萬洛豬

其實應該係我多謝咁多位先岩，我一直以為自己冇咁既耐力同恆心去完成依篇文章，但原來「你的回覆，就係作者最大的動力」依句説話，當自己作為筆者依個角色時，感受係咁大，咁多位就好似陪住我去完成依份禮物比E一樣。

哈哈！見到好多朋友都比我地個結局殺左個措手不及，本身個故事就完結架喇，因為我相信將個故事停起一個虐心既位置，一定可以令大家十年八年後，偶爾都會想起我同E既故事，但我都唔希望大家太過沉重⋯生離死別係每個人都會經歷得到，E人生最後既一段路，佢有一位好錫佢既先生，同埋一位好要好既知心好友陪伴住佢，我知道佢一定已經覺得好幸福。

E最後既一年好忙架，相信男男女女都唔會唔鐘意E依種性格既女仔，所以佢真係好多朋友，淨係忙住去見佢地，行程都填到密密麻麻。套用返佢既一句說話，相比起好多突如其來既意外所帶走既生命，E已經有足足一年既時間去交待要交待既事，去做想做既事，食想食既野，佢就係一個咁樂天既少女。

老實講，如果E真係睇得到依篇文章，佢實鬧死我，佢係一個望到性感情節都有啲怕醜既女仔，但我就將搞野既情節寫到咁鬼露骨。無辦法啦，我歡喜引版既你地，可能連性事都可以攞出黎同陌生人分享，所以你地先會那麼不做作、那麼坦率，為左適合返引版，就唯有跟返個版規啦，如果E係介意既，黎搵我丫⋯

講樣野比你地知丫，為左完成依份禮物，我重新入返E既FB睇返佢打比我段說話，我發現原來佢CM位置有講話等佢好返，佢會搵返我⋯但⋯你都冇遵守你既諾言喔，一人一次打平手丫。

E過左身之後，佢位知心好友有搵過我，帶左句說話比我，佢話E生前比左我電話號碼佢，E希望我會出席佢既喪禮，見佢最後一面。同埋我送比佢份聖誕節禮物佢一直都有保留住，從來都冇忘記我地既往事。

我份人好善忘，所以我必須要令我覺得欠左E，先會更牢牢記住同佢既每一個片段，依樣先真真正正係我答應要為佢做既最後一件事。

「所以唔係打平手喔，係我欠左你喔，如果有來生，我再還比你丫，但未到依一日之前，就等我用我餘生去記實，去記實我地之間最珍貴、最甜蜜、最瘋狂既片段」

或許有那麼的一天我會有勇氣去望住佢墳前張相，去見佢一面。

我知道有好多師兄師姐可能都經歷緊類似既關係，講緊記，離別並不可怕，可怕既係沒有及時去愛。我同E之間並不存在任何後悔，因為我地都知道喺嗰一個最合適既時刻，大家已經將能夠給予既愛都比左對方。

好喇！我地既故事黎到依到真係到尾聲喇，我同E都衷心感謝一直支持既每一位引版師兄師姐，希望各位唔好再咁心噏啦！

paulgortoronto

師兄好勇敢!

alyc0111

引用:

原帖由 萬洛豬 於 2019-9-9 11:41 PM 發表
其實應該係我多謝咁多位先岩，我一直以為自己冇咁既耐力同恆心去完成依篇文章，但原來「你的回覆，就係作者最大的動力」依句説話，當自己作為筆者依個角色時，感受係咁大，咁多位就好似陪住我去完成依份禮物比E一樣。

哈哈！見到好多朋友都比我地個結局殺左個措手不及，本身個故事就完結架喇，因為我相信將個故事停起一個虐心既位置，一定可以令大家十年八年後，偶爾都會想起我同E既故事，但我都唔希望大家太過沉重⋯生離 ...

游玩時開心一點不必掛念我
來好好給我活着就似最初
仍然在呼吸都應該要慶賀
如果想哭可試試對嘉賓滿座
說個笑話紀念我


我諗E小姐咁樂天嘅性格，佢都會對你講歌詞嘅意思，加油！

redinduck1111

一個好刻骨銘心的回憶, 樓主努力生活...加油!! 

Lojcetp

師兄，加油喔！

anthonychan

Sad story.....
師兄要加油呀

SP1383

一次過睇晒你既故事，好有感觸同感
或者睇過引版最動心既文章，多謝師兄

好好記住開心既日子，加油

[ 本帖最後由 SP1383 於 2019-9-10 10:04 AM 編輯 ]

香港中心的香腸

珍惜眼前

dragonbone

引用:

原帖由 萬洛豬 於 2019-9-9 11:41 PM 發表
其實應該係我多謝咁多位先岩，我一直以為自己冇咁既耐力同恆心去完成依篇文章，但原來「你的回覆，就係作者最大的動力」依句説話，當自己作為筆者依個角色時，感受係咁大，咁多位就好似陪住我去完成依份禮物比E一樣。

哈哈！見到好多朋友都比我地個結局殺左個措手不及，本身個故事就完結架喇，因為我相信將個故事停起一個虐心既位置，一定可以令大家十年八年後，偶爾都會想起我同E既故事，但我都唔希望大家太過沉重⋯生離 ...

仆街............臨尾都咁感性.
師兄可以排係2019既十大非睇不可好文喎.
我好簡單,將最愛既心情俾愛人知就夠,唔好有遺憾,唔好俾太多籍口自己唔去做.
我自私D,因為我知終有一日我會返去現實世界,有自己本來既角色去做.可以難得遇上鐘意既人,一定要去愛.

eJ615

師兄，睇晒你篇文章後，覺得E係嚟搵你俾一個人生中一段精彩插曲嘅一個小天使！佢做到了，亦返返上天堂了！你會好好記住呢一段人生樂章！