其實我一直有睇引板
從來都冇留言,好似宅男咁得個睇字
不過最近收到一個email.....好想搵人分享
但又唔可以講比朋友知,尤其係女朋友,,所以決定係呢度同大家分享
我叫咩名唔重要~咁既然我係煙民,就叫自己做"志明"啦
呢個故事冇咩性,不過希望有ching會鐘意
呢個email係一個三年前識o既女仔(叫佢做春嬌啦)寄比我
內容係講佢大學畢業左想去外國working holiday, 半做半玩返一年
由於我都係外國留學返黎,想約我出黎食飯傾下偈,問下果邊D野
其實我地都真係好耐冇聯絡,不過同佢經歷o既真係好回味
話說三年前,我係澳洲大學畢業返黎,當年23歲
由於唔係話咁快可以搵到工,就日日都係屋企量地,打機
間唔中先一兩日話有工見,D朋友個個唔係返工就返學,冇時間陪小弟
屋企人雖然唔係話等我開飯,加上我重有一個家姐同一個阿哥(都大我好多年),
基本上真係唔急搵野做
不過我慣左做野好多年,突然間叫我停晒手就真係好唔習慣
又比自己好大壓力,因為自己儲落D錢都洗得七七八八
日日係咁check email睇下有冇工見or請
屋企冇野做,一悶就出門口後樓梯食煙(雖然屋企人都知我食~不過盡量唔想比D街坊見到)
無所事事左差唔多一個月
我就係咁o既情況底下認識左春嬌
記得果日係平日,我如常地係屋企打求職信,等email
下午4點零鐘我又去左後樓梯食煙,
一打開個防煙門,就聽到有人係度喊
我當時心諗,喂~唔係咁邪呀嘛
嚇死我
我二話不說行返出走廊,煙都未點
點知好衰唔衰,走廊又有人,加上果時放學時間好多人出入
但我又好想食煙,最後硬著頭皮行返入後樓梯
一打開門,話比自己知冇咁邪o既,
起初都冇咩動靜,一點煙,D喊聲又由樓上黎過
真係心都離一離
不過當我聽到一句說話,我就知道自己唔係撞鬼(覺得啦)
:點解你唔要我呀...嗚嗚
我頓然晃然大悟,心都定晒,
心諗:原來比人飛o者,人地心情唔好係後樓梯喊~唔好阻住人
不過我又真係好八卦,決定行上去睇下咩料
其實果時我咁諗:比人飛可能會做D咩傻事,係我屋企附近發生咩事都唔好啦(睇戲睇得太多)
咁我一小步一小步咁行,冇行到佢面前,低抄咁望上去
見到一個粉紅色心心袋,有個女仔坐左係度,長頭髮,著住校服,
個頭"爬"左係個膝頭就喊,兩隻手捉住自己小腿,
身材當時真係睇唔清楚,只知道唔肥,瘦瘦地
呢個就係春嬌
巴打~而家去食下午茶先~約左人,返黎再講
Part 2
返黎喇~係時候寫埋佢~多謝巴打們支持
我見到咁o既情形,好老實講,係男人都頂唔住
重要佢真係喊得好淒厲嫁喎,最頂唔順係佢喊都喊得好好聽嘛
當時我諗佢都未發現到我,同埋我當時都諗住算啦,唔好煩人地喇
咁我就行多落半層,諗住食埋支煙就返屋企啦
不過食煙果時真係好鐘意亂諗野,
重要諗返起自己飛左自己個初戀(大概半年前),
其實自己都唔好o既~自卑頂唔順佢比第二個男人溝
果個男人重要有錢過我,同佢讀埋同一科,朝見口晚見面,
最慘係人地溝佢,佢自己又唔拒絕,人地送咩佢又照收
一個星期見5日重要同果個男仔單獨出兩三日街,
自己當時又人在外地,真係冇計,最後分手收場
咁我當時食食下煙諗起呢單野,諗到我個EX可能又有呢個情場出現
一個人係度喊,唉~所以話,男人真係賤,
咁我就拿拿聲食埋支煙,返屋企,拎左包紙巾,再行返入後樓梯
我再低抄咁望上去,佢重係度喊緊,係咁索鼻,
不過佢係度打緊msg,見到少少佢個樣
唔係好靚,不過以學生妹黎講都叫嗒得杯落
再加上佢兩行淚珠係塊面度,雙眼紅紅,喊到皮膚白裡透紅,一個正常o既男人.....你教我點頂
我拎住把紙巾,都係唔敢係佢面前出現
咁我就低佢半層樓咁伸高隻手,放包紙巾係佢坐緊果一級度
然後我又點起支煙,低抄咁望住佢,
我諗佢當時都唔知我o既存在,
直到我見到佢有一下徒手抹面上果兩行眼淚
呢下春嬌真係殺死人,激發起男人所謂o既可憐心理
可惜,佢見唔到我放低果包紙巾
咁我就"咳咳"兩聲,佢望左落黎,再抹一抹對眼,呆呆滯滯咁望住我
我(指住包紙巾): M...呢度有紙巾
春嬌:.......
佢無出聲,以佢當時個樣望住我,果個楚楚可憐o既樣
我諗佢男朋友見到都真係心都軟晒,
當時我真係有少少怕醜,
之後我見到佢坐過左少少,拎起包紙巾,就用紙巾抹眼淚
果陣時我內心真係好安慰,因為佢領我情用我包紙巾
見到佢開始收聲,唔望我,望住個電話,我都定左落黎
我覺得幫到人好開心,唔多,一包紙巾就夠喇
之後我就行返落半層,望住個窗,到差唔到食晒支煙果時我聽到上層有開門聲
咁我又行返上去八下啦,春嬌已經走左
其實我真係覺得夠啦~人地失戀都係想搵個地方靜下,
如果下下突然有第二個男人上前"安慰"佢,抽下水~好冇品lo~
咁果時我咁做~都好開心嫁喇~起碼等佢知道個世界都重有人會遞紙巾比佢,係佢需要o既時候得到無名氏支持
希望佢會開心返D啦~
後尾返到屋企,咪又量下地,上下網,打下求職信咁
呢D電影橋段,初初我都不以為以,冇諗過會發生D咩
過左唔知兩日定三日,我如常量地上網搵工
照常悶悶地去後樓梯食煙,如常地抬頭望下睇下有冇人
之後行落半層,打算低頭點煙,就見到有個女仔坐左係度,咁當然啦,佢就係春嬌
當時我重未行到落去,春嬌就望上黎,當時佢個樣都重係呆呆滯滯
都係著住校服,都係果個粉紅心心袋,都係夾住對腳咁坐,依然係靚
不過唯一唔同係佢冇再喊,同埋坐落左一層
佢望住我:前幾日係咪你比包紙巾我?
我點著支煙:係呀~你又認得我?
春嬌:我認得你件衫,黃色o既,同埋呢個位食煙
我:哦~係呀~果日我見你喊得咁淒涼,咪比包紙巾你抹下眼淚,"呻"下鼻涕咁
春嬌:......
我:你冇野喇嘛?失戀好少事o者~你咁後生,重讀緊書,大把好男仔等緊你啦
我一路講一路行落去個窗口度,係佢後面,佢就開始另轉個身望住我
春嬌:你好老嫁喇咩?
我:23lo
春嬌:咁你做緊野嫁喇?
我:未呀~搵緊工,O岩O岩讀完書返黎幾個星期
春嬌:哦.....
我望一望個電話,見到當時得兩點幾,心諗應該未放學
我:而家兩點幾咋喎~你唔洗返學嫁咩?
春嬌:我逃學....
我:做咩逃學?
春嬌:因為我返學就會見到果個"仆街"
我:咁你都要返學嫁嘛,逃避解決唔到問題
春嬌:關你咩事
我:咁你又講得o岩~唔關我事
我當時心諗~你坐得係呢度,都應該預左比我問野嫁啦=.=""吹脹
春嬌:我係度等你係想講多謝,同埋還返包紙巾比你
我當堂打左個凸,
我:唔洗客氣~一包紙巾o者
春嬌:因為我當時諗住自殺,好在你入左黎食煙重比左包紙巾我,我先唔敢
我:哦...好彩...做咩搞到要自殺咁大鑊呀...?
春嬌:....
當時我煙又食完~正諗住返屋企~咁佢又唔講野,所以我
我:你唔講唔緊要啦~可能你真係咁愛佢呢,煙我食完喇,我返屋企喇~
春嬌:.....
咁我真係轉身就走,準備開防煙門果下,聽到佢細細聲講
春嬌:我有左.....
咁大鑊=.="?????我心入面直頭雙手打凸
把打們~唔好意思~今晚再寫
Part 3
唔好意思呀各位巴打~
因為琴晚有D野做~晏左唔好意思
講到有左唔係講玩,真係幾大鑊~
呢個時候我又點第二支煙,轉頭行返落去
今次大鑊啦~佢又開始眼濕濕,最驚女人喊
我呢下吸得好大啖,之後向住個窗口噴晒出黎,另過去望住佢
我:幾耐喇
春嬌:我兩個幾月未黎M
我:驗左未?
春嬌:未.....(後加索鼻聲)
之後沉默左好耐,佢就一直發出D啜泣聲
靜到我食到埋後一啖煙,掉落地下,踩熄埋
我:買野驗左先啦
春嬌:.........
我當時心諗,唉~又邊會有女仔會去買呢D野丫....更何況佢只不過係學生?
我:你係度等我啦,我幫你買~(因為真係頂唔順佢係度喊,心都軟晒)
春嬌:哦.....
我:咁你自己小心喇~好快返黎
跟住佢問我咩名同電話,咁我就話比佢知
咁我就問返佢電話同名~黎到呢一刻先知春嬌個名~真有趣
咁我就落左街買~
其實後尾有諗過叫佢去我屋企坐住等~
不過阿媽教落防人之心不可無,睇定D好~
我記得之後佢send左個msg比我多謝我~
真係心都甜埋
之後我買完,帶左佢去我屋企
初頭佢都好唔好意思~跟住我問佢
我:咁重有冇第二個人知呢件事?
春嬌:冇.....
我:咁你快手D驗左先,睇左結果再算
咁春嬌放低個袋入左廁所
我就係個廳度坐係度等佢...
我等左好耐,大概十五分鐘,佢都未出黎,心知不妙
行到廁所門口,聽到佢又係度喊緊,心諗:中左喇
之後我敲門叫佢返出黎
佢開門行返出黎,拎住支野,垂低個頭,喊緊
咁我就示意叫佢出個廳坐低,
當時我個心都好亂,
我倒左杯暖水比佢飲,
佢依然冇出聲,夾實對腳咁坐左係沙化度,雙手拎住個杯,放左係膝頭上面
而支野已經比佢用紙巾包實左袋左係袋,
當時我見佢D眼淚係咁滴,我又拎過D紙巾比佢
春嬌:咁點算好.....?
我:你認為呢?
春嬌:........
我都唔知講咩好~我坐左係佢隔離,之後挨左落個沙化度
我:咁你想唔想要先?
春嬌:我唔知呀......
我:咁你洗唔洗同你男朋友商量一下?
春嬌:我唔想比個仆街知...
我心諗:咁又係~個男你咪又係學生~重要係中學生,到時只會搞大件事
春嬌:我想落左佢
之後佢拎起個杯,飲左啖水
我:既然你有咁o既決定,我實支持你
係呢一刻我覺得呢個女仔好理性,
但係我當時諗唔明點解一個咁理性o既女仔都會比人搞大個肚
即係比個男朋友唔帶套搞啦,
咁之後我就同佢上網去家計會排期,
佢初頭問我有冇咩藥食,
但係我知道食果D藥好傷身,雖然好平,而我重知道邊度有得買
之後見到個價錢,
春嬌:不如去買藥食啦
我當時心諗:佢應該係唔夠錢
我:唔怕啦,我借住比你先啦,(因為我當時都有D錢~果4位數字對我唔算係D咩~話晒之前搵澳元)
春嬌:咁好似唔係幾好...
我:得嫁喇~
之後我就二話不說按左個決定制,搞掂收工
我見到佢當時好驚,個身係度震緊
我:唔驚喎,好快會冇事
跟住我同佢傾左一陣計,知道左佢男朋友係咩人
叫佢做EXB啦~
EXB係佢學校高佢一級~讀中七,成績好好又做社長
春嬌同EXB係同一個社,而春嬌就係現任社長
屋企都算係有錢,平時出街睇戲食飯都係EXB比錢,
問到佢EXB點解要同佢分手果時春嬌靜左幾秒,之後
春嬌:個仆街叫我同埋佢出面一個friend玩3P我唔肯....
哇~原來而家D學生咁狼死~我都嚇左一跳~!
春嬌:然後個仆街就同左出面D女仔係埋一齊唔要我.....
我心諗...真係可憐,,重好鬼電影橋段
諗返頭先佢話佢諗住自殺都真係幾明,
當一個女仔咩都奉獻晒比一個男仔果時,之後突然間無左
重要個事實話比你知原來睇錯左呢個男仔
重要比呢個男仔搞大左個肚,,
重要冇錢,重要讀緊書,重要日日返學都會見到佢
果個心情真係好似個天掉左落黎咁!真濕滯
而家春嬌以仆街黎稱呼EXB認真貼切
不過我諗春嬌都已經諗通左,唔再愛EXB
就係咁我地傾下傾下就傾左成個下午,果時已經六點幾~
我講左好多我同我以前女朋友同埋澳洲讀書打工果D野比佢知~
因為有D都好搞笑,令到佢心情舒暢左,有時重會哈哈咁笑出聲
我發覺佢好斯文,笑起上黎好清純好甜,講野都有文有路,家教真好
最後我同佢講係時候返屋企,佢就去左廁所,
跟住我就趁佢去廁所果時係佢個粉紅心心袋度拎返支野出黎~
八掛睇睇,真係有左
之後我就包返好放左入褲袋~(唔好諗邪野)
我係唔想佢見到支野又唔開心又喊先諗住轉頭幫佢掉左佢
跟住我送佢落樓,見到佢已經好累~
我就截左架的士,比左三十蚊佢(其實我屋企到佢住果度都唔洗跳錶~不過~無所謂啦)
送左佢上的士,佢好甜咁笑住同我講byebye,
果野真係而家諗起都lum....
同佢講完byebye之後我轉身就返上樓~
佢返緊屋企果時就send 個msg問我見唔見到支野
我就話我幫佢掉左,冇人會發現,
之後佢就好安心咁返左屋企,重向我報到添
最後我叫佢休息多D,同埋記住返學
當時我比佢外表迷住...知道自己可能已經中左招~
講返春嬌個身材,我諗佢大概有1.63,4m左右高,皮膚長期白裡透紅狀態
長頭髮負離子,眼細得黎有D迷離,鼻細,咀細,面尖尖,有少少baby fat~(PS.小弟好鐘意眼細)
腿型幾靚~著住標準學生裙及膝,唔會好似D浪女咁短到露底
毫無疑問係好多男學生夢寐以求o既初戀對象,如果要評級~我會比個B+級佢
因為佢身材麻麻地~我諗頂多都係B cup~
就係咁~我地開始左日日send msg o既關係~
佢成日會同我講:我頭先小息又係小食部見到個仆街,見佢前面憎佢後面
之類咁o既野~
咁我通常都會回返佢一D咒佢o既說話例如: 鬼唔望佢食到肚屙,出唔到廁所,重要用晒D紙巾要用手抹屎忽
之類
跟住佢會send 返D笑臉比我
有時佢又會問我搵工搵成點~又叫我唔好食咁多煙....
唔,....好噯眛o既關係
之後我地都冇見過面,
直到兩個星期後,佢要去家計會o既前一日........
[
本帖最後由 qpalzm102938 於 2012-2-14 06:34 PM 編輯 ]
