〈旺角黑夜〉
香港地最濃厚市井江湖味之地,莫過於旺角:白晝時熙攘紛鬧,肩摩轂擊;入咗夜龍蛇混雜,燈紅酒綠。 一個停電嘅夜晚,有陌生男女相遇⋯⋯ |
男主角「哈利」,係我仲未儲夠分數回覆pm之前,喺discuss隨機add嘅師兄。 起初,佢只係「其中一個」hi-bye網友;後來,先知佢大我一年,一樣都係讀緊大學final year,一樣都係最近受傷瞓過醫院,最緊要係我哋同樣都身處旺角地帶嘅江湖兒女-近水樓臺,相對容易有下文。(下,咩呀,成個旺角咁大,我住晒嘅咩?你可以試下「伏」我,我最叻玩「捉伊人」同潛水㗎喇,唔係淨係「淫蟲」先識「見首不見尾」嘅
)
佢: 係呢,你讀咩㗎?
我: 我讀XX系㗎,似哩~
佢: 我意思係你响邊度讀
⋯⋯
我: 哦,馬料水嗰間呀。
佢: 咁就好喇! 我最怕你同我讀同一間,我間U啲女出名淫賤,有陰影。
大家睇,哈利都幾「得意」-據我了解,男人「啅女」大多但求就手嘅啫,有班咁主動嘅女同學的話,豈不是如魚得水,豈有調返轉叫苦嘅道理?
佢: 我哋住咁近,你幾時嚟我度一齊玩呀?
我: 得閒先啦,有機會先啦
佢: 唔好「hea」我啦,我呢度有得煲劇,有美劇日劇動漫,有新舊電影,《Running Man》啱唔啱? 尋晚出咗最新一集喎,一齊嚟睇啦,或者一齊打機都得㗎
我: 我無追開「Running Man」,無煲開劇㗎啵
佢: 下?!咁你平時有咩做?
我: 而家間中要抽時間返去做物理治療,仲要去補習,得閒咪睇下書,練下琴咁囉
佢: 好似好文靜咁喎⋯⋯
我: 我不嬲走清純路線㗎。嘻嘻~
佢:⋯⋯
今晚,我如常睇完書就準備搵周公捉棋;點知想熄燈之際,間屋突然黑晒,風扇都停埋,開都開唔着。「噢⋯⋯頂⋯⋯停電⋯⋯」我先醒起:原來今晚全幢大廈都停電,附近搞咩工程,有emergency work喎,早幾日管理處已經貼咗通告㗎喇,係我自己睇完當無睇過啫。
凌晨時分嘅夏之夜兼逢停電,就算開晒窗門,依然好焗,留多陣,我分分鐘可以做女版Ryan Reynolds演套香港版《Buried》喇? :')納悶之際我赫然醒起一個救星-哈利(搞錯呀,有事鍾無豔,真可惡唷)。
(手機中)
「哈利,救命呀,我幢大廈停電停成晚呀,今晚去你度借宿一宵,OK?」
「好呀,咁你快啲嚟啦,而家夜喇,驚你有危險。」
於是,我快手沖咗個凍水涼,求其着返條淨色背心連身裙,撻對拖,就行去佢屋企。
哈利奉行家徒四壁式嘅現代極簡約主義,全屋嘅活動位置除咗一張雙人床,基本上無路可「走」。零時十分,我同哈利喺床上並肩坐响度欣賞notebook播緊嘅一套日本動漫,一邊「破冰」-嗱唔係啲咩H漫呀,套動漫叫做《坂本》,係校園風嘅。 同時,我繼續「抱怨」:
「頭先你話向左望、向左望;哥哥,七點鐘至十一點鐘方向都叫做『左』邊㗎。」
「咁串嘅你,同你講咗十秒距離,喺正左邊,咁都唔夠清楚呀?」
「十秒,你唔畀我腳長行得快?你計過時嘅?我又知你唔係用誇張嘅修辭手法嚟形容嘅?」
「你傻豬就傻豬啦,關我咩事呢?」
「仲有仲有,邊有人一見面就拖女仔隻手㗎?」
「哇,我特登落樓下接你,又驚啲亞伯走嚟問你價,先拖手『保護』你咋喎,你唔見啲亞伯係咁鴿你㗎咩?」
「我見呀,咪都係因為你講得唔清楚,我先走咗去嗰邊囉。」
「丫,仲鬥嘴,仲咁串⋯⋯」
話音未落,哈利就出手「唧」到我成個人攤低,一嘢咀埋嚟,兼且一手箍住我條腰,另一隻手摸上我大髀;我避無可避,右手無力,推唔開哈利,只能用同樣方式回敬還擊。雙人床變成搏擊擂台,只係節奏突然加快,好快、太快,我勉強跟上速度,只能處於「下風」。 哈利嘅嘴唇其實幾柔軟,帶來溫柔而暴烈嘅吻啄,同男朋友(已是前度)嗰種懶洋洋嘅style相當唔同,我幾喜歡。 哈利得寸進尺,伸手入條裙裏面,摸到心口背脊之處,極速同我除咗個扣-佢除扣嘅動作非常乾淨俐落,幾乎比我自己還要熟練,唔怪得我當時都嚇到碌大對眼呆咗:「下?」但未曾講埋下半句,佢就已經轉而做下一個動作:夾硬除我條裙出嚟、自己除衫。 呢個時候,我身上只剩低已經半鬆開嘅bra同小內褲,瞓喺呢個第一次見面嘅男仔面前,面紅氣喘了。 佢停低動作幾秒,望住我,讚賞到:
「咦,你件bra同under一套㗎喎,好靚呀,我好鍾意。」
「係咩? 我男朋友之前開到聲點明唔鍾意呢隻
珊瑚色,話老土喎。其實我都好鍾意呢一套,因為着得最舒服,多謝你識貨喎,嘻。」
講完呢句,哈利就出手剝我光豬;我即刻彈起身,熄咗盞刺眼嘅廳燈,用黑暗嚟保護自己-要喺一個陌生人面前、燈光包圍之下,坦然赤裸相對,並唔係一件隨便或容易嘅事,何況我其實係好怕羞嘅呢?(美其名「嬌羞」,究其實始終係受世俗道德規條干擾下「羞」多於「嬌」嘅自我保護行為,近乎反射動作咁自然啫。)
~上編完~
[
本帖最後由 祝伊欣 於 2016-7-4 09:59 PM 編輯 ]