再度重遇她 (更新: #14, #15, #61, #69)
話說半年前, 有日我返工前買麵包時撞見一位小學同學. 無錯, 係小學同學而唔係中學同學, 咁都認得出真係算我地兩個好野.
當時, 我排緊隊等比錢, 迎面而黎既係一位捧住托盤, 上面有一個腸仔包既長髮女士, 目光相接觸處大家都猶疑左一陣, 好似好熟口面咁. 最後, 佢順理成章排左係我後面, 差唔多論到我既時候, 還是我忍唔住擰轉頭問佢, "你係咪Daisy呀?", 佢掙大左雙眼, 露出小小笑容, "陳XX, 係咪?", 我有少少面紅,話晒係大庭廣眾比人叫全名, 不過小學時我又無英文名, 當時女仔叫男仔又唔興好親密咁叫阿乜阿物, 實係叫全名架啦.
跟住我惟有懶鬆容又懶得戚咁點點頭, 又"唔唔"左一下, 比完錢行出麵包舖門口, 例牌地寒暄一番. 原來佢最近轉左黎我呢頭附近返工. 我地行左一段直路後就要分手, 巡例都係果句"等閒出黎食飯丫", "好呀"作完場, 不過我地都絕不欺場咁交換左電話既.
當日工作如常,無乜野咁, 但係放工搭車返屋企就開始有野勒, 興興地諗番起細個果陣都暗戀過佢一排, 唔係我今日點會認得佢丫.
拎個電話出黎, 唔係咁想打比佢, Text佢啦, "Would you like to have lunch with me tomorrow?". 無回覆, 成晚都無, 有D失望, 不過算啦, 當無遇過佢.
第二朝起身, 如常返工, 買麵包, 今日無再撞到佢勒, 返到公司食住麵包Check email果陣, 收到SMS, "OK, When and Where?". 哈, 有少少忍唔住笑, 主要係無比人拒絕, 有少少成功感咁啦.
Text番佢, 相約在附近既餐廳度等, 都揀左間中高檔野既, 好在大家都係放一點至兩點, 唔駛夾時間.
多年不見, 自小學之後就只有一次係中學時期(我地讀唔同中學), 係lib記度撞過, 仲要係Hi左聲就算.
而家撞番, 唔知點解係"最近好嗎"之後就開始查家宅勒, 都係佢問我先,
"結左婚未呀?"
"結左喇, 我有兩個女"
"恭喜晒喎, 有無相睇呀"
非常公式化, 之後咪又係拎部iPod出黎Showoff既時間.
跟住果D咩"你個女好靚喎", "幾多歲呀"之類既說話我諗大家都唔想聽啦, 成個Lunch都係佢進攻我既時間居多, 直至等埋單果陣先輪到我問番佢
"咁你呢? 結左婚未?"
"結左, 不過divorce左"
我唔係即時諗起Divorce點解, 話晒又唔係常用字, 但係佢講得"不過"而我又有印象離婚係D字頭, 唔通我仲會笨到問佢"Divorce係咪離婚咁解"咩.
自然反應都係果句啦
"噢, 唔好意思"
"唔緊要, 我無介意"
第一次的午餐就這樣結束了, 之後不會有很激烈的性愛場面, 不用期待.,,
[ 本帖最後由 色小緣 於 2012-3-30 07:30 PM 編輯 ]
