新一年祝大家身體健康,新年進歩!!
今次應該係我寫這個故事的最終篇了。因為再沒什麼「引人入性」,只有感情的事,亦只有我同佢的真實故事而巳,相信無人再感興趣了。以下只係我將尼幾年的事, 心刻的一些後記寫下來, 如果吾夠「引人入性」,望各位見諒。
********************************************************************
「人生有好多愛出現, 點解吾俾一次機會自己? 點解吾俾一次機會人地? 也許你會發現“她“先係你所想要的叧一半」
佢尼句說話一直好似幻聽咁在我心裏不繼重覆籍…….
********************************************************************
嗰年除夕係零下一度, 尖東的海旁嗰晚好凍好大風, 我同佢一齊食完 dinner, 專登由海旁行番去中間道攞車檔拍下拖。因為太凍太大風, 所以我拉佢緊靠我身旁, 並將我件大褸連手一起縷着佢, 好讓互相給對方溫暖。佢:「你好暖呀…如果我地可以永遠係咁就好喇…..。」我:「我地平時吾係咁既咩?」佢:「平時邊知你咁暖呀? 」我:「吾係呀!其實係你溫暖左我,你吾知姐!」佢:「咩呀……好大風呀!」我:「上年今日你仲記吾記得呀!?」, 佢:「記得!」我:「嗰刻以為冇左你..」
*********************************************************************
嗰一年既前一年, 我一早打去佢 office, 我:「記吾記得我話公司搬番去你嗰頭呀?」,佢:「係呀,咁又點?」,我:「我office 搬左去你地三期呀!」佢:「哈哈哈!你 D lunch 要預多份啦!!哈哈哈哈哈哈!!」
就係咁,好多時我地都一齊 lunch 或 happy hours.....有次一齊放工, 如常去同一間 bar 等對方 happy hour 。而嗰晚, 一飲就12點幾, 佢:「揾晚叫你女友一齊落黎飲吖,D 野又食吾晒!」聽罷, 我又慶慶地講:「女友定意係乜呀? 有過性關係算吾算?」佢:「你當人 one night stand 就吾算!」我:「 Two night 就算?」佢:「........有感情嗰D呀!賤人!!」我:「有愛冇性就叫女友呀, 修女?」佢:「又吾係 one night stand, 有感情但冇性!? 得咩你, 臭男人!?」, 我:「有性冇愛, 得咩你, 臭女人!?」
佢:「我吾得!」,我:「咁吾過我係鴨呀!?」佢:「你自己話架炸,賤人!」,我:「咁你掙我D肉金未俾喎!」, 佢:「…….死賤精!」
我:「好!如果我同 Bonnie 一齊左, 你係咪 ok 呀!?」佢停左一陣便講:「…..我祝褔你地!」我:「吖,你真偉大!!」,佢:「.......」,我:「咩呀!? 講下笑姐!」一時間大家靜了下來。佢:「我要同老公番佢家鄉住一排!」我:「吓! 你仲番吾番黎?」
********************************************************************
嗰一日係我一生中最難過既一日,佢冇同我講佢邊班機走,但我放左工,一個人儍更更咁走去機場想撞下見吾見到佢,當然我尋找了好幾片也找不到佢。正當好白痴咁去停車場取車,我收到兩個sms, 一個係佢:「傻佬,我上機了, 有緣下世再見。但今世我只愛你一個,你等我嗎?」。而另一個係Bonnie 的 sms :「今日我生日,我想我的愛的人可以同我共渡每年的生日麻?」……..我嗰一刻只坐在車上不斷的哭起來。
********************************************************************
大半年過去了,我同佢只係時不時 send email, 冇再 msn, 而另一方面我同 Bonnie 就只維持朋友關係…….但可惜只係我以為係朋友關係,直到我同「佢」的「大日子」前一日, Bonnie :「明日你生日,你想去邊度慶祝?」,我:「我想一個人。」, Bonnie :「點解?佢都走左啦,冇人同你慶祝架拉!」,我:「我知,但我想同佢慶祝!」,Bonnie : 「佢番左黎咩?!」,我:「冇!」Bonnie :「咁即係咩?」我:「……其實我同佢同月同日生日,我想同“佢“慶祝!」Bonnie :「………」跟住收左我線。
未幾Bonnie sms 我:「咁多年,我對你係點你吾知咩?」我:「sorry,我知, 但…sor…..」, Bonnie :「我只想同你一齊,只要你放棄佢!」我:「sorry!」Bonnie :「你地吾會有結果,再發展落去,你只係一個勾人老婆的衰人而巳。」我:「如果愛係誤會而結合叫聖人,而因相方卒之認清咩叫真愛就叫衰人,咁我係!! sorry, Bonnie, 如果我夾硬同你一齊,在我而言,我真係一個衰人,因為就算我以後再吾可以同佢一齊,我願意等到下一世。你知道麻,我以前在英國讀書時, 我一直同一個英國老兵住,我 home stay 喺佢度, 但佢一直只得一個人住,我曾經問佢點解成六十歲都吾揾個伴侶,佢答我, 佢喺法國一次戰事時,同一個女護士相戀, 亦深深愛上佢, 但亦親眼睇住佢俾炸蛋炸死, 個護士死時,個老兵只握住佢手同佢講,一生只愛佢一個。之後個老兵一生不再愛其他人。佢 First name 叫 Joke, 佢成日同我講,佢一生只係一場笑話。以前我吾明, 依家,我明了! Bonnie, 多謝你, 但讓我一生也是 一個joke 吧!!」
自此之後我再無同 Bonnie 聯絡了,而且只有同「佢」維持 Email, 雖然我每個 email 也稱乎佢「老婆」但佢也只以「傻瓜」稱呼我,而且就算不久佢全家回港後,我同佢都只維持 msn及 lunch 。但早排我因交通意外入了院,佢雖然沒來看我,但一日數個關心的 whatapps 已叫我心甜了。直至早排,佢決定同我渡假過夜,想睇睇我傷愈的情形如何, 我同佢在酒店過夜時, 我地睡在牀上, 佢一句:「老公,你以後吾好再要我擔心, 如果吾係我以後吾知點算好。」我眼濕濕地吻了佢既咀,佢只笑了一下,我便開始吻佢條頸,然後我地手捉緊對方的手, 互相熱吻下去了........ (完)
********************************************************************
P.S. 今次我好想多謝一位網友幫手,而且尼位網友亦 send 左一首好有意思的歌祝褔我同佢, 我非常感謝尼位網友, 亦好多謝大家支持及閱讀我既 Post。在此我都想分享尼首歌, 祝願各位找到真愛!!
http://youtu.be/eBvarz3DY00
[
本帖最後由 bron 於 2012-1-1 02:26 AM 編輯 ]
