引用:
原帖由 degree06 於 2020-2-5 15:42 發表 
師兄，覺得依家政府仲有咩可以做？林鄭好想做野，但想搗亂既亦唔少。內地來港既人，好似話已減少八九成了。政府可以下令公務員遲開工，但能不能命令私人公司？以緊急法下令或者得，但緊急法好似俾民主黨和公民黨聯手挑戰，暫時未能運 ...
如果你問我,我會講,呢D勢頭,政府做得好既,係會加分.咁要做既野,係唔係好難,又或要問呢個果個先呢?我會講,一定係,但就要快.
我地睇下台灣澳門點做,1個地方比我地人多,1個地方比我地人少,反應都有晒,其實點解而家D人會爭口罩,消毒水,係因為太多不明朗因素,政府,真係要帶頭做D野架.
我有2個澳門朋友,好淡定,因為澳門政府講明係當地市民,就會有口罩,所以佢地好放心.
咁香港係唔係真係咁缺呢?我有個朋友,佢家人做護士,呢單野佢家人拎左50盒50個一盒既口罩返黎放係屋企,講佢可以慢慢用,一個護士都分到50盒,我又唔知條數點計到唔可以學人地只要香港人就有口罩..............
連國內地方都有口罩派,當然唔係大量,但都可以好穩定人心.
我之前都提左,國內中央已提出,私營公司要停工,開工者就會罰,所以我先唔使返國內.你可能講,無工開咁食咩?但而家係講緊會死人,我估食少D,食儲備總可以.再唔係,政府設追溯期補償,而家公司唔好開工,係為左唔好聚集人群.國內都識截人流,封村封廠,香港就唔可以?
其實我係另一個post講,我唔反對封關,但封就唔好只封國內,係香港人完全停晒出入,即完封,咁如果唔可以完封,就唔好玩罷工,兩者有無關,呢D就係既得利益者會聽得明.想抽政府水既人更心知肚明.
係,我唔贊成罷工,今次我對醫療既人員好失望.SORRY講遠左亦講多左.
