女神Jan
大家好,我叫David,今年十八歲,係個岩岩升中六既學生。我日日返學其實都真係無咩目標,我知道我今年其實要dse,但唔知點解就係無咩心機。一直以黎,係我內心對於我最重要既,其實就係班裡面既女神呀Jan。Jan人好nice,成績又好,仲做埋班長,樣又靚,雖然無大波身材,但夠氣質,係班裡面係絕對既班花 ,基本上個d口花男都會好主動咁同距講野,一有機會就主動撩下距,經常都會成為我地男同學之間既話題。
因為距條件咁好,好自然都有唔少男仔同距表過白架啦,但距都一一拒絕左。其實我本身都想試下表白架,但我見大把靚仔過我又有錢過我既同學都衰左,而我本身對距有興趣姐但實際上就無點近距離接觸,唔好講溝,溝通都無。咁無計啦,唯有將呢份感覺收係心裡面算啦,當係一個美好既回憶,點知……班主任係(中五下學期開始個陣)半年前左右掉左個位,我偏偏就坐左係距隔離,開始接觸多左好多。
我其實係一個毒男,完全唔具備吸引女性既條件,但係距真係好吸引我。我併唔係想搞埋嗮d邪惡既野,只係成日會幻想:如果有朝一日我可以同呀Jan拖下手仔,每日去一齊食下飯,假期一齊行街睇戲,已經好完美啦。
自此我開始會留意自己既言行舉止,開始會成日估距點唸。本來我d野好亂,個筆袋成日都無幾多支筆係裡面,書又成日帶漏,起初成日要問距借,但慢慢借得多我就開始覺得咁樣俾人地既印象好差,我開始會日日都將自己d野整理得好整齊,甚至有時仲會考慮埋呀Jan需要d咩。有次呀Jan肚痛,發現自己包紙巾用完,距好尷尬咁問我借,我有呀,個刻我真係覺得好開心,因為我總算係幫到下距啦,個晚,我興奮到成兩三點先訓得著。
調左位兩個月左右,我開始會經常係夜晚都爭取機會同距傾下whatsapp,每晚臨訓都會格硬揾d話題講下,每次見到雙剔變成藍色,然後距寫住“輸入中……”,到最後真係有信息sd黎既時候,我都會有幾種唔同層次既興奮feel。我發現我越來越被呢種甜蜜既過程所控制啦。我開始開始開始忍忍忍忍忍唔住啦,我好想好想同距表白,但又唔敢……我怕,如果我一俾人拒絕左,朋友都無得做。成個5月,我都係度猶豫緊係咪真係表白。
最後我見距其實都幾緊張學期尾既考試,俾我忍到暑假我先至鼓起勇氣去約距,去表白。
“喂,Jan你聽日有咩搞呀?”
“無呀,可能會留係屋企多”
“eh……之前呢……我聽講mavel套蟻人上左畫,幾正架,有無興趣去睇呀?”
“下?等距落左畫我到時上網都睇到啦”
“唔係呢,戲院睇既效果唔同架,最多我請啦”可能叫做相處左半年啦,都算熟既,就係咁,我就成功第一次約到距出街啦。
(未完待續)
[ 本帖最後由 @~鴻~@ 於 2015-9-4 05:33 AM 編輯 ]