上面d女以為我地好好劏
上次我0係度話0係sn識左條培訓妹用1000人仔救左佢出來, 諗住佢帶我去工廠見識下啦, 點知根本唔俾入, 宿舍都係0係工廠入面, 條女話自己做電子維修好掂, 話開間鋪仔可以月入5千人仔, 投入4雞人仔, 我心諗, 你連埋加班包食住都有1600人仔左右收入, 如果我出糧俾佢, 都要2500啦(唔包食住), 咁即係月入得番2500, 咁一年都未到本, 重要係d錢係佢經手, 我當2年有6雞收入, 即係2年減番4雞成本都係得2雞收入, 年回報只係25%, 但風險極高, 我當初以為條女個款好天真, 其實天真果個係我, 我話個投資唔化算, 佢反轉豬肚是屎, 即時話又係我叫佢搵資料, 而家又唔算數, 好似佢貪緊我d錢咁, 下, 我叫你索下料炸, 包生仔架? 佢重話我人格有問題, 以怨報德!! 你話我有無可能信得佢過? 大話夾好彩我逃過一劫, 睇穿佢真面目, 名句"留精不留情, 留情無錢剩"... 金句即係金句! 最頂癮既係, 佢之後彈左一句 "唉, 你地咁有錢, 即係舉手之勞, 我地呢d要捱成世架, 真係陰功"咁上下... 舉手之勞有4雞? 咁我一日咪搵幾十雞? 一個月搵過千雞? 佢捱成世? 一年都有2雞啦...完全係誇張到好似我地欠左佢咁!!!