Part IX
祝大家新年快樂! 身體健康!
F日日都有打比我,問我點?我知佢好驚我做錯事,但咁樣日日關心既問後,對我反而仲難抽離.
雖然無襯口講分手,但明事理既都知發生咩事,以前係傾電話既甜蜜已經無左,換來既只係一句句既對唔住同SORRY,傾多兩句都覺得膩既感覺,已經沒有內容既傾談,令我好唔想再傾,而每晚都會諗起之前既片段,越甜蜜,就越痛,咁樣既生活,遲續左差唔多個多月,非常辛苦.:smile_o03:
有1日,T SEND左個MSG黎內容係,HI,黎緊星期6得唔得閒?我個義工隊唔夠人,得唔得閒黎做D有意義既事呀? :smile_o06:
我睇完其實都無乜心機理呢個MSG,過多2日係星期五,T 再SEND左個MSG 黎:喂喂,有無人呀?聽日幫幫手啦,好過坐係碼頭等天光啦係咪?
我都係無理,到左下午3,4點,T打黎
T:喂喂, 我係T 呀 :smile_o15:
我:哦
T:係喎,你叫咩名?
我:我
T:聽日得唔得閒呀?一齊去做醫院探訪丫..好開心架.
我:唔啦
T:咁妳聽日有咩做呀?
我:無
T:無就幫下手啦,最多請妳食飯啦.
........
經過幾分鐘既疲勞轟炸後:smile_o02: ,就應承左同T去做醫院探訪.
星期六一早起身,就去左某間醫院門口等(其實我唔係好記得T既樣,因為果日真係無乜留意)
見到幾個人行埋黎,其中一個行埋黎
T:今日好整齊喎
我:妳係T?
T:妳咁架,咁都唔得
我:果日無點望過妳,SORRY
T:算啦,今晚請返我食飯
我:唔係妳請咩?
T:咁今晚果餐我既,下一餐就到你.
我:哦,事但啦
跟住就入左醫院入面,有D人就唔知要餐理D乜,我就ON居居企左係度,過一陣T就行過黎,叫我地集合跟住就去個FUNCTION ROOM,跟住就推左一D公公婆婆出黎,同佢地傾下偈,又講下玩下咁,跟住就播D歌比佢地聽下,咁播緊歌果時,T就過問我
T:點呀?攰唔攰呀? 好唔好玩呀?
我:OK 啦
T:有D 公公婆婆好玩得架,小心D
我:哦
好快就到左12點,咁我地都差唔多要走,有個公公就話,你2個(我同T)好襯,同心地都好好呀!我只係笑左一笑,而T就撟住我話,我地就結婚架啦,到時黎唔飲呀?我呆左望一望T,T對住我申一申利.
出左醫院,我就講,乜咁大整古呀,我地係度擺酒呀?我比左禮金亞伯母未呀?
T
笑笑口)係咪唔講得笑先?
我:講得笑,但會唔會開得太大呀? (唔知幾時心情好左)
T:咦,識笑喎!咁今日都無白黎啦? 餐飯底請啦!
我:我都覺得今日幾開心
T:咁啦,而我請妳食麥記啦,任叫!!,夜晚就到你請返我架啦.
我:OK
我地去左附近既麥記食LUNCH,都幾開心,有傾有講,內容都係傾返頭先探訪既野,食完又傾左一陣之後,就自己返左屋企,沖下涼,休息下咁.
正諗返今晚係咪真係同T食飯之濟,F打黎，問我今日點！我都有同佢講今日既事,而F就覺得我咁快就可以放底佢,好似放底左心頭大石咁,但我咩都無諗, 只係覺得唔開心.
到左5點幾,T打黎,
T:我地今晚食咩?
我:咁妳想食咩呀?
T:我想....睇戲先,因為未餓.
我:哦,咁係邊度等?
T:去金鐘睇丫好唔好?
我:OK啦
約好左就準備下就出發......
待續..........
