇返２隊最近戰績，主隊真係麻麻，最近５場各有贏輸，巧合地佢地５場波都能夠入到對手一球，相反
AC米蘭上場０比０完場，好多人認為有留力之嫌來應付今場賽事，小弟覺得完全正確，因為小弟上次都全程去睇住個比賽，發現到AC米蘭明顯地鬥志都冇，佢地諗住有得贏就贏，贏唔到就求求其其踢完９０分鐘就算，得睇到整場波只有小量有威脅性既攻勢，埋門機會又小，反映到真係留力於今晚出戰，睇返各地盤路，外界都認為AC米蘭有機會贏波回來，但係再細心睇返初盤，好明顯就睇得出外界除左睇好AC米蘭贏之外，亦都由盤口睇得出呢場和波集中左好多飛，所以開飛時和波比較熱係唔出奇，但係小弟都從盤口睇到一樣野，係夜晚８點２５分開始，有４間外國公司明顯地將AC米蘭客勝倍率調低左好多，只可以反映到就係一樣野，就係有大量支持者落飛，估計今晚如無意外，AC米蘭仲有水位，應該進一步下跌，加埋小弟較早前已經講了，強隊作客為左盡早贏波拿夠分都會去盡，加上種種數據，AC米蘭贏波絕對唔出奇，睇返亞洲盤好多間都做讓半球，係亞洲盤來說讓半球係冇意思，只有贏輸，所以呢場波要投注的話，小弟覺得AC米蘭暫時仲有１．９５倍值搏率好高！
皇家馬德里對基輔戴拿模
呢場波又係一面倒既賽事，２隊波明顯地已經差２班波，問題係主隊皇家馬德里能否在傷兵多情況之下贏波回來，睇返最近２隊狀態，主隊明顯地處於一個回勇狀態，相反客隊只能從入球失球數字去推算，覺得其狀態只是保持，皇家馬德里有主場之利，再睇埋一面倒咁熱，加上上場失分，至今仍然一分都沒有，今次必定全力出擊去拿３分回來，所以鬥志唔成問題，小弟都唔講咁多一場完全冇投注價值既賽事，只簡單講下，馬會做到讓一球有１．６７倍，其實都叫還可以，小弟暫時都未睇到外圍有咩因素，未睇到場波有冇古惑，所以贏２球以上覺得冇難度，問題在於會唔會投注呢場波！
布加勒斯特星隊對里昂
呢場波亦都係小弟今晚心水之一，睇返２場波最近狀態都各有差別，主隊可以話係保持水準，相反客隊真係長期大勇，從入球數字睇得到，場場都搏盡，再睇返第一圈賽事，作客里昂贏左實力差唔多既皇家馬德里唔難估到，但係主隊上一圈係作客既情況大勝基輔戴拿模４比１就應該冇人預計到，所以從表面上看來好多人認為呢場波有得踢，五五波之爭，好多人睇個盤都睇得到有問題，小弟就唔係咁睇，有幾點可以講下，第１點就係２隊波明顯地差半班，如果作客既里昂真係有心要贏，應該會幾容易贏到，睇返佢地而家長期大勇關係，作客應該冇乜問題，第２就係，係開初盤都睇得出，外國大致都認為場波係和局收場多，從和波倍率反映到真係幾熱下，係唔係就咁和我睇就未必，第３就係係我地行家已經將呢場波開左一個有得搵食既盤，雖然唔係多間做，但係依我所睇，好多人認為上場大勝對手既主隊應該同客隊差唔多，所以開盤就做半球黎搵食，如果一般人心態應該覺得主隊上場唔錯，今次受讓仲唔值搏，咁樣好危險，細心睇下下盤真係熱到冇乜水位，加上已經好多間公司食左好多水，係夜晚時間可以睇到已經轉左盤做平手半球，反映到就係未必多間公司都搵食，但係呢場投注前應該要小心，再睇返外國果邊盤路，開飛初段曾經出現過主隊大量支持者後，到左中午時間２隊波明顯地來來回回升跌，只可以反映到得一樣野，各有支持，所以好容易睇得到和波個倍率比較開飛前係冷左好多，之前小弟都教過巴打，如果一場波有咁既情況多數反映到呢一場波多數分得到勝負，絕小機會會和，所以小弟唔要個和就從呢度入手，睇返今晚時間歐洲方面，作客里昂已經好明顯地落飛，所以小弟綜合左好多資料，２隊波狀態，近績，各地盤路都覺得呢場波作客果隊里昂值搏率高好多！
以上就係小弟對今晚各場波既小小淺見，希望幫到巴打係落注前有一個參考，由於上一次小弟累左巴打輸錢關係，今晚只會作一個分析者角色去睇咁多場賽事，唔會作出一個推介，因為實在害怕再令巴打輸錢！
但係可以簡單講下小弟今日最愛２場波，亦都會全力擊，就係AC米蘭，里昂，希望今晚真係順利贏出，係度祝巴打同埋小弟都能夠好運！

扮西晒野

等待驗證會員

扮西晒野

3^# 大中小簡繁發表於 2006-9-26 只看該作者

講返巴打問小弟，好多問題！
有巴打問點解仲未覆到佢e-mail？我想說，係短短２，３日我個e-mail有接近４５０封以上，真係睇唔切，回唔切，在這真係想講聲唔好意思，小弟呢２天多野做，只可以講一有時間就會盡量回覆巴打問既問題！
有巴打問係咪整左個盤路比較表？係呀，小弟完成左了，仲加左好多其他對睇盤有幫助既野落去，例如教埋點睇盤，搵食波名字，總之多到會令巴打喜歡，因為有D巴打都覺得小弟用e-mail方法去送給巴打唔錯，所以小弟考慮到所有建議，雖然唔係D咩貴重野，只係小弟接近１０年既賭波經驗，現在可以講，如果真係有心覺睇盤，又想要個參考表，巴打可以send e-amil比小弟，內容記住講低係論壇叫咩名，暫時小弟已經送出了１５份，希望有多８５人會e-mail比小弟，所以小弟會送出１００份盤路表，如果多過１００人就以小弟抽籤睇到邊個e-mail為先就送給那個巴打啦！如果收唔到既巴打，小弟只能說一句，唔好意思！
至於收過小弟送既表有問題巴打可以e-mail比小弟問邊度唔明，我會盡量盡快回覆各巴打！
亦都有人問我係唔係會轉論壇，暫時小弟有咁既想法，因為呢度太多唔好既野，我希望真係搵到岩傾既巴打一起研究波既問題，暫時講到呢度！
另外亦都想問返一個巴打，小弟記得有人送過４０００分給我，小弟唔記得個名字，好似一個字，如果那位巴打睇到小弟，小弟想問你要唔要個表，我想你發短消息給我或者e-mail比我，我會留返一份比你，在這真係多謝你！