|
等待驗證會員
|
1#
大 中
小
簡
繁
發表於 2006-5-23 只看該作者
戇男連載: 我的一段QQ情 (1-16集+後記 )
前言
見近排咁多QQ妹的話題,又新開了一個QQ專區,又有師兄post 約QQ的經歷,可見QQ係 “今期流行” !
上個禮拜收到一位師兄嘅 pm,問我嘅故事幾時出.呢位師兄真係好記性,我喺我篇拙作“戇男台北奇遇記”裡面講過將會出一篇關於我同一個QQ妹的故事,之前一直都幾忙,近排工作稍見空閒,就決定寫呢個發生喺兩年前嘅陳年舊事啦.
點解又係n年前的舊事? 台北icq妹係六年前嘅事,今次呢個QQ妹又係兩年嘅事?乜你冇近期d嘅事咩?
答案係: 冇嘅.
點解我近期都冇發生咩故仔呢?說來話長.....
自從我同現在的女友喺埋一齊之後,莫講話出去玩,就算放工夜d返屋企佢都唔高興,令我彷彿回到『初中老豆老母唔俾我出夜街的乖乖仔時代』,簡直慘無人道.我女友係我迄今最後一個見的QQ妹,自此之後差不多兩年小弟都再未約過QQ妹出街了.最近小弟再次沉迷玩QQ,手頭上有兩個QQ妹答應可以出黎見面,無奈大家都係放禮拜日,我放假又要上去交人,平日我女友又check得緊,根本冇偷跳的空間.
上個禮拜六偷雞唱K,未夠三點返屋企交人她都要哭哭鬧鬧的,如果失蹤一整日同QQ妹出街,我諗返到去個頭俾人斬甩都似.
宜家真係慘過坐監.廢話講左咁多,入正題了.
呢篇故事有兩個女主角,男主角當然係我啦.
首席女主角 : 小盈-----湖南女孩,可說是我第一個交往的國內的女朋友
客席女主角 : 小雪-----一個嬌小伶儱的湖北女孩,長的頗像張含韻.
第一集: 相約在東門
講故事之前,又係我例牌9 u兩句嘅時間.我玩QQ只有兩年的歷史,而令我認識QQ的地方,冇錯,就係discuss啦.大家唔好以為我擦鞋,我係講真的.猶記得兩年前啱啱加入discuss的時候,讀過一篇大作,我相信好多舊會員都睇過: QQ攻略.該文非常useful,教人點樣以最快、最安全的方法將QQ妹“溝上床”.呢篇文章令我認識QQ,加上當時有唔少巴打post一啲食QQ妹的報告,遂令我色心大起,在好“性”心的驅使下,小弟開始玩QQ,而且立下目標: 約QQ妹出來foc!
因為玩QQ、因為約QQ妹,令我多左接觸內地嘅女仔,後來亦認識左現在的女朋友.可以咁講: QQ令我真正踏上“北上尋女”的征途、令我兩年來上上落落,使深圳成為我的另一個家; 可以咁講: discuss令我認識QQ,間接使我認識了現在的女友.
唔好話我擦鞋呀,今次我帶唔夠“德國鞋油”,下次帶多d先擦令d
呢個唔係一篇食QQ妹的報告,而係一個記錄,記錄我同一個QQ妹的感情故事,所以請不要期望有咩性愛描寫的場面.至於相片我考慮下post唔post啦,始終她跟我有過一段情,呢樣野要慎重考慮.
又講左一堆廢話,要去片啦,開麥拉!
記得故事係發生喺04年6月下旬歐洲國家杯開打的期間,有一晚我如常上網的時候,我加左一個QQ妹,她就是本故事的女主角: 小盈.
由於果期都幾鍾意返大陸落D,所以在QQ上同QQ妹傾計亦非常神經質地把話題轉到落D、落bar上.我當時玩QQ的目標只有一個: 約QQ妹出來foc.所以偏向搵一啲愛蒲夜店的妹妹仔,將目標鎖定在深圳關內.
隨著年齡長大加上玩左一段時間QQ,發覺當初的做法都幾幼稚,宜家我當然唔會咁做.不過幼稚歸幼稚,呢種“速成配對法”係work嘅,至少在當時係管用的辦法.
我加左小盈後,好快就將話題轉到disco裡面.小盈同一般QQ妹不同: 她不會一開波就問你的真名、她不會質疑你假扮香港人,再加上佢都有落開838、cyber、凱悅,所以談得頗投契.從言談間(QQ打字的字裡行間)覺得她並不是wet得好勁果種.呢種女仔我覺得最好了.如果條女蒲得好勁嘅話,通常會好飄忽,就算俾你約出黎,可能佢夜晚又要走另一場,咁就不利於食了.小盈係屬於有落disco落bar但不沉迷果隻,呢d女乖又乖唔晒,曳又未至於,我覺得最適合自己.
聊著聊著,話題又轉到有冇男女朋友的身上.小盈話沒有男友,暗示叫我介紹d香港男人俾佢識.見佢咁講,我興致更濃,就自薦給她.小盈一口答應,從字裡行間我知道,呢個女仔肯定約到出黎,當下就交換左電話,並約好兩日之後在東門茂業百貨門口等.
東門茂業百貨係深圳關內一個非常熱門的等人的地方,地位等於香港銅鑼灣的SOGO.由於其地理位置優越,面向東門中路,不論從東面的龍崗、盬田或西面的寶安、南山、福田去東門,只要坐大巴、中巴或打的,都幾乎必經茂業百貨.即使在另一邊江南酒店下車,若要去步行街,都一樣要經過茂業.所以茂業百貨(東門店)係東門片區最熱門的等人地點,即使現在地鐵開通,其地位仍蓋過太陽百貨、麥當勞.
而我同小盈的故事,就在東門茂業百貨門口展開…..
下集預告: 北上找小盈
p.s: 我知道如果有照片會令個故仔更真實,但小盈話晒都和我一齊過一段短時間,算係我第一個國內的女朋友,登佢張相出黎實在過不了我自己良心那關.但客席女主角小雪的照片,我會慎重考慮post唔post出黎.小雪確有幾分似張含韻+董潔,甚有鄰家女孩的感覺.
索引
第一集 相約在東門 (P.1)
第二集 北上找小盈 (P.3)
第三集 糾纏 (P.6)
第四集 猶豫 (P.9)
第五集 天亮以後不分手 (P.10)
第六集 起疑心 (P.12)
第七集 遇上小雪 (P.14)
第八集 投緣 (P.15)
第九集 我約她去歡樂谷 (P.16)
第十集 暗裡著迷 (P.17)
第十一集 失落 (P.18)
第十二集 同床異夢 (P.19)
第十三集 狠下決心 (P.20)
第十四集 欲斷難斷 (P.21)
第十五集 我不夠愛你 (P.22)
第十六集 《大結局》 日出前讓戀愛終結 (P.23)
後記 後記 (P.24)
[ 本帖最後由 簡東拿 於 2006-10-27 12:46 AM 編輯 ]
|
