mandy2013

引用:

原帖由 Wacoal 於 2016-8-2 01:07 PM 發表
Good story

Thanks ^^

mandy2013

第四章

我正木無表情, 跟住就繼續呆呆咁向前行住, 文迪見到咁, 即時就捉住我隻手臂同我講, 「欣, 做咩事呀? 係咪有啲咩唔妥咁呀?」

小麗亦好緊張咁, 「欣姐姐, 妳唔好誤會呀, 係我叫文迪叔叔帶我黎見妳架咋!」

但我就依然無咩反應, 跟住我 fing 開左文迪嘅捉住, 然後就繼續向住門口方向行去。

文迪已經好快跑到上前就將我攬住, 「欣, 係咪發生左啲咩事? 講比我知, 欣…..」 我搖住頭, 跟住就開始淚眼同嚥住喉講, 「唔…關…你…事…」

講完呢句說話, 我就好快頭都唔回咁就向住門口出便跑去。

文迪繼續呆望住門口, 而小麗就自己一個行左去屋邊度呆企住, 等左一陣, 文迪就行到小麗身邊, 小麗有啲唔開心咁抬頭望住文迪。



「叔叔, 對唔住呀, 我都唔知係會搞成咁架!」 文迪苦笑住咁摸左小麗個頭一吓, 「傻女, 應該唔關妳事嘅, 唉……..」

雖滿腦疑懷, 但文迪亦第一時間跑上二樓度, 諗住想問吓呀爸知唔知到底發生左啲咩事, 但結果就不得要領。

呢日之後, 文迪雖然係咁不斷打電話同 send 短訊比我, 但我就已經唔知應該要點再面對佢至好, 一個係我至愛嘅人, 而另一個就係毀左我一生嘅人, 但兩個人居然同時仲係兩父子關係, 點解? 究竟點解個天要係咁對我。

幾日之後, 呢一日下晝, 文迪收到佢爸爸根叔嘅電話, 「迪, 麻煩你幫我通知你女朋友, 我而家就去緊差館度自首, 迪, 我對你唔住, 但我就更加對你女朋友唔住!」 根叔講完呢番說話之後, 文迪都未曾開口, 根叔就已經收左線。

事情愈黎愈詭辯, 但文迪亦唯有唔知頭唔知路咁 send 左個短訊比我, 跟住文迪仍再追問我同根叔之間到底發生左啲咩事, 但我就依然無回覆到佢嘅短訊。

事情終有水落石出嘅一日, 經文迪嘅警界朋友口中得知事件嘅始未, 文迪即時呆若木雞, 但一時三刻之間, 事實嘅真相又真係好難令人可以接受。



完嘞, 我同文迪最終都係要分手收場, 警察亦曾經上門要求我去出庭指証根叔, 但…..思前想後, 但我最終都無打算再出庭去指証呢個禽獸。

因為, 諗到一來呢個禽獸亦已經將會步入風燭殘年, 油盡燈枯嘅階段, 二來件事亦已相隔左咁多年, 而我亦算係睇在文迪分上對佢作左一個最後嘅交待。

。。。。。。。。。。。

一段巨變日子過後, 根叔病情漸催惡化而需要入院留醫, 而文迪亦終日變得沉默寡言, 小麗偶爾亦會 send 短訊比文迪作一番問候, 但文迪就由始至終都無將件事話比小麗佢知道。

終於, 根叔響無幾耐之後, 終於都響醫院之內結束左佢嘅一生。

呢一日, 小麗獨自搭車入去大坳門度, 原意係想同文迪叔叔見多一面同劃清界線, 等文迪叔叔個女朋友可以唔好再誤會佢地二人之間嘅關係。

已經慢步行到文迪屋企門前, 小麗正企左響電閘嘅門前, 企左一陣, 突然有人開住電閘, 一個似係鐘點工人嘅女人正行緊出黎, 「咦小妹妹, 妳黎搵人呀?」

mandy2013

小麗點一點頭, 「姨姨, 我係黎想搵文迪叔叔架!」 鐘點工人媚姨聽到小麗嗌住文迪叔叔, 「妳就係文迪曾經助養果個小麗?」 小麗點一點頭。

一老一嫩正沿住斜路行番上去清水灣道, 到左回旋處嘅小食亭之處, 二人就響小食亭度坐低傾談住起黎。

唔經唔覺, 二人就已經傾左成個幾鐘頭之後, 媚姨大約講左文迪個爸爸響醫院內過世同分手嘅事比小麗知道, 但當中同小麗相近嘅事情就三緘其口, 絕無透露過半點一句出黎, 以防小麗聽到之後會勾起佢以往嘅不快經歷。

「媚姨, 我已經明白哂文迪叔叔嘅事嘞, 既然係咁, 我睇佢都係需要啲時間去先可以掉淡件事, 呢段時間, 媚姨, 妳都要好好咁照顧住文迪叔叔先, 等再過多一排我先再黎問候吓佢啦!」

媚姨笑住點一點頭, 但望住呢個正背住光嘅小麗逐漸遠去, 媚姨心中正暗嘆住小麗響呢個年記居然都可以懂得咁多人情世故。



小麗番到屋企之後, 見佢正坐左響寫字枱前, 手正揸住文迪叔叔再送過比佢果支新名貴原子筆, 心正諗住媚姨頭先同佢講叔叔嘅近況。

小麗正在細聲自言自語, 「叔叔你要振作啲呀, 不過如果小麗可以幫得到你手嘅話, 小麗定必會義不容遲咁去盡力黎幫你架!」

(待續)

mandy2013

第五章

呢日之後, 小麗同媚姨都有響短訊度互通消息, 「媚姨, 文迪叔叔今日點呀?」 「媚姨, 叔叔有無肯食番多啲野呀?」 「媚姨, 我仲諗緊幾時先再去搵叔叔見面先好!」



村屋內, 文迪表面好似已經變番平時如常嘅文迪, 「咦媚姨, 咩今日咁早就到嘅? 不過我一陣就會出一出去, 咁我而家先比埋啲人工妳先啦!」

媚姨笑笑口同文迪講, 「文迪, 你有事就出去先啦, 啲錢你就慢慢先比我都未遲, 呀係呢……」 媚姨正欲言又止, 但文迪就估到媚姨好似係有啲事想講咁。

「係唔係有啲咩事要同我講呀?」

媚姨聽到咁, 索性就坐響文迪嘅前面, 「係呢文迪, 其實響你心目中, 小麗佢會係你啲咩人咁呢?」 文迪有啲 ar 哂頭, 「小麗, 佢咪就係我曾經助養過嘅一個女仔咁囉, 但媚姨, 點解突然之間妳會咁樣黎問我嘅?」

媚姨又再笑住答, 「無, 不過有時見你提起小麗, 咁我就多口咁黎問吓你咁啫, 但文迪, 其實你覺得小麗佢個人係點架?」 文迪好認真咁答住媚姨, 「一個好純, 好真, 好獨立, 同係有經歷過嘅女仔咁囉!」

媚姨笑住搖一搖頭, 「文迪, 唔好話我話你啦, 其實響我眼中, 小麗某個程度上思想係比你仲更為成熟, 而且…..」

文迪正等緊媚姨嘅繼續, 「而且, 呢個女仔似乎都幾關心你, 又或者講…係有啲鍾意左你咁喎!」 文迪聽到之後有啲錯愕。

等左一陣文迪再講, 「係咪小麗同妳提過啲咩事咁呀?」

媚姨搖一搖頭, 「佢無同我講過任何野, 只係有次佢黎搵你, 但你咁啱就唔響度, 所以果次我就同佢傾左成個鐘頭偈, 不過之後佢響短訊度就不斷係咁叫我睇住你, 文迪, 講真, 呢個女仔真係唔錯架, 有機會嘅話你就真係要好好認真咁考慮吓佢咁呀!」

小麗屋企內, 一個表面堅強, 但內心最近硬係成日都蘿蘿攣嘅小麗, 正呆呆咁坐響床上發住吽哣。

「叔叔, 我知而家你個心係好難受, 但小麗以前何嘗又唔係要一個人獨自去面對住所有嘅困難, 所以叔叔, 你都要堅強啲呀…….. !」



小麗公司內, 一個響公司同小麗有啲似是而非男女關係嘅男同事 John 正問緊小麗, 「Erica, 咦, 做咩今朝妳啲面色咁難睇嘅, 係咪有啲唔舒服呀?」 小麗搖一搖頭。

John 再問住小麗, 「Erica, 我嗲啲媽咪成日都想話見吓妳喎, 喂, 咁不如今日收工之後, 你上我屋企度坐吓吖, 好唔好呀?」

小麗望住 John, 「John, 不如…唔好住啦, 我地都好似仲未曾到要見你嗲啲媽咪嘅階段, 呢啲事不如我地都係遲啲先再算咯!」

收工之後, John 拖住小麗隻手響街度行住, 「Erica, 呢幾日見妳好似比平時靜咁, 係咪有啲咩事煩緊咁呀?」 小麗搖一搖頭。

再行多一陣, John 亦察覺到小麗有啲心不在焉, 「Erica, 咁不如我送妳番屋企度休息吓先嘞!」 小麗點一點頭。

兩個人去到小麗屋企樓下之後, 「到嘞 Erica, 咁妳就自己番上去抖吓先啦!」 小麗捉住 John 隻手臂, 「John, sorry 呀, 其實我呢排真係有啲事響度煩緊, 不過遲吓我就會無野架嘞, 所以你唔使咁擔心我嘅!」

John 聽到咁就笑住點一點頭, 「既然係無咩事就好嘞, 咁唔阻妳上樓休息先….」 小麗好似察覺到 John 有啲失望咁。

小麗拉實正要轉身走嘅 John, 「John….」 John 回頭望吓小麗, 「John….不如…你上黎陪多我一陣先走吖!」

二人上左樓之後, John 就默默坐住響枱前, 坐左一陣, John 就正嗌住四圍執緊野中嘅小麗, 「Erica, 點解我成日都覺得, 我地之間都仲係好似有一幅牆隔住左咁嘅?」 小麗無出到聲。

John 又再坐多左一陣, 跟住又望吓隻錶, 然後又再望吓正仲執緊野嘅小麗, 「好嘞 Erica, 其實我真係有啲唔知妳想點? 不過如果係無咩事嘅, 咁我睇都係走先嘞!」

John 已經企左起身, 但突然小麗就好緊張咁走埋 John 度將佢攬住, 「John 陪多我一陣吖, 我…..我….真係覺得一個人好悶同….好寂寞呀!」

(待續)

[ 本帖最後由 mandy2013 於 2016-11-27 03:59 PM 編輯 ]

mandy2013

第六章

John 比小麗呢個咁突如其來嘅舉動, 即時就將個咀印左落小麗嘅雙唇之上, 兩個人正響度深深地咁吻住對方, 錫左一陣, John 嘅雙手就已經開始響小麗身上唔規舉住起黎。

已經將小麗全身上下摸遍, 慢慢地, 二人亦已經移到去廳中張單人床嘅床邊之處, 小麗已經比 John 責住響張床上, 兩個人正再擁吻多一陣, 跟住John 就開始要將身上啲衫褲逐件除下。

床上, 小麗條半膝裙亦已經比 John 除左出黎, 手正開始摸住小麗嘅大脾, 白滑嘅肌膚令 John 隻手開始逐漸向住盡頭方向滑去。



已經到左盡頭中央之處, John 正隔住小麗條底褲正輕力地咁撩弄住, 小麗微微張開雙腿, 正瞓響床上合埋雙眼靜靜咁感受住胯下正在被撩弄住嘅快慰感覺。

John 開始為小麗再除去身上其餘嘅布料, 好快, 二人就已經回復到天然狀態咁再次擁吻住起黎。

「唉…唉…唉…唉…」 已被結合住嘅小麗, 身體上雖然比 John 不斷地衝擊住, 但響佢腦內, 有一個人嘅音容就正不斷響小麗嘅腦海中浮現住起黎。

電話訊息正在響起, 正閉目呻吟住嘅小麗突然好緊張咁挺起個身就攞起個電話黎睇住, 睇完之後, 跟住小麗好快又回復番剛才同 John 正進行緊嘅狀態之中。

完事嘞, 兩個人行左去狹小嘅浴室之內沖洗一番, 地方太窄, John 先行響浴室之內行番出黎, 但想到小麗頭先咁緊張要去檢查短訊, John 即時就有啲好奇咁行埋床邊嘅矮柜之處。

手指正靜靜咁按住小麗部手機, 解鎖之後, John 見到 Whatsapp內最新嘅訊息係由一個叫媚姨嘅人發出嘅。

“小麗, 文迪呢兩日發緊高燒, 但我星期六日有事唔去佢果度, 下星期一我先再給妳短訊吧”

小麗短訊回覆, “明天星期六下午我會去探佢”

John 再睇番媚姨同小麗之前嘅對話, 睇完之後正在喃喃自語, 「文迪……, Erica 果然真係有左第二個男人, 唔怪之得佢近排啲精神係咁仿佛啦!」



小麗響浴室內著番衫出黎之後, 跟住佢就發覺到 John 原來已經唔再響屋內入面, 小麗攞起個電話, 但就見到頁面正開住媚姨啲訊息, 小麗望到後個心就開始有啲唔係咁舒服。

第二日星期六下午, 小麗收工之後就自己搭車入去叔叔屋企, 媚姨之前已經講左大閘密碼比小麗知道, 小麗入左屋後, 屋內似乎好似無人響度咁。

小麗買左啲退熱貼同一啲瘦肉入黎, 跟住小麗就響廚房內開始煲粥, 粥已煲好, 而小麗就坐左響廳中梳化正等待住文迪叔叔嘅番黎。

時間一分一秒咁過去, 已經等到黃昏六點鐘, 小麗繼續坐住等, 又已經到左七點, 之後再八點……

已經到左九點鐘之後, 屋外花園亦都已漆黑一片, 太陽能戶外感應燈亦已自動亮住起黎。

小麗見叔叔仲未曾番到, 而佢亦唔知仲要再等到幾時, 終於, 小麗就唯有留下字條再默默咁離開左叔叔屋企之內。

星期二早上, 小麗如常 send 短訊比媚姨, “媚姨, 叔叔好了點沒有?”  

媚姨輸入中, “文迪原來這幾天都不在香港, 我已看到桌上妳留給他的字條, 和已把妳煲給他的粥倒掉了, 但我已將這事告訴了文迪”

星期日, 小麗同文迪講話想入去搵佢同見吓一面, 已經搭車入到大坳門度, 小麗隔住車窗就已經見到文迪叔叔響巴士站度等緊佢, 車門一開, 小麗就已經急不及待咁就跑住落車, 「哇, 差啲仆死我嘞!」

[ 本帖最後由 mandy2013 於 2016-11-27 04:01 PM 編輯 ]

mandy2013

手臂正被文迪叔叔扶住, 「慢慢黎, 落車使咩咁心急呀!」 兩個人正響度相視而笑住。

文迪同小麗講, 「喂傻妹, 唔好意思呀, 上星期我過左台灣幾日無話到比媚姨知, 所以累妳白行左一趟添!」 小麗笑住搖一搖頭, 「無, 係我自己無問過你之嗎!」

二人入左屋攞左兩部單車響路上各自地推住, 小麗同文迪講, 「叔叔你好似瘦左咁喎?」 文迪又同小麗講, 「妳夠咪又一樣好似瘦左咁!」

「我減緊肥吖嗎!」

「仲減, 一陣大風啲都吹走左妳呀!」

「比風吹起咁你咪就拉番住我囉!」

「咁吹起左我咪就可以當妳係氫氣球咁拉住黎行囉!」

「叔叔好衰架, 咁樣黎話人都有嘅.......」



呢一日, 小麗同文迪兩個都玩得好開心, 入夜, 二人響西貢食完海鮮之後, 小麗同文迪就響海旁邊度行住嘅時候, 小麗似乎就開始顯得有啲唔係咁自然。

小麗有啲口窒窒咁講, 「叔叔, 今日我玩得好開心呀, 係呢叔叔, 咁不如…我以後…都多啲入黎搵你….., （面上一紅）我意思即係搵你去玩咁好唔好呀?」

「好呀!」但文迪就攞起左個電話, 「Shirley, 我同朋友響西貢食完飯嘞, 哦, 好呀, 咁妳而家過黎先講吖!」 「叔叔你係咪約左人呀?」

文迪望吓小麗, 「哦, 係我個新相識嘅女朋友而家過緊黎之嗎!」

新女朋友, 小麗聽到之後, 個心即時就有啲如墮深淵兼面上已經無哂表情, 好快, 有個幾靚嘅長頭髮女仔已經響佢地二人面前出現住, 「文迪!」 「呀介紹比妳地識, 呢位係小麗, 呢個就係我嘅新女朋友 Shirley 嘞!」

(待續)

edwardyeung

會吾會殘忍咗啲啊

mandy2013

第七章

Shirley 伸左隻手出黎, 而小麗呆左一呆之後, 跟住亦同樣伸番隻手出去同 Shirley 握住。

「係呢小麗, 妳同文迪識左好耐架? 無, 妳唔好誤會呀, 咁男朋友同其他女仔一齊就緊會緊張左少少嘅, 更何況妳仲係個靚女黎添!」

小麗無咩心機咁答住, 「Shirley 姐妳唔好誤會呀, 叔叔只係我以前嘅助養人士黎咋, 而我地之間係絕對無其他嘅關係架!」

Shirley 又再同文迪講, 「喂, 一陣不如我地去尖沙咀度行吓咯, 好唔好呀?」 文迪跟住就同小麗講, 「係呢小麗, 橫掂順路, 咁不如一陣我車埋妳番屋企先吖, 咁妳咪就唔使再搭車去彩虹度轉車咁麻煩囉!」

車上, 小麗一個人正默默無言咁響後排度坐住, 而文迪亦不時望吓倒後鏡黎留意住小麗, 好快, 車已到達左小麗嘅屋企樓下度。



小麗開左車門落左車之後, 跟住就同文迪佢地講, 「唔該哂叔叔, 拜拜 Shirley 姐!」 二人望住小麗已經行左入大廈之後, Shirley 就同文迪講。

「個女仔一見倒我之後就即刻靜哂, 似乎佢真係鐘意你咁喎!」

文迪嘆住氣講, 「唉, 我就係唔想小麗佢咁樣, Shirley, 小麗響好耐之前就已經開始比我助養, 但如果我同佢真係響埋一齊嘅話, 我驚到時會引起好多閒言閒語呀!」

Shirley 望吓文迪, 「都啱嘅, 人言可畏, 但文迪, 緣份嘅野有時又真係話唔埋喎, 假如命中注定佢真係你嘅話, 咁就算你再揾多一百個人黎扮係你女朋友嘅都係無用架, 與其咁樣, 咁點解你唔試吓同佢順其自然咁發展落去呢?」

文迪無出到聲 「…………」

送緊 Shirley 番屋企途中, 車上, Shirley 同文迪講, 「喂, 做咩咁靜焗呀? 你唔係仲掛住人吖嗎? 嗱, 今晚我就連客都唔帶都走過黎幫你手, 咁你話你應該要點報答我至係咁呢?」

文迪笑笑口咁講, 「咁妳想我點報答妳吖?」 Shirley 媚住雙眼, 「嗱, 我聽朝就約左個客響相思灣度睇樓, 咁不如今晚就比我去你屋企度瞓, 咁等我聽朝唔使一早就要起身趕入黎啦!」

車已即時轉換方向就直駛上清水灣道。

是夜床上, 文迪同 Shirley 已經做完愛做嘅事之後, 正全身赤裸包住被嘅 Shirley, 見文迪好似正在心事重重咁挨住響床背度。



「喂, 仲響度諗緊小麗呀?」 「唔係呀, 咪亂講野啦!」 「但頭先你先至傷左人地個心喎!」 「Shirley, 其實…我係諗緊, 而家相思灣仲有邊間屋個門口係可以泊倒兩部車咁呢?」 Shirley 聽到文迪咁講, 即時就笑住咁響佢心口度推左一野。

小麗已經打算以後都唔再主動去搵文迪叔叔, 但而事實上, 小麗直到而家每一日都仲係對文迪叔叔牽腸掛肚住, 呢一日放工之後, 小麗同 John 又再響街度一齊行住。

John 同小麗講, 「Erica, 有件事我真係忍唔住想問妳好耐, 妳果個文迪到底係妳邊個黎架?」

[ 本帖最後由 mandy2013 於 2016-11-27 04:02 PM 編輯 ]

mandy2013

小麗無諗過 John 會突然咁問, 「John, 原來上次你真係偷睇過我啲 whatsapp 呀?」 John 無出到聲, 小麗再講,「算嘞, 總之佢響我心目中永遠都係今生之中一個最重要嘅人黎嘅!」

John 聽到之後居然就冷冷咁笑左一笑, 「嘿, 果然我地之間就真係比呢一個人隔住左, 嘿, 嘿, 原來我不嬲都係比妳用黎攝時間嘅, 咁好啦, 我以後都知應該要點做架嘞!」

John 講完呢句最後說話之後, 跟住就頭都唔回咁就轉身離去, 就只剩番小麗一個人呆呆咁企左響街頭度。

孤女獨處, 心繫遠方, 但奈何神女有心, 可惜襄王無夢, 小麗正獨坐於床上, 心內洶湧澎湃嘅心情令佢不禁雙手掩面, 痛哭流涕。

「文迪叔叔, 嗚…., 我知我係配你唔起, 你咁有錢, 身邊又有咁多女性朋友, 我…., 我係咩呀? 我咪就只係一個曾經比你助養而又無父無母嘅孤兒咁囉, 嗚…嗚….嗚….!」



幾個月後, 心情已漸復趨平復嘅小麗, 剛收到媚姨嘅一個短訊, “小麗, 文迪的朋友星期日會到他家中為他慶祝生日, 果日妳有無時間都來一齊玩玩咁呢?”

小麗望住個短訊好耐, 跟住手指就開始打住回覆, “好的, 但當天我另有約會, 所以我只能帶份生日禮物交給叔叔和向他說聲生日快樂便要走了!”

短訊發出過後, 小麗正心想雖在逃避, 但始終係叔叔嘅大好日子, 而再加上係媚姨特意通知佢呢件事情, 所以為防被人洞悉心中醋意, 小麗亦唯有硬住頭皮出此下策。

(待續完結篇)