未婚夫日誌
我係一個乖仔，旁人標準一切的好我也在努力，努力讀書，做個乖乖仔，不做錯事，不做多餘事，努力工作，工作上取得滿足感了，和女朋友呢?拍拖多年了，如無意外，將來也是和她走進教堂，開心一起。計劃是生個小孩，既然做了好男友，當然接下來就是好老公、好爸爸了，一切都理所當然，一切都應該，旁人覺得應該，連自己也覺得應該，人生的劇本，大部份都是這樣寫，都應該是這樣走……..但是……真的是應該這樣嗎?一切變化，源於潛藏下的心野，心野的開始，卻來得不是時候:
人妻篇
您好，哦?妳已結婚多年?我?我未結啊……
其實結婚耐左，係會咁樣?
下屬篇
你好，我是你上司Dragon，妳是新來的吧?OK,跟住落黎因為要趕份Catalogue，都幾多野整，唔明就問Amanda啦……
哦，咁夜仲未收工既妳?
啤酒妹妹篇
你好，請問藍妹係咪妳阿妹?妳可能係最好既?即係嘉士伯啦，我有無估錯?Sorry,我知老土左少少…..
我唔似出黎玩?乜有樣睇架咩?
香港大部份人既工作同消遣模式，可能都會係一星期工作、周末就和另一半輕鬆渡過，睇戲、行街、食飯、買野、仲有時間嘛，可能報個course進修，找自己興趣，去做個運動。因為女朋友忙，性生活不算密，那麼一年中安排去既旅行，就會使我份外期待。
我?我係邊個?我係Dragon，非常大食，非常咸濕，仲好壞，只係………而家既我仲未清楚另一個自己先遮。係旅行後，和女友鬧得不愉快，因為性生活上，我地非常之不咬弦，當時既我，會責怪自己，為什麼令唔到她更愛我，我係唔係真係太大食，我係唔係唔吸引唔夠魅力，性方面我應該點做先好?好多好多問題，我都搵唔到答案，直到上網睇左篇文章後，我發現，原來網上可以有好多野都會搵到我想知我需要既答案，分別在於…….有無答錯。
同女朋友有唔開心，唔出奇，慢慢磨合嘛。她始終是我將來打算一起既人，其實，結左婚會係點既呢?關係同感情應該會更好嗎?如果唔係，咁點算呢?一個人時，特別鐘意問埋d白痴問題，而家唔夾既性生活，日後先解決，定而家就要諗定呢?
某天……係網上看了一份討論，大概傾既就係講緊2個感情好好既人，結左婚，先發現性生活好唔協調，慢慢更影響感情，相處。文中樓主並不活躍，反而當中討論既人就相當啜核抵死，真係咩野都講得出。做咩埋單前唔試清楚件貨、功能不符，QC把關不力、樓主唔係7天，係幾年試用期都未搞清，怪不得人等等。講真，當中有些講中我的要害，令我份外留意各人的意見，其中有部份，提出既更開始令我懷疑自己，所以，開始左我留言既第一步。
我:
耐左，真係會淡而唔想行埋嗎?
點樣知道對方無興趣?
如果我想，對方唔想，可以點做?
其實點為之……. 有技巧?真係可以令到對方想搞野呢?
咁家陣究竟太快唔好，定太耐唔好啊?
太多太多白痴既問題，由於網上唔見樣，大家又唔識，反而令我更肆無忌憚地發問，直到問:
如果感情係好，但性方面真係唔夾，好想一齊應該點做，唔好講咩戒口或分手，有無實際意見呢? 當問題提出後，大家都無點玩野，都會提出意見，而Cherry，更會反問好多野，令我去反省同埋檢討。Cherry，後生人妻，有一個小朋友，大型連鎖店度做Sales，我所知佢既事不多，只知佢比我見多識廣，好後生就結婚。及後我發現佢字裡行間，原來同老公亦鬧不和。我點知?因為係佢身上，我發現我仲有好多唔了解既兩性問題可以問到，所以決定同佢email來往，係，係email，Oh…….sorry,呢件回憶，係發生係……..智能電話還未有的年代、亦即遠古之時…………… 當年，溝通其實係勁唔方便，但係無比較下，其實感覺又OK喎。
由於大家會PM同email，一開始既對話，好多時一來一往成粒鐘先果幾句，大致開場白都係:
您好，哦?妳已結婚多年?我?我未結啊……
其實結婚耐左，係會咁樣? ( 講緊既係，Cherry同佢老公耐左，咩都變得例行公事，而家更慘既係，佢老公原來有左第2個。 )
我地既網上傾談，維持左一段頗長時間，直到一個問題，
我: 妳成日講我無問題，但有咩方法，可以令我更有吸引力，令佢有釘一聲既新鮮感呢?
Cherry: 都唔係無方法既，如果你真係想知，就要睇你肯唔肯。
我: 唔好賣關子啦，妳知我一定肯架?定你想講，要去健身變大隻先?
Cherry: 無聊，我意思係，如果你真係想知，我地約出黎見啊。
我: 哦?妳OK?
Cherry:Why not?
以下呢段，係我等左好耐想打，但一直都無機會打既對白。我同Cherry，最初只係朋友傾，無諗其他野，無諗住有機會，完全只係朋友為出發點，試問又點會知，係佢身上，令我學到咁多野呢……….
[
本帖最後由 dragonbone 於 2019-8-16 05:06 PM 編輯 ]
