十九歲第一次
都好多年前既事，打岀黎同大家分享下，寫得唔好多多包涵。
記得喺我準備入大學嘅暑假，
正值失戀，無聊喺香討開咗個post講下自己對愛情嘅睇法，就係因為咁，識咗佢。
嗰時嘅我諗嘢好簡單，同佢傾咗幾日計，就約出嚟一齊睇戲。
見到佢第一眼就覺得佢好高，正常樣。
當初約出嚟睇戲純粹當識一個朋友，識一個出嚟做左幾年野嘅人，有啲咩都可以同佢分享或者問佢意見，感覺都幾好呀。
我唔記得睇嗰套係咩戲，不過係好悶，節奏好慢既。由於係閒日中午夜場次，個場冇乜人。 睇到中段，佢拖住我， 我將佢隻手fing開，但冇幾耐佢又再拖過， 咁算啦，其實冇乜嘢嘅，就由得佢拖，又掂下大脾咁啦。 可能因為我冇反抗，突然間佢一嘢咀埋嚟，我哋兩個就喺戲院咀咗好耐好耐，停一陣又錫，錫完又再錫.... 講真佢係幾好錫嘅，咀唇好薄，好chur但又好溫柔。 對於嗰陣時冇乜錫錫經驗嘅我嚟講，我係覺得幾好玩嘅。
睇完戲之後，好自然一路行一路傾計。其實我哋都冇目的地話要去邊度，不過原來佢拎咗半日假，而我又未開學好得閒，所以漫無目的咁一齊行咗陣。 之後先發現，原來漫無目的嗰個只係我，而佢根本係有目的。
我跟住佢一路行，點解好似重覆行緊同一條路？ 去到一個地方，佢停底，話好攰想坐下，不如想去休息下？ 我唔知嗰個係咩地方, 但係覺得太奇怪喇, 所以就話唔去啦， 咁繼續行，又行返嚟同一個地方。就係好奇心慫恿下，我就跟咗佢上去， 呢一次係我人生第一次去時鐘酒店。
