Part 7
對唔住咁多位！因為太忙，所以依家至有時間Update！要你哋等咁耐真係唔好意思.....
續上回，同CC做完錫錫下，最戲劇性嘅一幕發生！房喥門打開咗..........！
女友開房門起身去廁所... 一開門，見到兩條光豬肉蟲攪住互咀...
白痴都知咩事啦... 女友見到後，好凶狠咁大叫：你兩個有無攪撚錯呀？
然後好大力咁彭門...
我同CC對望，然後我話：你著返衫先，我入去同佢傾下...
CC：不如我走先啦... 我仲喺喥咪大家都落唔到台...
我：我知，咁你落樓下食早餐先，等我電話...
開門入房，我見到女友執嘢走！
我：對唔住！
女友：有用咩？你有無攪撚錯呀？平時我都由你啦！你攪到返屋企？
我：我平時夠由你咯！你夠係我間bar同人攬攪錫錫啦！夠當我死啦！我有無發你爛渣呀？
女友：咁唔駛傾啦！分手！
我：好！溫馨提示！你慢慢執，唔好執漏嘢呀！
女友：你真係正仆街！為咗條公廁你同我分手？
我：要分手就分手！你有咩資格話人公廁？你好得邊樹？你夠同Michael攪埋啦！你估我唔知呀？咁你又係咩呀？
女友：..... 依家即係報復啦係咪？
我：算啦！大家從無認真過，你點諗咪點諗囉！I don't care！
其實個畫面諗返都幾好笑㗎... 大家都光脫脫咁嘈分手！哈~
我九秒九著返衫褲，然後落樓下茶記揾CC，
一開門，原來佢係門口無走過！
我：你做咩唔落去呀？你聽到哂？
CC：嗯...
我：唔駛理佢，我哋不如上天台等佢走至入返去啦...
CC：咁點算呀？
我：咪分手囉！明知故問！
CC：我話我哋點算呀...
我：咁你有無興趣入嚟住？
CC：唔好... 我唔想好似佢咁... 何况我仲租緊第二喥...
我：唉... 差啲唔記得添！咁你單嘢又點呀？
CC：其實佢果晚好激動先咁... 我都好唔啱無理到佢感受... 佢已經係咁氹返我...
我：咁打人就點都唔通啦！你無諗過分手咩？
CC：呢個係我嘅事，比啲時間我攪掂好嘛？
我：唉... 我哋都咁亂... 其實一啲都唔好玩，好攰呀！想靜落嚟唔想煩...
CC：咁即係點？
我：好想認真咁拍下拖，唔想再週圍走！
CC：哦... 其實我有啲嘢無同你講...
我：咩呀？
CC：我未嚟做間Bar之前，都同Michael行過...
我：估到啦！ONS呀？
CC：.....
我：咁過咗去嘅嘢我控制唔到！
CC：其實你女友無閙錯我... 不如你再諗下先啦... 我唔想你唔開心！男人把口話唔介意其實係最介意！
我：我可以介意啲咩？咁如果你同我一齊，仲會唔會咁亂嚟？
CC：你唔會我咪唔會囉！所以我叫你諗清楚，我唔想好似你女友咁嘅下場...
我：你攪掂哂啲嘢先！下面間屋、張床同我，都會等你！
傾咗差不多成個鐘，等前度走咗之後，我哋再入返去，
大家返吧之前嘅時間，我哋嘅咀未離開過對方嘅身體！
果一刻，大家係心入面嘅激情湧哂出嚟，我心入面諗，呢個會唔會係我嘅對小姐呢？
鍾意一個人好容易，但愛一個人好難，要忘記一個人更可能要付上一生嘅時間！
性同愛可以分開，ONS、SP甚至GS係好刺激！
但過後面對嘅空虚... ，係好陰暗嘅時間... 都唔知為乜係咪？
其實每個人追求唔同，但最終無論男女，都係怕悶都係想揾個人錫下兼可以依賴！
如果幸運地，可以揾到互相愛錫對方嘅人，請停止遊戲，珍惜愛！
故事未完，再續！
先預祝各位新年快樂！有性有愛！
[
本帖最後由 車厘仔仔 於 2011-1-25 01:21 AM 編輯 ]
