|
等待驗證會員
|
1#
大 中
小
簡
繁
發表於 2010-5-22 只看該作者
尋晚瞓唔着~~~打左呢篇野~~~~~~~
今日有傢俬要送嚟,佢又有野攪,咁我自己就一個人上去屋企等,上度去打開度門,間屋已經裝修好晒,我行入廚房,廚櫃,煤氣爐,雪櫃,抽油煙機全部裝好晒,我再行入房睇,除左張床之外其他野都已經攪掂晒,望到預備掛係床頭嘅結婚相擺左係旁邊,我踎底係到睇,我同佢結婚哪,佢會係我真正嘅老公~~~ ~~
跟住我行返出廳,見到另一張結婚相,已經掛左上梳化上面度牆度,好大張,我行埋去摸下,望住佢個樣,唸返上年我地影相果陣d緊張法~~~~~~~ ~~~~~~
係屋度行左一個圈,厠所,書房都已經執好晒,好快我地就可以開始新生活嘞,唸下唸下個門鐘就響,係送傢俬嚟嘞~~~~~~~~ ~~~
攪掂晒個衰人都未上嚟,又一地都垃圾,攞個垃圾袋執啦,執執下聽到門匙開門聲,一定係佢,我兩步跳埋門後面伏佢~~~~~~~ ~~~
‘o靚仔~我嚟哪~~係邊~~~’
我唔出聲,佢擰轉身閂門我就即刻係後面撲埋去攬實佢~~~~~:smile_04: :smile_04: ~~~
‘老公~~你咁耐咖~~~~~~’
‘嘩~~~~你真係想嚇死人咩~~~~喂~~~你攪咩揸住個垃圾袋呢埋係門後面~~~’
到果陣我先醒起我仲揸住個垃圾袋,掉低佢啦,攬實佢錫返夠本,我原全唔俾機會佢講野,一路錫佢,我地濕吻完之後佢攬住我,拖我行入房
‘o靚仔~~俾d野你睇~~’
佢拖我行埋衣櫃度,打開度門,呀~~~~我個樣呀,佢唔知幾時張我幅相裝左係門後面
‘你開埋另一面吖’
我打開另一度門,哈~~~係佢個樣,佢真係古零精怪
‘靚唔靚呀~~~’
我擰轉身望住佢,佢又攬住我,錫我,我合埋眼又同佢錫起上嚟,我地好似好耐冇做過哪,攬住佢感覺佢嘅體溫,佢嘅熱情,我地嘴唇嘅郁動~~~~~~ ~~~
一路同佢錫一路個腦就唸起四年前一場大雨不經意咁張佢帶嚟我身邊,令我嚐到真正嘅幸福,雖然期間有不多不少嘅甜酸苦辣,但到今日,我地終於結婚哪,會一直係埋一齊,我係佢名正言順嘅老婆,冇野可以再分開我地,唸下唸下我d眼淚又唔聽話,係咁流落嚟~~~~:smile_24: :smile_24: ~~~
佢一定感覺到,停左落嚟,用手抹走我臉上面嘅眼淚
‘唔好咁啦~~~傻瓜~~我會愛你~~錫你~~一直到永遠~~~~’
佢講完呢句我仲喊得犀利,我攬實佢,直頭喊到呱呱聲,我伏係佢心口度,佢輕輕力咁拍下拍下我
‘講俾我聽~~唸咩唸到喊~~~我唔希望係d 唔開心野呀~我話過我唔會俾你再流傷心嘅眼淚~’
‘我冇野~~~唸起我地好耐冇做過~~~好掛住你~~我好耐冇煮飯俾你食~~~冇同你一齊係屋企玩哪~~~~我好想快d~~快d同返你一齊住呀~~~~’
‘傻瓜~~~以後有成世人時間俾你煮飯俾我食~~大把時間同你玩~~~咁都好喊嘅~~’
我都唔知點答佢,佢係後面攬住我,我地講下呢樣講下果樣,時間已經差唔多,我地又約左人送炸彈,結果咩都冇做到,算啦,不過真係好期待,好期待果一日嘅來臨,講果一句~~~~~~~~“我願意”~~ ~
|
